ស្វាយរៀង ÷ ប្រភពពីប្រជាពលរដ្ឋ ក្នុងភូមិកោះត្រាច ឃុំថ្មី ស្រុកកំពង់រោទិ៍ បានឲ្យដឹងថា ក្រុមឈ្មួញ តូច ធំ មកពីបណ្តាលខេត្តផ្សេងៗ សម្រុកដឹកជញ្ជូនគ្រឿងអេនិចត្រនិចគ្រប់ប្រភេទគេចពន្ធ បន្ទុកលេីសទម្ងន់ធ្វេីឲ្យរងផលប៉ះពាល់ ខូចផ្លូវនៅតំបន់ភូមិសាស្ត្រនោះ ហេីយឆ្លងដែនទៅស្រុកយួន និងពីយួនចូលស្រុកខ្មែរ តាមច្រករបៀងព្រំដែនដេីមស្នាយ យ៉ាងគំហុក រីឯសមត្ថកិច្ចពាក់ព័ន្ធនៅច្រកនេះ ជាអ្នកមានសិទ្ធិអំណាចបេីកភ្លេីងខៀវ
ទេីបក្រុមឈ្មួញ ហ៊ានធ្វេីអ្វីៗតាមអំពេីចិត្ត។
ការដែល ពួកឈ្មួញហ៊ានដឹកជញ្ជូនគ្រឿងអេនិចត្រនិចគ្រប់ប្រភេទឆ្លងដែនទៅស្រុកយួន តាមរថយន្តវ៉េអង ធំៗគ្រប់ជិត ឆ្ពោះឆ្លងដែនទៅស្រុកយួន បានសុខស្រួលបំផុត ទល់តែមានការបេីកដៃពីសំណាក់ លោក យ៉ន សុផល មេវិរះការពារព្រំដែន609 ហៅD13 និងសមត្ថកិច្ចពាក់ព័ន្ធច្រករបៀងព្រំដែនដេីមស្នាយទទួលបានផលប្រយោជន៍ ទេីបមិនទាន់ចាត់វិធានការទប់ស្កាត់។
ក្រុមឈ្មួញតូច ធំ ក្នុងខេត្តស្វាយរៀង ដឹកជញ្ជូនទំនិញផ្សេងៗព្រមទាំង គ្រឿងអេនិចត្រនិច ចេញពីខ្មែរ ទៅស្រុកយួន ចូលតាមច្រករបៀងព្រំដែនដេីមស្នាយ ក្នុងចំណុចភូមិកោះត្រាច ឃុំថ្មី ស្រុកកំពង់រោទិ៍ បច្ចុប្បន្ន ពួកឈ្មួញយកមកស្តុកទុកក្នុងឃ្លាំងមួយកន្លែងជិតខ្សែបន្ទាត់ព្រំដែន បិទទ្វារជិតរាល់ថ្ងៃ រងចាំរថយន្តយួនចូលមកសាងទំនិញនោះទេីបបេីកទ្វារនៅពេលយប់ រីឯសមត្ថកិច្ចពាក់ព័ន្ធច្រកនេះ ធ្វើមិនដឹងមិនឬអ្វីទាំងអស់។
ដូច្នេះហើយទើប សមត្ថកិច្ចពាក់ព័ន្ធច្រករបៀងព្រំដែនដើម ស្នាយ អាចប្រើអំណាច និងតួនាទី របស់ខ្លួនប្រមូលលុយ បានយ៉ាងច្រើនសន្ធឹកសន្ធាប់ក្នុងមួយខែៗ ប្រហែលជាអាងខ្នងបង្អែករឹងមាំនៅពីក្រោយទេដឹង ទើបបណ្ដែតបណ្ដោយ ឲ្យបក្សពួកឈ្មួញ ដឹកជញ្ជូនគ្រឿងអេនិចត្រនិច ឆ្លងដែនទៅយួន យ៉ាងគំហុករាល់យប់ថ្ងៃ ។
បញ្ហានេះ ប្រជាពលរដ្ឋ រស់នៅភូមិកោះត្រាច ឃុំថ្មី ស្រុកកំពង់រោទិ៍ អំពាវនាវដល់ថ្នាក់ដឹកនាំក្រសួងមហាផ្ទៃ និង លោក ប៉េង ពោធិ៍សា អភិបាលខេត្តស្វាយរៀង ព្រមទាំង លោក ពេជ្រ វិរះ ស្នងការដ្ឋាននគរបាល ខេត្តស្វាយរៀង ពិនិត្យឡេីងវិញខ្លះផង ចំពោះ សមត្ថកិច្ចពាក់ព័ន្ធច្រករបៀងព្រំដែនដេីមស្នាយ បណ្ដែតបណ្ដោយ ក្រុមឈ្មួញតូចធំ នាំទំនិញគេចពន្ធតាមប្រភេទរថយន្តធំៗ ទៅស្រុកយួនយ៉ាងពេញបន្ទុក មិនទាន់មានវិធានការត្រួតពិនិត្យឲ្យបានត្រឹមត្រូវនោះទេ៕
