ទំនិញគេចពន្ធឆ្លងដែនក្រោមខ្សែភ្នែកលោក ទុំ ណូ ក្នុងភូមិសាស្ត្រខេត្តកោះកុង ច្រើនសន្ធឹកសន្ធាប់
គយខេត្តកោះកុង កំពុងជិះសេះលែងដៃ ក្នុងអំពើពុករលួយ នៃការអនុញ្ញាតឲ្យនាំទំនិញចូល។ អំពើពុករលួយទៅលើផ្ទៃសមុទ្រ គ្មាននរណាអាចវាស់មើលបានឡើយដែលប្រការនេះគឺលោក ទុំ ណូ មិនខ្វល់អំពីបញ្ហាអ្វីទាំង អស់។
ប្រភពបានឲ្យដឹងថា ក្រុមឈ្មួញនាំទំនិញគេចពន្ធ សាំងគេចពន្ធ និងទំនិញបង់ពន្ធមិនគ្រប់និងទំនិញខុសច្បាប់ចេញពីប្រទេសថៃ តាមច្រកកំពង់ផែ ផ្លូវទឹក និងផ្លូវគោកយ៉ាងពេញបន្ទុកដោយរលូនក្នុងទឹកដីខេត្តកោះកុង យ៉ាងគំហុក ដោយគ្មានអាជ្ញាធរ សមត្ថកិច្ចពាក់ព័ន្ធណាមួយបង្ក្រាបឬទប់ស្កាត់
នោះទេ។
ប្រភពពីសមត្ថកិច្ចស្ថាប័នផ្សេងៗបានឲ្យដឹងថា ការនាំទំនិញគេចពន្ធ ចេញមកពីប្រទេសថៃ ឆ្លងចូលមកទឹកដីកម្ពុជាបានយ៉ាងរលូនបែបនេះមកពីមានការបើកដៃ និងឃុបឃិតគ្នាពីសំណាក់លោក ទុំ ណូ មេសាខាគយខេត្តកោះកុង ដែលផ្លាស់មកពីខេត្តសីហនុ ទើបក្រុមឈ្មួញ និងអាជីវកររកស៊ីដឹកជញ្ជូនទំនិញចូលពីប្រទេសថៃ ឆ្លងកាត់ខេត្តកោះកុងបាន បើមិនដូច្នោះទេកុំសង្ឃឹមថា នាំទំនិញបង់ពន្ធខ្លះនិងគេចពន្ធចូលមកបាននោះបើគ្មានការអនុញ្ញាតនិងបើកភ្លើងខៀវពីលោកទុំ ណូ មានការត្រូវរ៉ូវគ្នានិងសមត្ថកិច្ចជំនាញដែលពាក់ព័ន្ធតាមច្រកព្រំដែនផ្លូវទឹក និងផ្លូវគោកទេនោះគឺមិនអាចនាំទំនិញទាំងនោះចូលបានឡើយ។
ក្រុមឈ្មួញនិងអាជីវកររកស៊ីដឹក ទំនិញពីប្រទេសថៃ រិះគន់ចំៗថា លោក ទុំ ណូ ក្នុងតួនាទីជាមេសាខាគយខេត្តកោះកុង មានអំណាចគ្រប់គ្រងទៅលើការិយាល័យគយជាច្រើនកន្លែងននៅក្នុងដែនសមត្ថកិច្ចប្រមូលពន្ធគយ ដូចជា ច្រកចាំយាម កំពង់ផែស្រែអំបិល កំពង់ផែកែវផុស និងច្រកលួចលាក់តូចៗជាច្រើនទៀតដែលងាយ ស្រួលក្នុងការប្រព្រឹត្តអំពើពុករលួយជាមួយឈ្មួញ
ដែលរកស៊ីនាំទំនិញចូលពីប្ប្រទេថៃឲ្យកូនចៅធ្វើអ្វីស្រេចតែអំពើចិត្ត លួចបើកឲ្យទំនិញគេចពន្ធ និងទំនិញបង់ពន្ធស្ទើរមិនគ្រប់ចំណីអាហារខូចខូចគុណឲ្យក្រុមឈ្មួញនាំចូលពីប្រទេសថៃ
យ៉ាងរលូន ដោយគ្មានការឆែកឆេរ និងរឹតបន្តឹងពីមន្ត្រីគយ ដោយសារគេបង់សេវាឲ្យ ដោយមិនចេញវិក័យប័ត្រក៏មាន ប្រមូលលុយដាក់ហោប៉ៅចែកគ្នា យ៉ាងងាយ ធ្វើឲ្យបាត់បង់ចំណូលចូលរដ្ឋ ក្នុង១ខែៗរាប់សិបលានថែមទៀត?។
ប្រភពពីសមត្ថកិច្ចស្ថាប័នដទៃ
បានបង្ហើបទៀតថា ទំនិញគេចពន្ធ និងទំនិញបង់ពន្ធមិនគ្រប់ដែលនាំចូលពីប្រទេសថៃមាន ដូចជា ស្រាបៀរជាច្រើនប្រភេទភេសជ្ជៈកំប៉ុងឬដប គ្រឿងសំណង់ ទំនិញចាប់ហួយ និងគ្រឿងសំអាងការជាដើម។ ប្រភពបានបន្ថែមថា ក្រៅពីទំនិញសព្វសារពើក៏មានការនាំចូលម៉ូតូគេចពន្ធ គ្រប់ប្រភេទ យ៉ាងសកម្មផងដែរ ពួកឈ្មួញអ្នករកស៊ីនាំម៉ូតូគេចពន្ធក្នុង១ជើងៗ រាប់រយគ្រឿងនោះសុទ្ធតែត្រូវស្គាល់យ៉ាងជិតស្និទ្ធជាមួយលោក ទុំ ណូ។ ពួកឈ្មួញនាំចូលម៉ូតូគេចពន្ធជាចំហ ពីប្រទេសថៃចូលទឹកដីខេត្តកោះកុង ដោយមិនខ្លាចរអារច្បាប់ទម្លាប់ប្រទេសនោះទេ ពីព្រោះពួកគេអាងខ្នងមេគយលោក ទុំ ណូ។
បើតាមការបង្កាប់បញ្ជាយានយន្តដឹកទំនិញឆ្លងកាត់តាម ផ្លូវជាតិលេខ៤៨ត្រូវបង់ លុយចាប់ពី១០ម៉ឺនរៀលឡើងទៅ រថយន្តធំដឹកទំនិញត្រូវបង់លុយពី២០ម៉ឺនរៀលជាកំហិត បើមានទំនិញសំពីងសំពោងច្រើនត្រូវបង់លុយពី២៥ម៉ឺនរៀលឡើងទៅ តាមសភាពនៃការដឹកជញ្ជូនជាក់ស្តែង។ សកម្មភាពបែបនេះគឺអាចមើលដោយភ្នែក ទទេឃើញជារៀងរាល់ថ្ងៃ នៅតាមបណ្ដាលច្រកព្រំដែនរវាងប្រទេសកម្ពុជានិងប្រទេសថៃ ក្នុងភូមិសាស្ត្រខេត្ត កោះកុងតាមដែនទឹក និងដែនគោក។
អាជីវករក៍ដូចជាឈ្មួញអំពាវនាវដល់ លោក អូនពន្ធ័ មុន្នីរត្ន័ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ មេត្តាត្រួតពិនិត្យខ្លះផងចំពោះ លោក ទុំ ណូ មេគយខេត្តកោះកុង កំពុងត្រូវបានលាតត្រដាង រឿងអាស្រូវពុករលួយជាបន្តបន្ទាប់ អំពីបញ្ហាគាបយកលុយពីឈ្មួញធំៗ ដឹកជញ្ជូនទំនិញគេចពន្ធបង់ពន្ធមិនគ្រប់ ចូលប្រទេសកម្ពុជា ឆ្លងកាត់កោះកុង យ៉ាងគំហុក។
