តាកែវ ÷ ប្រភពពីប្រជាពលរដ្ឋរស់នៅ ឃុំទំលាប់ ស្រុកគីរីវង្ស បានបញ្ជាក់ឲ្យដឹងថា ល្បែងបញ្ជាល់មាន់ បៀរ អាប៉ោង បង្កប់ក្នុងកាស៊ីណូភ្នំដិន ដំណើរការយ៉ាងពេញទំហឹងវិញហើយ ចំពោះលោក អធិការដ្ឋាននគរបាលស្រុកគីរីវង្ស សម្ងំទទួលផលប្រយោជន៍ ជាថ្នូរមិនបង្ក្រាប។
មជ្ឈដ្ឋានខាងក្រៅ ! និងពលរដ្ឋនៅឃុំទំលាប់ ស្រុកគីរីវង្ស បានរិះគន់ចំៗទៅលើសមត្ថកិច្ចថ្នាក់ឃុំ សមត្ថកិច្ចថ្នាក់ស្រុក មន្ត្រីជំនាញពាក់ព្ធន័ក្នុងខេត្តតាកែវ ជាអ្នកបើកភ្លើងខៀវ ទើបម្ចាស់កាស៊ីណូភ្នំដិន ហ៊ានបើកហ៊ានបិទ សង្វៀនបញ្ជាល់មាន់ ស្រេចតែអំពើចិត្ត លេងយ៉ាងគគ្រឹកគគ្រេង ស្រែកហ៊ោកញ្ជ្រៀវផ្អេីលពេញ កាស៊ីណូ គ្មានអាជ្ញាធរពាក់ពន្ធ័ក្នុងមូលដ្ឋាន ហ៊ានប៉ះពាល់ឡេីយ។
ជាក់ស្តែង.! អ្នកចូលរួមលេងល្បែងបញ្ជាល់មាន់ មានទាំងរថយន្តទំនើបជាច្រើនគ្រឿង នឹងម៉ូតូជាច្រឿនគ្រឿង កំពុងសម្រុកលេងយ៉ាងពពាក់ពពូន ពីមួយថ្ងៃទៅមួយថ្ងៃ ប្រហែលជាម្ចាស់កាសុីណូភ្នំដិន មានខ្នងបង្អែករឹងមាំនៅពីក្រោយ ចាំជួយអន្តរាគមន៍ ទើបហ៊ានបើកដៃឲ្យប្រជាពលរដ្ឋខ្មែរ និងជនអន្តោប្រវេសន៍ ភ្នាល់ចាក់លុយសុីសងខុសច្បាប់ ក្នុងមួយគូរៗចាប់ពី៣ ពាន់ដុល្លា ទៅ៥ ពាន់ដុល្លា ជាកំហិត ។
បច្ចុប្បន្នក្រុមអ្នកញៀនល្បែង ទាំងនោះកំពុង សម្រុកចូលលេងយ៉ាងពេញបន្ទុក ដូចជា ៖ មាន់ជល់ ខ្នាយដែក បៀរ អាប៉ោង យូគី និងល្បែងផ្សេងៗ ច្រើនប្រភេទទៀត បង្កប់ក្នុងកាស៊ីណូភ្នំដិន រីឯមន្ត្រីជំនាញសមត្ថកិច្ច ពាក់ពន្ធ័ក្នុងខេត្តតាកែវ មិនចាត់វិធានការចុះ បង្ក្រាប ទប់ស្កាត់ទល់តែសោះ ជាពិសេសមានមេការម្នាក់រត់ការ បង់លុយពីថ្នាក់ក្រោម រហូតដល់ថ្នាក់លើ ទើបរក្សាភាពស្ងៀមស្ងាត់។
គូររម្លឹកផងដែរ.! ល្បែងបញ្ជាល់មាន់ជ្រកក្រោមស្លាកកាស៊ីណូភ្នំដិនមានខ្មែរ និងជនជាតិវៀតណាម ចូលលេងភ្លូកទឹកភ្លូកដីរាល់ថ្ងៃ ធ្វើឲ្យមហាជនគ្រប់មជ្ឈដ្ឋាននានា និងប្រជាពលរដ្ឋ រស់នៅតាមខ្សែបន្ទាត់ព្រំដែនពួកគាត់លន់មាត់គ្រប់គ្នាថាតើភូមិឃុំសុវត្ថិភាព ៧ចំណុចត្រង់ណា បើល្បែងភ្នាល់ស៊ីសងខុសច្បាប់ នៅក្នុងមូលដ្ឋានរបស់ខ្លួន បែរជាសមត្ថកិច្ចនគរបាលស្រុកគីរីវង្សមិនចាត់វិធានការបង្ក្រាប ឲ្យស្របតាមគោលនយោបាយ ដែលដាក់ចេញដោយក្រសួងមហាផ្ទៃ ។
ដូច្នេះហើយប្រជាពលរដ្ឋ ក្នុងឃុំទំលាប់ ស្រុកគីរីវង្ស អំពាវនាវដល់លោក នេត សាវឿន អគ្គស្នងការដ្ឋាននគរបាលជាតិ ពិនិត្យឡើងវិញខ្លះផង ចំពោះភាពអសកម្ម របស់លោក ឈាង ផាន់ ណារ៉ា ស្នងការដ្ឋាននគរបាលខេខេត្តតាកែវ និង លោក អ៊ួច ភា អភិបាលខេត្តតាកែវ បណ្ដែតបណ្ដោយឲ្យបុគ្គលម្នាក់នេះ បេីកល្បែងបញ្ជាល់មាន់ បង្កប់ក្នុងកាស៊ីណូភ្នំដិន មិនទាន់ចាត់វិធានការបង្ក្រាប ឲ្យមានប្រសិទ្ធភាព និងពង្រឹងសន្តិសុខសង្គមជូនពលរដ្ឋនោះទេ៕
