លោក សាយ សំអាល់ រដ្ឋមន្ត្រីក្រសួងបរិស្ថានមិនគូរមើលរំលង លោក ទូច វិចិត្រ នាយកដែនជម្រកជីវៈចម្រុះព្រៃឡង់ក្នុងស្រុកសៀមបូក ជាអ្នកបើកដៃ ឲ្យក្រុមឈ្មួញចូលអាឈើ ជៀក ផ្តួលរលំ ដឹកជញ្ជូនទាំងយប់ទាំងថ្ងៃ ?

ស្ទឹងត្រែង ÷ សេចក្តីរាយការណ៍ពីប្រជាពលរដ្ឋ រស់នៅឃុំសៀមបូក បានបញ្ជាក់ឲ្យដឹងថា ក្រុមឈ្មួញសម្រុកកាប់បំផ្លិចបំផ្លាញព្រៃឈេី អា ជៀកខ្នាតមុខកាត់ធំៗ ដឹកជញ្ជូន ចាប់ពីដេីមខែមករា រហូតដល់បច្ចុប្បន្ននេះ មិនទាន់ឃើញមន្រ្តីជំនាញសមត្ថកិច្ចពាក់ពន្ធ័ ចាត់វិធានការបង្រ្កាបនោះទេ សម្ងំទទួលផលប្រយោជន៍ ជាថ្នូរ។

ជាក់ស្ដែងថ្ងៃទី១២ ខែកុម្ភៈ ឆ្នាំ ២០២៣ អ្នកសារព័ត៌មានក្នុងស្រុក ចុះទៅផ្តិតយករូបភាព ពួកឈ្មួញសម្រុកដឹកជញ្ជូនឈើ យ៉ាងគគ្រឹកគគ្រេង ចេញពីព្រៃដែនជម្រកជីវៈចម្រុះយកមកស្តុកទុកនៅចំណុចអូឡង់ និងបន្តដឹកទៅលក់នៅក្រុមហ៊ុន ស៊ីបាយអូថិក នៅភូមិកំពុងរទេះ ឃុំបឹងការ ស្រុកសំបូរ ខេត្តក្រចេះ យ៉ាងរលូន គ្មានរំខាន់ដល់សមត្ថពាក់ពន្ធ័តាមដងផ្លូវឡេីយ។

មជ្ឈដ្ឋានខាងក្រៅ.! បានរិះគន់ចំៗ ទៅលើ លោកវរៈសេនីយ៍ ចន សាម៉ន មេបញ្ជាការរាជអាវុធហត្ថស្រុកសៀមបូក រក្សាភាពស្ងៀមស្ងាត់ ទុកឲ្យមេការម្នាក់ឈ្មោះ វុធ ជាអ្នកឈរចាំប្រមូលទិញឈើ ដែលជ្រកក្រោមស្លាក ក្រុមហ៊ុន សុីបាយអូថិក ដោយសេរី មិនខ្វល់ពីការរិះគន់អ្វីទាំងអស់។

គួរបញ្ជាក់ផងដែរ.! ជុំវិញករណីមេឈ្មួញ ឈ្មោះ វុធ ដឹកជញ្ជូនបទល្មើសព្រៃឈើយ៉ាងគំហុករាល់យប់ថ្ងៃ រីឯលោកចន សាម៉ន មេបញ្ជាការកងរាជអាវុធហត្ថស្រុកសៀមបូក និងលោក ឧត្តមសេនីយ៍ត្រី អៀង វ៉ាន់ ឌី មេបញ្ជាការកងរាជវុធហត្ថខេត្តស្ទឹងត្រែង មិនហ៊ានប៉ះពាល់បុគ្គលរូបនេះទេ ប្រហែលជាមានខ្នងបង្អែករឹងមាំនៅពីក្រោយ ទេីបហ៊ានធ្វើអ្វីៗតាមអំពេីចិត្ត ។

ដោយឡែក លោក ស្រេង ជា ហេង ប្រធានមន្ទីរបរិស្ថានខេត្តស្ទឹងត្រែង ឯណោះវិញ ក្រុមអ្នកសារព័ត៌មាន ខលទូរសព្ទ័ទៅធ្វេីបទសម្ភាន៍បានលើកឡើងថា ឈើទាំងអស់នោះដឹកជញ្ជូនចេញពីព្រៃដែនជម្រកព្រៃឡង់ចូលមកក្រុមហ៊ុន ស៊ីបាយអូថិក ពិតប្រាកដមែន ចាំឲ្យកូនចៅចុះទៅមេីលហេីយក៍ចុចបិទទូរស័ព្ទតែម្តង នេះជាភាសាដោះសារ។

ដូច្នេះហេីយប្រជាពលរដ្ឋ ក្នុងស្រុកសៀមបូក អំពាវនាវដល់ នាយឧត្តមសេនីយ៍សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការថ្នាក់ជាតិ ដេីម្បីទប់ស្កាត់បទល្មេីសព្រៃឈេីធនធានធម្មជាតិ មេត្តាចាត់មន្ត្រីក្រោមឱវាទ ចុះត្រួតពិនិត្យជាបន្ទាន់ព្រៃឈេី ដែលនៅសេសសល់បន្តិចបន្ទួច ត្រូវវិនាសអស់ក្រោមស្នាដៃ ឈ្មួញជេីងខ្លាំងឈ្មោះ វុធ ឈ្មួញដ៍ទៃទៀតជាក់ជាមិនខាន់ឡេីយ៕