ចេញផ្សាយ ថ្ងៃទី 07/01/2024
ស្វាយរៀង ÷ ប្រភពពីប្រជាពលរដ្ឋ ក្នុងភូមិកំពង់ត្រាច ឃុំដូង ស្រុករមាសហែក បានឲ្យដឹងថា ក្រុមឈ្មួញ តូច ធំ មកពីបណ្តាលខេត្តផ្សេងៗ សម្រុកដឹកជញ្ជូន ទំនិញគេចពន្ធ បន្ទុកលេីសទម្ងន់ធ្វេីឲ្យរងផលប៉ះពាល់ ខូចផ្លូវ ឆ្លងដែនទៅស្រុកយួន និងពីយួនចូលស្រុកខ្មែរ យ៉ាងគំហុក រីឯអាជ្ញាធរមានសមត្ថកិច្ចពាក់ព័ន្ធនៅស្រុករមាសហែក ជាអ្នកមានសិទ្ធិអំណាចបេីកភ្លេីងខៀវ ទេីបក្រុមឈ្មួញ ហ៊ានធ្វេីអ្វីៗតាមអំពេីចិត្ត។
ការដែល ពួកឈ្មួញហ៊ានដឹកជញ្ជូនទំនិញ គេចពន្ធ័ជាច្រើនប្រភេទឆ្លងដែនទៅស្រុកយួន តាមរថយន្តវ៉េអង ធំៗ ឆ្ពោះឆ្លងដែនទៅស្រុកយួន បានយ៉ាងសុខស្រួលបំផុត ដោយឡែកអាជ្ញាធរក្នុងមូលដ្ឋាន និងសមត្ថកិច្ចពាក់ព័ន្ធនៅព្រំដែនភូមិសាស្ត្រស្រុករមាសហែក មិនទាន់ចាត់វិធានការទប់ស្កាត់នៅឡេីយ។
ក្រុមឈ្មួញតូច ធំ ក្នុងខេត្តស្វាយរៀង ដឹកជញ្ជូនទំនិញគេចពន្ធ័ផ្សេងៗ ព្រមទាំងគ្រឿងអេនិចត្រនិច ចេញពីខ្មែរ ទៅស្រុកយួន យកមករក្សាទុក ចំណុចភូមិកំពង់ត្រាច ឃុំដូង ស្រុករមាសហែក បច្ចុប្បន្ន ក្រុមឈ្មួញយកមកស្តុកទុកជិតខ្សែបន្ទាត់ព្រំដែន រីឯសមត្ថកិច្ចពាក់ព័ន្ធនៅស្រុករមាសហែក ធ្វើមិនដឹងមិនឬអ្វីទាំងអស់។
ដូច្នេះហើយទើប សមត្ថកិច្ចពាក់ព័ន្ធក្នុងទឹកដីស្រុករមាសហែក អាចប្រើអំណាច និងតួនាទី របស់ខ្លួនប្រមូលលុយ បានយ៉ាងច្រើនសន្ធឹកសន្ធាប់ក្នុងមួយខែៗ ប្រហែលជាអាងខ្នងបង្អែករឹងមាំនៅពីក្រោយទេដឹង
ទេីបបណ្ដែតបណ្ដោយ ឲ្យបក្សពួកឈ្មួញ ដឹកជញ្ជូនទំនិញ គេចពន្ធគ្របតង់ជិតៗ ឆ្លងដែនទៅយួន ដោយសេរី ។
បបញ្ហានេះទេីបប្រជាពលរដ្ឋ រស់នៅភូមិកំពង់ត្រាច ឃុំដូង អំពាវនាវដល់ ថ្នាក់ដឹកនាំក្រសួងមហាផ្ទៃ និង ឯកឧត្តម ប៉េង ពោធិ៍សា អភិបាលខេត្តស្វាយរៀង និងលោក ពេជ្រ វិរះ ស្នងការដ្ឋាននគរបាលខេត្តស្វាយរៀង ពិនិត្យឡេីងវិញខ្លះផង ចំពោះ សមត្ថកិច្ចពាក់ព័ន្ធ និងមេច្រកផ្សេងៗក្នុងស្រុករមាសហែកបណ្ដែតបណ្ដោយ ឲ្យក្រុមឈ្មួញតូចធំ នាំទំនិញគេចពន្ធតាមប្រភេទរថយន្តធំៗ ទៅស្រុកយួនយ៉ាងពេញបន្ទុករាល់ថ្ងៃ មិនទាន់មានវិធានការត្រួតពិនិត្យឲ្យបានត្រឹមត្រូវនោះទេ៕
