ព្រៃវែង ៖ កម្លាំងចម្រុះរបស់គណៈបញ្ជាការឯកភាពស្រុកពាមរក៍ ខេត្តព្រៃវែង នាពេលថ្មីៗនេះ ដឹកនាំដោយលោកស្រី សេង ទៀង អភិបាល នៃគណៈអភិបាលស្រុក បានចុះបាញ់ទឹក
លាងសម្អាតដីតាមដងផ្លូវនិងរៀបចំសណ្តាប់ធ្នាប់ ចាប់ពីលើស្ពានអ្នកលឿង រង្វង់មូលត្រីកោណ រហូតដល់ស្ពានស្ទឹងស្លូត ព្រំប្រទល់ស្រុកព្រះស្តេច តាមបណ្តោយផ្លូវជាតិលេខ១។
លោកស្រី សេង ទៀង អភិបាលស្រុកពាមរក៍ បានលើកឡើងថា ដើម្បីជួយសម្រួលដល់បងប្អូនប្រជាជន អ្នកធ្វើដំណើរកាត់បន្ថយការកកស្ទះ និងបញ្ចៀសនូវករណីគ្រោះថ្នាក់ដោយ
យថាហេតុ ជាពិសេសពិសេសកុំអោយប៉ះពាល់ផ្លូវដង្ហើមសុខភាព អ្នកធ្វើដំណើរផងនោះ ទើបកម្លាំងចម្រុះរបស់គណៈបញ្ជាការឯកភាពស្រុកមានការចូលរួមពីសំណាក់អភិបាលរង
ស្រុក មន្ត្រីសាធារណៈការ ប៉ូលិស ប៉េអិម អាជ្ញាធរឃុំ ភូមិ បានប្រើប្រាស់ឡានបាញ់ទឹកលាងសម្អាតដីលើស្ពានអ្នកលឿង និងបានរៀបចំសណ្តាប់ធ្នាប់ ។ ក្នុងនោះ ក៏បានធ្វើ
ណែនាំអោយអាជីវករដែលលក់ដូរហៀរចូលមកលើចិញ្ចើមផ្លូវទាំងសងខាងអោយពួកគាត់រុះរើខិតថយក្រោយចូលក្នុងវិញ ចាប់ពីរង្វង់មូលត្រីកោណ រហូតដល់ស្ទឹងស្លូតព្រំប្រទល់ស្រុកព្រះស្តេច។
លោកស្រី អភិបាលស្រុក បន្តទៀតថា សកម្មភាពបាញ់ទឹកលាងសម្អាតដីលើស្ពានអ្នកលឿង និងរៀបចំ សណ្តាប់ធ្នាប់ តាម ផ្លូវ ជាតិ លេខ ១នេះ គឺបានធ្វើជាបន្តបន្ទាប់ជាញឹកញាប់តាមការពិនិត្យមើលជាក់ស្តែងផងដែរ៕
