ចេញផ្សាយ ថ្ងៃទី 07/05/2024
ត្បូងឃុំ ៖ ប្រភពពីប្រជាពលរដ្ឋនិងភ្នាក់ងារសារព័ត៌មានក្នុងស្រុក បានបញ្ជាក់ឲ្យដឹងថា មានគម្រោងដាក់ដេញថ្លៃសាងសង់ផ្លូវបេតុងអាមេ ចំនួន៥ក្រុមហ៊ុន ប៉ុន្តែក្រុមហ៊ុនជាច្រើនទៀតមិនបានចូលរួមចុះដាក់ដេញថ្លៃ ផ្លូវបេតុងអាមេប្រវែង២០០ម៉ែត្រ នៅភូមិអំពិលភូមិប៉ើស២ ឃុំប៉ើស ស្រុកក្រូចឆ្មារ ខេត្តត្បូងឃ្មុំ ទី១បានទៅលេី អ្នកដេញថ្លៃ ឈ្មោះ ស្រី សុគន្ធា ក្រុមហ៊ុន ថេង វីតា ចំនួនទឹកប្រាក់១៥៥.៧០០.០០០ មានភាពមិនប្រក្រតី ។
ក្រុមហ៊ុនជាច្រើន មកដាក់ដេញថ្លៃផ្លូវបេតុងអាមេ ប្រវែង២០០ ម៉ែត្រក៍ប៉ុន្តែមន្ត្រីបច្ចេកទេស និងអាជ្ញាធរពាក់ព័ន្ធនៅឃុំប៉ើស២ តម្រូវឲ្យក្រុមហ៊ុន ដាក់ចូលដេញថ្លៃតែ៥ក្រុមហ៊ុន ដោយសារមានការចរចាយកថ្លៃទឹកតែលេីពីក្រុមហ៊ុនឈ្មោះ ស្រីសុគន្ធា ទេីបមិនមានភាពប្រក្រតី ធ្វើឲ្យប្រជាពលរដ្ឋក្នុងឃុំប៉ើស២ មានការព្រួយបារម្ភពីគុណភាពផ្លូវ។
ការដាក់ដេញថ្លៃនេះធ្វើឡើងនៅថ្ងៃទី០៧ ខែឧសភា ឆ្នាំ២០២៤ នៅភូមិអំពិលភូមិប៉ើស២ ក្នុងឃុំប៉ើស២ ស្រុកក្រូចឆ្មា ខេត្តត្បូងឃ្មុំដោយមានការចចារគ្នា ឃុបឃិតជាមួយមន្ត្រីបច្ចេកទេស និងអាជ្ញាធរពាក់ព័ន្ធឃុំដេញថ្លៃមិនយុត្តិធម័មានការពុករលួយ។
បើតាមអ្នកចូលដេញថ្លៃម្នាក់បានបង្ហើបប្រាប់អ្នកសារព័ត៌មានយើងថា ការដេញថ្លៃ បែប
ចចារសិសសួលគ្នានេះ កើតឡើងដោយសារ មានក្រុមហ៊ុនតាមទាមទា លុយថ្លៃទឹកតែជាថវិការបស់ជាតិ ក្រុមហ៊ុនមកដេញថ្លៃជាច្រើន ក៏ប៉ុន្តែអ្នកដែលចង់បានគម្រោងពិតប្រកដ មានតែ៥-ក្រុមហ៊ុនប៉ុណ្ណោះ ក្រុមហ៊ុនផ្សេងទៀតគ្រាន់តែមកចចារ ឬមកតាមទាថ្លៃទឹកតែប៉ុណ្ណោះ។
មហាជនធ្លាប់បានរិះគន់ថា ផ្លូវបេតុងអាមេកន្លងមកគឺ ឃើញប្រើប្រាស់មិនបានយួរអង្វែងទេ និងកែលម្អ ដោយដាក់ដេញថ្លៃមិនប្រក្រតីមានការសិសសួសគ្នា ក៏ប៉ុន្តែផ្លូវ ប្រើប្រាស់គ្មានគុណភាព បានន័យថា គម្រោង ជួសជុលរួច ផ្លូវស្រុតខូចវិញតាមក្រោយ ហើយ ក្រុមប្រឹក្សាឃុំ ដាក់សំណើរគម្រោងជួសជុលកែលម្អផ្លូវនេះ ម្តងទៀត ។
មជ្ឈដ្ឋានខាងក្រៅ ! និងពលរដ្ឋក្នុងភូមិអំពិលភូមិប៉ើស២ ឃុំប៉ើស២ ស្រុកក្រូចឆ្មារ អំពាវនាវដល់ លោក ជាម ច័ន្ទសោភ័ណ្ឌអភិបាលខេត្តត្បូងឃ្មុំ មេត្តាចាត់មន្ត្រីក្រោមឱវាទត្រួតពិនិត្យ ដល់ម្ចាស់ក្រុមហ៊ុនឈ្មោះ ស្រី សុគន្ធា និងមន្ត្រីបច្ចេកទេស មន្ត្រីលទ្ធកម្មមេត្តាបង្កើតគណកម្មការវាយតម្លៃគុណភាពផ្លូវឲ្យបានម៉ត់ចត់ត្រូវតាមស្តង់ដានៃគម្រោង ជៀសវាងផ្លូវគ្មានគុណភាព ធ្វើហើយធ្វើទៀត ជួសជុលហើយផ្លូវខូច ជាបន្តបន្ទាប់៕
