សៀមរាប ៖ ប្រភពពីមន្ត្រីអង្គការក្រៅរដ្ឋាភិបាលដែលឃ្លាំមើលបទល្មើសព្រៃឈើក្នុងខេត្តសៀមរាប បានបញ្ជាក់ឲ្យដឹងថាកាលពីយប់ថ្ងៃទី១៣-១៥ ខែមេសា ឆ្នាំ២០២៣ នាពេលថ្មីៗនេះ បុគ្គលម្នាក់ ឈ្មោះ អាត និងមានតួនាទីជាមន្ត្រីនគរបាលប្រចាំនៅស្រុកជីក្រែង បែរជាហ៊ានរកស៊ីមុខជំនួញដឹកជញ្ជូនផលអានុផលព្រៃឈើចេញពីចំណុចភូមិសាស្ត្រភូមិអូរ ឃុំខ្វាវ ឆ្លងកាត់ស្នាក់ការបរិស្ថានព្រៃអភិរក្សបឹងពែ ស្នាក់ការរដ្ឋបាលព្រៃឈើខ្វាវ យកមកលក់ចែកចាយនៅតាមដេប៉ូឈើនានា ក្នុងខេត្តសៀមរាប បានយ៉ាងរលូន ។
បច្ចុប្បន្នមេឈ្មួញឈើឈ្មោះ អាត កំពុងគ្រៀងគរប្រជាពលរដ្ឋខ្មែរ និងបក្សពួកខ្លួនឲ្យសម្រុកចូលកាប់អា ជៀកផ្ដួល រលំ ដេីមឈើតូច ធំ ក្នុងដែនអភិរក្សព្រៃបឹងពែ និងព្រៃនៅចំណុចភូមិសាស្ត្រខេត្តសៀមរាប ជាច្រេីនកន្លែងទៀត អស់រយៈពេលជាច្រើនឆ្នាំមកហេីយ រហូតដល់សព្វថ្ងៃ មិនទាន់ឃើញ មេរដ្ឋបាលព្រៃឈើខេត្តសៀមរាប និងប្រធានមន្ទីរបរិស្ថានខេត្តសៀមរាប ព្រមទាំង មេបញ្ជាការកងរាជអាវុធហត្ថ ស្រុកជីក្រែង ចាត់វិធានការបង្ក្រាបឈ្មួញឈេីចាស់វស្សានេះទល់តែសោះ ទុក ឲ្យបុគ្គលរូបនោះ ធ្វេីអ្វីៗតាមទំនេីងចិត្ត។
ប្រជាសហគមន៏និងសង្គមស៊ីវិលដែនអភិរក្ស បឹងពែ បានឲ្យដឹងទៀតថា កាលពីយប់ថ្ងៃទី១៣ យប់ថ្ងៃទី១៥ ខែមេសា ឆ្នាំ២០២៣ អ្នកសារព័ត៌មានក្នុងស្រុកមួយក្រុម ប្រទះឃើញរថយន្តដឹកឈើពេញពៀប ដែលជាឈេីរបស់មេឈ្មួញឈ្មោះ អាត បានយកឈើចង្រឹង ឈើដុំខ្លីៗ ដាក់បាំងពីក្រោយ ខាងលើជិត ក៏ឈ្មួញរូបនោះ បើកឡានគេចចុះឡើង ប៉ុន្តែចៃដន្យអី បើកគេចចំផ្លូវទាល់ ក៏បានបើករថយន្តបកក្រោយ ហើយបន្តបើកចូលក្នុងអធិការដ្ឋាននគរបាលស្រុកជីក្រែងតែម្តង នេះសបញ្ជាក់ឲ្យឃើញថា លោក អធិការដ្ឋាននគបាលស្រុកជីក្រែង ជាអ្នកបើកភ្លេីងខៀវទេដឹង ទេីបបុគ្គលរូបនោះ ហ៊ានដឹកជញ្ជូនបទល្មើសព្រៃឈើខុសច្បាប់យ៉ាងគំហុក ទាំងយប់ទាំងថ្ងៃ សមត្ថកិច្ចពាក់ព័ន្ធក្នុងខេត្តសៀមរាប ធ្វេីមិនដឹងមិនឮអ្វីទាំងអស់។
មជ្ឈដ្ឋានខាងក្រៅ.!និងពលរដ្ឋក្នុងភូមិអូរ ឃុំខ្វាវ បានរិះគន់ចំៗទៅលេី លោក អាត
(ហៅតាអាត) ជាសមត្តកិច្ចនគរបាលយុត្តិធម៌ម្នាក់ប្រចាំការនៅស្រុកជីក្រែង ស៊ីប្រាក់ខែពីរដ្ឋ តែបែរជាយកតួនាទីខ្លួនមករកស៊ីដឹកជញ្ជូន ផលអនុផលព្រៃឈើខុសច្បាប់ទៅវិញ ចំពោះលោក តេង ចន្ទ ណាត ស្នងការដ្ឋាននគរបាលខេត្តសៀមរាប មិនគូរបណ្តែតបណ្ដោយឲ្យបុគ្គលរូបនោះ កាប់បំផ្លិចបំផ្លាញដែនព្រៃបឹងពែ តទៅទៀតនោះទេ។
បញ្ហានេះ លោក អាត ជាមេឈ្មួញឈ;ដុះស្លែ (ហៅតាអាត) មានឃ្លាំង ដេប៉ូ ស្តុបឈើ ទុកឲ្យកូនស្រីខ្លួនជាអ្នកលក់ទៀតផង ដែលមានទីតាំងស្ថិតនៅខាងជើងស្ពានបូរាណ ចម្ងាយ៧០ម៉ែត្រ គ្មានមន្ត្រីជំនាញសមត្ថកិច្ចពាក់ពន្ធ័ ក្នុងខេត្តសៀមរាប ហ៊ានទៅប៉ះពាល់នោះទេ ព្រោះអ្វីបុគ្គលនោះ បានសែនព្រេនពីថ្នាក់ក្រោម រហូតដល់ថ្នាក់ល; អស់ហ;យ ទ;បជំនួយឈើប្រព្រឹត្តទៅ យ៉ាងសុខស្រួលបំផុត។
សូម្បីតែ លោក ទៀ សីហា អភិបាលខេត្តសៀមរាប និងលោក ប៉ោ វណ្ណនិត មេបញ្ជាការកងរាជអាវុធហត្ថខេត្តសៀមរាប មិនហ៊ានប៉ះពាល់មេឈ្មួញឈើជើងខ្លាំងឈ្មោះ អាត នោះទេ ទុកឲ្យកាប់បំផ្លិចបំផ្លាញដឹកជញ្ជូនយកទៅលក់ លើទីផ្សារសេរី តាមអំពើចិត្ត។
