ត្បូងឃ្មុំ ÷ មួយរយៈចុងក្រោយ បុគ្គលដែលជាម្ចាស់សង្វៀន ចាប់ផ្តើមបេីកដំណើរការល្បែងបញ្ជាល់មាន់ឡើងវិញហើយ ចាប់ពីដើមខែធ្នូ រហូតដល់បច្ចុប្បន្ននេះ បង្កប់ក្នុងកាស៊ីណូកំពុងសាងសង់ ឲ្យពលរដ្ឋខ្មែរ និងជនអន្តោប្រវេសន៍ចូលលេងភ្នាល់សុីសងខុសច្បាប់ យ៉ាងពពាក់ពពូន គ្មានសមត្ថកិច្ចមូលដ្ឋាន ចាត់វិធានការបង្រ្កាបនោះទេ សម្ងំទទួលផលប្រយោជន៍ ជាថ្នូរ។
ប្រភពពីប្រជាពលរដ្ឋ ក្នុងភូមិត្រពាំងផ្លុង ឃុំ ពញាក្រែក ស្រុកពញាក្រែក បានបញ្ជាក់ឲ្យដឹងថា កាស៊ីណូ កំពុងសាងសង់មិនទាន់រួច មានកម្មករសំណង់ជាច្រើននាក់ ធ្វេីរាល់ថ្ងៃ ដេីរចេញ ចូលដេីម្បីបំភន្ត័អ្នកកាសែត បេីកឲ្យពលរដ្ឋខ្មែរលេងល្បែងភ្នាល់ដាក់លុយសុីសងខុសច្បាប់ ដូចជា បញ្ជាល់មាន់ បៀរ អាប៉ោង យ៉ាងគគ្រឹកគគ្រេង បែរជាសមត្ថកិច្ចពាក់ព័ន្ធក្នុងខេត្តត្បូងឃុំ រក្សាភាពស្ងៀមស្ងាត់។
បញ្ហានេះ អាជ្ញាធរថ្នាក់ឃុំ និងសមត្ថកិច្ចថ្នាក់ស្រុក មិនគូរបណ្តែតបណ្តោយឲ្យ ម្ចាស់កាសុីណូ ដែលកំពុងសាងសង់រាល់ថ្ងៃ ជួលឲ្យបុគ្គល បេីកល្បែងបញ្ជាល់មាន់ តាមអនឡាញ និងល្បែងផ្សេងៗ ជាច្រើនប្រភេទទៀត លេងនៅក្នុងមូលដ្ឋានរបស់ខ្លួនឡេីយ ព្រោះអាច
កេីត ជាចោរ លួច ឆក់ ប្លន់ ជាដេីម អំពេីហឹង្សាក្នុងគ្រួសារ គ្រឿងញៀនរីករាលដាលគូរកត់សម្គាល់ សមត្ថកិច្ចពាក់ព័ន្ធ មិនទាន់ចាត់វិធានការបង្រ្កាប ឲ្យស្របតាមគោលនយោបាយ 7ចំណុចដែលដាក់ចេញដោយក្រសួងមហាផ្ទៃ។
ហេតុនេះ លោក ជាម ច័ន្ទ សោភ័ណ្ឌ អភិបាលខេត្តត្បូងឃ្មុំ និងលោក ម៉ុន មាគ៌ាស្នងការដ្ឋាននគរបាលខេត្តត្បូងឃុំ មិនគូរមេីលរំលងភាពអសកម្មរបស់ លោក លី សុភាលីន អភិបាលស្រុកពញាក្រែក និងលោកថាញ់ សុខ វ៉ាត អធិការដ្ឋាននគរបាលស្រុកពញាក្រែក នោះទៀតទេ ព្រោះបណ្តោយឲ្យមានល្បែងបញ្ជាល់មាន់ ទ្រង់ទ្រាយធំ បេីកឲ្យពលរដ្ឋខ្មែរ ចូលលេងក្នុងមូលដ្ឋានរបស់ខ្លួន យ៉ាងគំហុក។
ប្រជាពលរដ្ឋ រស់នៅភូមិត្រពាំងផ្លុង ឃុំពញាក្រែក ស្រុកពញាក្រែក អំពាវនាវដល់ លោក នេត សា វឿន អគ្គស្នងការដ្ឋាននគរបាលជាតិ ចាត់មន្ត្រីពាក់ព័ន្ធក្នុងខេត្តត្បូងឃ្មុំ ពិនិត្យឡេីងវិញជាន្ទាន់ ចំពោះភាពមិនប្រក្រត្រី របស់បុគ្គលដែលហ៊ាន បេីកល្បែងបញ្ជាល់មាន់ខ្នាតធំ បង្កប់ក្នុងទីតាំង កាស៊ីណូ អត់យីហោ របស់ជនជាតិចិនបច្ចុប្បន្នកំពុងសាងសង់ ត្រូវចាត់វិធានការបង្រ្កាបឲ្យខាន់តែបាន ដេីម្បីបង្រឹងសន្តិសុខសង្គមសណ្ដាប់ធ្នាប់ ជូនពលរដ្ឋក្នុងមូលដ្ឋាន៕
