ចេញផ្សាយ ថ្ងៃទី ០6/05/2024
រតនគីរី ÷ តាមប្រភពពីអង្គការក្រៅរដ្ឋាភិបាលដែលឃ្លាំមើលបទល្មើស ព្រៃឈើក្នុងខេត្តរតនគិរី ឈ្មោះ មករា នៅតែអាចបន្តដឹកជញ្ជូនឈើប្រណីតខុសច្បាប់យ៉ាងសកម្ម ឆ្លងដែនទៅលក់ស្រុកយួនតាមច្រកព្រំដែនអន្តរជាតិអូរយ៉ាដាវ យ៉ាងគំហុកគ្មានការទប់ស្កាត់ពីសំណាក់មេរដ្ឋបាលព្រៃឈើខេត្តរតនគីរី និងប្រធានមន្ទីរកសិកម្មខេត្តរតនគីរី និងប្រធានបរិស្ថានខេត្តរតនគីរី ជាអ្នកបើកភ្លើងខៀវ ទើបបុគ្គលម្នាក់នេះ ហ៊ានធ្វើអ្វីៗតាមអំពើចិត្ត។
ឈ្មួញឈ្មោះ មករា និងបក្សពួកសម្រុកជញ្ជូនឈើប្រណិតខុសច្បាប់ ប្តូររូបភាពថ្មី ដឹកតាមរយៈម៉ូតូ និងរថយន្តសាន់យ៉ុង
លន់លឺកក្រើករំពងពេញព្រៃ នៅត្រង់ចំណុចភូមិកុកភ្នង ឃុំបាខាំ ស្រុកអូរយ៉ាដាវ គំនរឈើជាច្រើនដុំមុខកាត់ធំៗ ស្តុបទុកនៅខាងក្រោយ ផ្ទះប្រជាពលរដ្ឋ តំបន់ភូមិសាស្ត្រនោះ ឆ្ពោះតាមប៉ុស្តិ៍ការពារព្រំដែនលេខ ៦០១ ចំណុះឲ្យ វិរះការពាព្រំដែនគោកលេខ ៦២៣ គ្រប់គ្រងដោយលោក ដា ជាអ្នកបើកដៃឲ្យក្រុមឈ្មួញទាំងនោះ ទើបពួកឈ្មួញប្រព្រឹត្តយ៉ាងរលូន។
ហេតុនេះ លោក ខឹម ចិត្រា នាយប៉ុស្តិ៍នគរបាលច្រកទ្វារអន្តរជាតិអូរយ៉ាដាវ មានសិទ្ធិអំណាចបើកបារ៉ាស់ ឲ្យឈ្មួញឈ្មោះ មករា និងបក្សពួករបស់ខ្លួនដឹកជញ្ជូនឈើឆ្លងដែនទៅស្រុកយួន បានយ៉ាងរលូន មិនចាត់វិធានការបង្ក្រាប ព្រោះខ្លាចបាត់បង់ចំណូលប្រចាំថ្ងៃ។
មជ្ឈដ្ឋានខាងក្រៅ.! បានរិះគន់ចំៗទៅលើលោកញ៉ែម សំអឿន អភិបាលខេត្តរតនគីរី និង មេបញ្ជាការកងរាជអាវុធហត្ថខេត្តរតនគិរី និង លោកយិន ចំណាន ស្នងការដ្ឋាននគរបាលខេត្តរតនគិរី មិនគូរបណ្តែតបណ្តោយឲ្យឈ្មួញឈ្មោះ មករា ដឹកជញ្ជូនឈើចេញពីស្រុកវើនសៃ ឆ្លងកាត់ក្រុងបានលុង ទាំងយប់ទាំងថ្ងៃ មួយរយះចុងខែមេសា ឆ្នាំ២០២៤ រហូតមកដល់បច្ចុប្បន្ន បន្តយកទៅលក់ស្រុកយួនតាមច្រកទ្វារអន្តរជាតិព្រំដែនអូរយ៉ាដាវ យ៉ាងពេញទំហឹងតទៅទៀតនោះទេ។
ដូច្នេះប្រជាពលរដ្ឋ ក្នុងខេត្តរតនគីរី អំពាវនាវ និងទទូច នាយឧត្តមសេនីយ៍ សៅ សុខា មេប៉េអឹមផ្ទៃប្រទេស គណៈកម្មការថ្នាក់ជាតិដើម្បីទប់ស្កាត់បទល្មើសព្រៃឈើ ធនធានធម្មជាតិ មេត្តាចាត់វិធានការដល់មន្ត្រីក្រោមឱវាទ ចុះពិនិត្យបង្ក្រាបជាបន្ទាន់ ព្រៃឈើដែលនៅសេសសល់បន្តិចបន្តួច រងការកាប់បំផ្លិចបំផ្លាញវិនាសហិនហោចក្រោមស្នាដៃ របស់ឈ្មួញល្បីល្បាញឈ្មោះ មករា និងឈ្មួញដ៍ទៃទៀតជាក់ជាពុំខាន់ឡើយ៕