កម្មវិធីបុណ្យចូលឆ្នាំថ្មីប្រពៃណីជាតិខ្មែរ ប្រព្រឹត្តទៅចាប់ពីថ្ងៃ ១៤. ១៥.១៦ ខែមេសា ឆ្នាំ២០២៣ ឃើញថាពុកម៉ែបងប្អូនមួយចំនួនមមាញឹកទៅវត្តអារាម យ៉ាងច្រើនកុះករ តាមភូមិសាស្ត្រ ឃុំ ស្រុក នីមួយៗ ក្នុងទឹកដីខេត្តស្វាយរៀង។
ជាងនេះទៅទៀត រដ្ឋបាលខេត្តស្វាយរៀង បានរៀបចំក្រុងពាលីធ្វេីពិធីមហាសង្ក្រាន្ត បើកឲ្យប្រជាពលរដ្ឋខ្មែរចូលរួម រាំ ច្រៀង និងមានល្បែងប្រជាប្រិយខ្មែរ ជាច្រើនប្រភេទ លេងកំសាន្តក្នុងចូលឆ្នាំថ្មី។
ប្រភពពីលោកគ្រូអាចារ្យ និងគណះកម្មាអាចារ្យវត្ត ព្រមទាំងពុទ្ធបរិស័ទ ចំណុះជេីងវត្ត បានបញ្ជាក់ឲ្យដឹងថា វត្តអារាមមួយចំនួន ក្នុងខេត្តស្វាយរៀង ក៏បានរៀបចំសង្រ្កាន្តឆ្នាំថ្មី តាមវត្តអារាមនីមួយៗ បែបប្រពៃណីខ្មែរ ឲ្យយុវជនយុវនារី មិនថាចាស់ក្មេង លេងយ៉ាងសប្បាយផងដែរ ។
ខ្ញុំបាទនាយកការផ្សាយ សូមក្រាបថ្វាយបង្គំ បួងសួងព្រះរតនះត្រ័យកែវទាំងបី និងទសបារមី ក្នុងលោកជួយបីបាច់ថែរក្សា ប្រសិទ្ធិពរជ័យសេរីមង្គលដល់ឧត្តមភរិយា ព្រមទាំងបុត្រាបុត្រីខ្ញុំ ជាពិសេសភ្នាក់ងារអ្នកយកព័ត៌មានរបស់គេហទំព័រ រស្មីឯករាជ្យ និងបងប្អូនមន្រ្តីរាជការ សមត្ថកិច្ចគ្រប់ស្ថាប័ន ដែលឈរជេីងការពារតាមគោលដៅនីមួយៗ ទូទាំងព្រះរាជាណាចក្រកម្ពុជា ព្រមទាំងពុកម៉ែបងប្អូនអ៊ុំ ពូ មីង រាល់ការធ្វើដំណើរទីជិតទីឆ្ងាយ សុខសប្បាយទាំងអស់គ្នា ៕
