ព្រៃវែង ៖ ប្រភពពីភ្នាក់ងារសារព័ត៌មានយេីងបានបញ្ជាក់ឲ្យដឹងថា មានគម្រោងដាក់ដេញថ្លៃសាងសង់ផ្លូវដីក្រាលខ្សាច់ភ្នំ ឃើញមានក្រុមហ៊ុនជាច្រើនមកពីក្រៅខេត្តនិងក្នុងខេត្តបានចូលដាក់ដេញថ្លៃ ហើយការចូលដាក់ដេញថ្លៃនោះ គឺមានភាពចម្រូងចម្រាស់ ដែលអ្នកដាក់ដេញថ្លៃគេហៅថា បែកគម្រោង ។
ដេញបញ្ចុះតម្លៃទាបរហូតក្រោម៥០%ទៅ៦០% អ្នកជំនាញបច្ចេកទេសលើកឡើងថា គ្មានទំនុកចិត្ត លើគុណភាព សូមឲ្យម្ចាស់គម្រោង គ្រប់ឃុំ ចុះត្រួតពិនិត្យ គុណភាពសំណង់ឲ្យបានម៉ត់ចត់ នៅពេលក្រុមហ៊ុនទទួលការចាប់ដំណើរការសាងសង់ ដើម្បីធានា ការសាងសង់មានគុណភាព ត្រឹមត្រូវតាមស្តង់ដា បច្ចេកទេស និងកិច្ចសន្យានៃគម្រោង។
ការដាក់ដេញថ្លៃនេះធ្វើឡើងនៅថ្ងៃទី០១ ខែមេសា ឆ្នាំ២០២៤ ក្នុងឃុំប្រាសាទ នៅស្រុកកំពង់ត្របែក ខេត្តព្រៃវែង។
រដ្ឋបាលឃុំប្រាសាទ មានការដាក់ដេញថ្លៃកិច្ចសន្យា គម្រោង សាងសង់ផ្លូវដីសរក្រាលខ្សាច់ភ្នំប្រវែង ៦.៦៥គីឡូម៉ែត្រ តម្លៃប៉ាន់ស្មាន ៤០៤,០៥៨,៣០០រៀល មានក្រុមហ៊ុនដាក់ដេញថ្លៃចំនួន៥ក្រុមហ៊ុន
ជាលទ្ធផលក្រុមហ៊ុន លី លឹមហេង អ្នកចូលដេញថ្លៃឈ្មោះ លី លឹមហេង ដាក់តម្លៃ៣៥១,៧៣៥,០០០រៀល
ក្រុមហ៊ុន ហេង ណារ៉ា អ្នលចូលដេញថ្លៃ ឈ្មោះ ហេង ណារ៉ា ដាក់តម្លៃ ៣៥៩.៨៧០.០០០រៀល
ក្រុមហ៊ុន ផាត់ សុផល អ្នកចូលដេញថ្លៃឈ្មោះ អុិន គឹមហុង ដាក់តម្លៃ ២៩៨.៣៣០.០០០រៀល
ក្រុមហ៊ុនគឹម សក្ខីភាព ឯ.ក អ្នកចូលដេញថ្លៃឈ្មោះ គឹម សក្ខីភាព ដាក់តម្លៃ ៣៦៣.៩៧៨.០០០រៀល
ក្រុមហ៊ុន កុល រស្មី អ្នកចូលដេញថ្លៃឈ្មោះ គឹម លាងសុបិន ដាក់តម្លៃ ២៧៥. ០៨៨.០០០រៀល ដែលដាក់តម្លៃទាបជាងគេអាចទទូលយកបានមកអនុវត្តន៍គម្រោង។
ចំណែក ក្រុមអ្នកដេញថ្លៃនិយាយថា គម្រោងបែក មិនបានចែកថ្លៃទឹកតែគ្នា គឺដេញថ្លៃដាក់ទាបក្រោម៥០%នៃតម្លៃទឹកប្រាក់ប៉ាស្មានសរុប។
បើតាមអ្នកចូលដេញថ្លៃម្នាក់បានបង្ហើបប្រាប់អ្នកសារព័ត៌មានយើងថា ការដេញថ្លៃបែបប្រកាប់ប្រចាក់គ្នានេះកើតឡើងដោយសារ មានក្រុមហ៊ុនតាមទាមទា លុយថ្លៃទឹកតែ ច្រើនជាពិសេសក្រុមហ៊ុនមកពីក្រៅខេត្តគឺ ទាលុយថ្លៃទឹកតែ ច្រើន ក្នុងឃុំមានក្រុមហ៊ុនមកចុះឈ្មោះ ចូលរួមដាក់ដេញថ្លៃ ចាប់ពី២៥ក្រុមហ៊ុនទៅ៣០ក្រុមហ៊ុន ក៏ប៉ុន្តែអ្នកដែលចង់បានគម្រោងពិតប្រកដ មានតែ៥-៦ក្រុមហ៊ុនប៉ុណ្ណោះ ២០ក្រុមហ៊ុនផ្សេងទៀតគ្រាន់តែមកចុះឈ្មោះ ឬមកតាមទាថ្លៃទឹកតែប៉ុណ្ណោះ។
ប្រភពបានបញ្ជាក់ទៀតថា ក្នុងនោះក៏មានអ្នកមកដើរសម្របសម្រួល ជាមួយអ្នកទាលុយថ្លៃទឹកតែដែរ ដោយទាថ្លៃអ្នកសម្របសម្រួល១៥ភាគរយ ដូច្នេះបើគិតទូទាត់ អ្នកទទួលបានគម្រោងត្រូវចំណាយថ្លៃទឹកតែ និងចាយក្រៅផ្លូវការ អស់៣៥%ទៅ៤០% ទើបមិនត្រូវរូវគ្នា សុខចិត្តដាក់ដេញថ្លៃទាបក្រោម៥០% ទុកលុយអភិវឌ្ឍន៍សង្គមជាតិ ជាជាងចាយលុយ ពុករលួយ។
ប្រជាពលរដ្ឋ រស់នៅ ឃុំប្រាសាទ ស្រុកកំពង់ត្របែក ទទូចសណូមពរដល់ ឯកឧត្តម សួន សុម៉ាលីន អភិបាលខេត្តព្រៃវែងមេត្តា ដាក់មន្ត្រីជំនាញចុះត្រួតពិនិត្យតាមដានអោយបានជាប់ជាប្រចាំផង ដើម្បីកុំអោយក្រុមហ៊ុនដែលទទូលបានគម្រោង ធ្វើមិនបាន និងធ្វើមិនត្រូវតាមស្តង់ដា បច្ចេកទេស កម្រាស់ និងមិនមានគុណភាព តាមកិច្ចសន្យានៃគម្រោង។
មហាជនធ្លាប់បានរិះគន់ថា ផ្លូវដីសក្រាលខ្សាច់ភ្នំ កន្លងមកគឺ ឃើញប្រើប្រាស់មិនបានយួរអង្វែងទេ និងកែលម្អ ដោយដាក់ដេញថ្លៃ ក៏ប៉ុន្តែផ្លូវ ប្រើប្រាស់គ្មានគុណភាព បានន័យថា គម្រោង ជួសជុលរួច ផ្លូវស្រុតខូចវិញតាមក្រោយ ហើយ ក្រុមប្រឹក្សាឃុំ ដាក់សំណើរគម្រោងជួសជុលកែលម្អផ្លូវនេះ ម្តងទៀត ។
មជ្ឈដ្ឋានខាងក្រៅ ! និងពលរដ្ឋក្នុងស្រុកកំពង់ត្របែក អំពាវនាវ ដល់ម្ចាស់គម្រោងនិងមន្ត្រីបច្ចេកទេស មន្ត្រីលទ្ធកម្មមេត្តាបង្កើតគណកម្មការវាយតម្លៃគុណភាពផ្លូវឲ្យបានម៉ត់ចត់ត្រូវតាមស្តង់ដានៃគម្រោង ជៀសវាងផ្លូវគ្មានគុណភាព ធ្វើហើយធ្វើទៀត ជួសជុលហើយផ្លូវខូច ជាបន្តបន្ទាប់៕
