ស្វាយរៀង ៖ ប្រភពពីប្រជាពលរដ្ឋ រស់នៅភូមិតាកុត ឃុំត្រពាំងស្តៅ ស្រុករមាសហែក បានបញ្ជាក់ឲ្យដឹង អ្នកដែលហ៊ានបើកល្បែងបញ្ជាល់មាន់ តាមអនឡាញ លែបថប ប្រហែលជាមានខ្នងបង្អែករឹងមាំនៅក្រោយ ទេីបបុគ្គលម្នាក់នោះ ហ៊ានធ្វើអ្វីៗ តាមអំពើចិត្ត។
ក្រោយពីស្ងប់ស្ងាត់មួយរយៈ ល្បែងបញ្ជាល់មាន់តាមអនឡាញ ចាប់ផ្តើមដំណើរការឡើងវិញហើយ ក្នុងទឹកដីស្រុករមាសហែក ធ្វើឲ្យបងប្អូនពលរដ្ឋនៅក្នុងមូលដ្ឋាន មានការព្រួយបារម្មណ៍អំពីសុខសុវត្ថិភាព ខ្លាចកើតមានដូចជា ចោរលួច.ឆក់.ប្លន់.អំពើហឹង្សា
គ្រូសារកើតឡេីងជាដើមចោម មកពីល្បែងស៊ីសងទាំងនេះ។
គូររំលឹកថា ! កន្លងមក សម្ដេចក្រឡាហោម ស ខេង ឧបនាយករដ្ឋមន្ត្រី ក្រសួងមហាផ្ទៃ ធ្លាប់ដាក់បទបញ្ជាឲ្យមន្ត្រីនគរបាលពាក់ពន្ធ័ ទូទាំងប្រទេសត្រូវតែបង្ក្រាបរាល់ល្បែងស៊ីសងខុសច្បាប់គ្រប់ប្រភេទ មិនត្រូវមានការយោគយល់ឡើយ ដើម្បីធានាសុខសុវត្ថិភាពជួនប្រជាពលរដ្ឋ ឲ្យស្របតាមគោលនយោបាយ ភូមិ ឃុំ សង្កាត់ មានសុវត្តិភាព ទាំង៧ចំណុច របស់ រាជរដ្ឋាភិបាល ដែលដាក់ចេញដោយក្រសួងមហាផ្ទៃ ។
លេីសពីនេះទៅទៀត កាលពីថ្ងៃទី១៤ខែកញ្ញា ឆ្នាំ២០២២ សម្ដេច ក្រឡា ហោម សខេង បានចចេញលិខិតបង្គាប់ការមួយបញ្ជាឲ្យ ឯកឧត្ដម សន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ ដឹកនាំក្រុមការងារសហការបង្ក្រាបល្បែងស៊ីសងខុសច្បាប់ គ្រប់ប្រភេទ ទូទាំងប្រទេស ។
ហេតុនេះ សមត្ថកិច្ចពាក់ព័ន្ធស្រុករមាសហែក និងលោកសូ ស៊ីណា មេប៉ុស្តិ៍នគរបាលរដ្ឋបាលត្រពាំងស្ដៅ មិនគូរបណ្តែតបណ្តោយឲ្យមានល្បែងតាមអនឡាញ ភ្នាល់ដាក់លុយស៊ីសងខុសច្បាប់ ក្នុងដែនដីរបស់ខ្លួនទៀតនោះទេ។
ប្រជាពលរដ្ឋ ភូមិតាកុត ឃុំត្រពាំងស្ដៅ ស្រុករមាសហែក បានអំពាវនាវដល់លោក ម៉ែន វិបុល អភិបាលខេត្តស្វាយរៀង និងលោក ពេជ្រ វិរះ ស្នងការដ្ឋាននគរបាលខេត្តស្វាយរៀង ព្រមទាំងលោក ស៊ួស មុ៉លអភិបាលស្រុករមាសហែក ចាត់មន្ត្រីក្រោមឱវាទចុះពិនិត្យភាពមិនប្រក្រតី ចំពោះបុគ្គលនិងបក្សពួក ដែលហ៊ានបេីកល្បែងបញ្ជាល់មាន់តាមអនឡាញ បង្ក្រាបជាបន្ទាន់ ដេីម្បីបង្រឹងសន្តិសុខសណ្តាប់ធ្នាប់សង្គមជូនពលរដ្ឋក្នុងមូលដ្ឋាន៕
