ភ្នំពេញ ÷ ប្រភពពីប្រជាពលរដ្ឋ ក្នុងសង្កាត់វាលវង់ ខណ្ឌ៧មករា រាជធានីភ្នំពេញ បានបញ្ជាក់ឲ្យដឹងថា ម្ចាស់ទីតាំងលួចលាក់បង្កប់បើកល្បែងស៊ីសង មានទូរហ្គេមបាញ់ត្រីគ្រប់ប្រភេទ កំពុងបេីកដំណេីរការ ដោយរលូន គ្មានខ្វល់ពីចំណាត់ការផ្លូវច្បាប់។
មជ្ឈដ្ឋានខាងក្រៅ.! បានបង្ហើបប្រាប់មកសារព័ត៌មានយើង ឲ្យដឹងថា មានការលួចបើកល្បែងស៊ីសង ដោយមិនគោរព ប្រសាសន៍របស់ថ្នាក់ដឹកនាំ ហ៊ានផ្គេីន និង បទបញ្ជារបស់សម្តេច តេជោ ហ៊ុន សែន បែរជាមន្ត្រីអាជ្ញាធរពាក់ព័ន្ធ ក្នុងមូលដ្ឋាន ហាក់ព្រងើយ កង្តើយ គ្មានការទប់ស្កាត់ ទុកឲ្យម្ចាស់ទូរហ្គេមបាញ់ត្រី ឲ្យបើកដំណើរការយ៉ាងអាណាធិបតេយ្យ ជាច្រើន ទីតាំង ក្នុងភូមិសាស្ត្រក្រុងភ្នំពេញ ជាពិសេស នៅផ្សារទំនើបស៊ីធីម៉ល នៅជាន់ទី២ ស្ថិតក្នុងសង្កាត់វាលវង់ ខណ្ឌ៧មករា សមត្ថកិច្ចពាក់ព័ន្ធធ្វើមិនដឹង មិនឮអ្វីទាំងអស់។
គួររំលឹកផងដែរថាប្រសាសន៍ របស់ សម្តេច កាលពីថ្ងៃទី ១៧ ខែកញ្ញា ឆ្នាំ ២០២២ កន្លងទៅថ្មីៗនេះ បានចេញបទបញ្ជា យ៉ាងដាច់ណាត់ មួយឲ្យអភិបាលរាជធានីខេត្ត ទាំង ២៥ ខេត្តក្រុង ត្រូវតែអនុវត្ត តាមបទបញ្ជា និង ចុះបិទទីតាំងបនល្បែងសុីសង គ្រប់ប្រភេទ ទាំងអស់អោយខានតែបាន ប្រសាសន៍ របស់ថ្នាក់ដឹកនាំ បានបញ្ជាក់យ៉ាងច្បាស់ថា អាជ្ញាធរស្រុក ក្រុង ខេត្តណា ដែលមិនមានការទប់ស្កាត់និងបង្ក្រាប បទល្មើសល្បែងស៊ីសង នៅក្នុងមូលដ្ឋានរបស់ខ្លួននោះទេ អាជ្ញាធរពាក់ពន្ធ័ទាំងនោះ និងត្រូវប្រឈមបាត់បង់ អស់តំណែងជាក់ជាមិនខាន់ ។
ដោយឡែកសមត្ថកិច្ចថ្នាក់សង្កាត់វាលវង់ និងសមត្ថកិច្ចថ្នាក់ខណ្ឌ7មករា មិនគូរបណ្ដែតបណ្ដោយឲ្យមានល្បែងហ្គេមបាញ់ត្រីលក្ខណៈទ្រង់ទ្រាយធំ ក្នុងមូលដ្ឋានរបស់ខ្លួនឡើយ ព្រោះអាចកេីត ដូចជា ចោរលួច ឆក់ ប្លន់ ថែមទាំងមានអំពើហឹង្សា និងគ្រឿងញៀនរីករាលដាលគូរឲ្យកត់សម្គាល់ទៀតផង។
ប្រជាពលរដ្ឋ រស់នៅសង្កាត់វាលវង់ ខណ្ឌ7មករា ក្រុងភ្នំពេញ អំពាវនាវដល់ លោក នេត សាវឿន អគ្គស្នងការដ្ឋាននគរបាលជាតិ និងលោក ស ថេត ស្នងការដ្ឋាននគរបាលក្រុងភ្នំពេញ មេត្តាចាត់មន្ត្រីក្រោមឱវាទចុះពិនិត្យជាបន្ទាន់ ចំពោះទីតាំងហ៊ានបើកល្បែងហ្គេមបាញ់ត្រី មិនទាន់ចាត់វិធានការបង្ក្រាប ឲ្យស្របតាមគោលនយោបាយភូមិ ឃុំ សុវត្ថិភាពដែលដាក់ចេញដោយក្រសួងមហាផ្ទៃ នោះទេ៕
