ស្វាយរៀង ÷ ប្រភពពីប្រជាពលរដ្ឋ ក្នុងភូមិកណ្តាល សង្កាត់ប្រសាទ ក្រុងបាវិត បានឲ្យដឹងថា ក្រុមឈ្មួញ តូច ធំ មកពីបណ្តាលខេត្តផ្សេងៗ សម្រុកដឹកជញ្ជូនទំនិញគេចពន្ធ បន្ទុកលើសទម្ងន់ធ្វើឲ្យរងផលប៉ះពាល់ខូចផ្លូវ ឆ្លងដែនទៅស្រុកយួន យ៉ាងពេញបន្ទុក រីឯលោកមេប៉ុស្តិ៍ និងសមត្ថកិច្ចពាក់ព័ន្ធនៅច្រកព្រំដែនប្រសាទ ជាអ្នកមានសិទ្ធិអំណាចបើកភ្លើងខៀវ ទើបក្រុមឈ្មួញ ហ៊ានធ្វើអ្វីៗតាមអំពេីចិត្ត។
ការដែល ពួកឈ្មួញហ៊ានដឹកជញ្ជូនទំនិញ គេចពន្ធជាច្រើនប្រភេទឆ្លងដែន ទៅវៀតណាម តាមរថយន្តវ៉េអង ធំៗ បានយ៉ាងសុខស្រួលបំផុត ដោយឡែក នាយប៉ុស្តិ៍នគរបាលច្រកព្រំដែនការពារប្រសាទនិងសមត្ថកិច្ចពាក់ពន្ធ័ក្នុងខេត្តស្វាយរៀង មិនទាន់ចាត់វិធានការទប់ស្កាត់នៅឡើយ។
ក្រុមឈ្មួញតូច ធំ ក្នុងខេត្តស្វាយរៀង ដឹកជញ្ជូនទំនិញគេចពន្ធដូចជាស្ករស និងទំនិញផ្សេងៗ តាមរថយន្តវ៉េអងគ្របតង់ជិតៗ ចតនៅចំណុច ភូមិកណ្ដាល សង្កាត់ប្រសាទ ក្រុងបាវិត ហើយមានរថយន្តវៀតណាម ចាំសាងទំនិញដឹកជញ្ជូនទៅស្រុកយួនយ៉ាងស្រុកស្រួលបំផុត ប្រហែលជា លោក នាយប៉ុស្តិ៍នគរបាលច្រកព្រំដែនការពារប្រាសាទ មានខ្នងបង្អែករឹងមាំក្នុងខេត្តស្វាយរៀងទេដឹង ទើបនាយប៉ុស្តិ៍ហ៊ានធ្វេីអ្វីៗតាមទំនេីងចិត្ត។
ដូច្នេះហើយទើប សមត្ថកិច្ចពាក់ព័ន្ធក្នុងក្រុងបាវិត និងលោក នាយ ប៉ុស្តិ៍នគរបាលច្រកទ្វារតំបន់ប្រាសាទ អាចប្រើអំណាច និងតួនាទី របស់ខ្លួនប្រមូលលុយ បានយ៉ាងច្រើនសន្ធឹកសន្ធាប់ក្នុងមួយខែៗ ប្រហែលជាអាងខ្នងបង្អែករឹងមាំនៅពីក្រោយទេដឹង
ទើបបណ្ដែតបណ្ដោយ ឲ្យបក្សពួកឈ្មួញ ដឹកជញ្ជូនទំនិញ គេចពន្ធគ្របតង់ជិតៗ ឆ្លងដែនទៅយួន ដោយសេរី មិនខ្វល់ពីការរិះគន់។
បញ្ហានេះទើបប្រជាពលរដ្ឋ រស់នៅ ភូមិកណ្ដាល សង្កាត់បាវិត ក្រុងបាវិត អំពាវនាវដល់ថ្នាក់ដឹកនាំក្រសួងមហាផ្ទៃ និង ឯកឧត្តម ប៉េង ពោធិ៍សា អភិបាលខេត្តស្វាយរៀង និង លោក ពេជ្រ វិរះ ស្នងការដ្ឋាននគរបាលខេត្តស្វាយរៀង ពិនិត្យឡេីងវិញខ្លះផង ចំពោះ នាយប៉ុស្តិ៍នគរបាលច្រកព្រំដែនប្រសាទ ព្រមទាំង សមត្ថកិច្ចពាក់ព័ន្ធ ច្រកនេះបណ្ដែតបណ្ដោយ ឲ្យក្រុមឈ្មួញតូច ធំ នាំទំនិញគេចពន្ធតាមប្រភេទរថយន្តវ៉េអងសណ្ដោងវែងៗ ទៅស្រុកយួនទាំងយប់ទាំងថ្ងៃ មិនទាន់មានវិធានការត្រួតពិនិត្យឲ្យបានត្រឹមត្រូវនោះទេ៕
