សង្វៀនបញ្ជល់ដុះស្លែ បង្កប់ក្នុងកាស៊ីណូ ម៉ូណាកូ បេីកឲ្យពលរដ្ឋខែ្មរ និងជនអន្តោប្រវេសន៍ រំហូរចូលមកលេងយ៉ាងពេញបន្ទុក តាមច្រកទ្វារព្រំដែនបន្ទាយចក្រី ខ្លះអត់ប៉ាស់ព័រខ្លះមានប៉ាស្ព័រ ហ៊ានប្រឆាំងបទបញ្ជា សម្តេចតេជោ ហ៊ុន សែន?

ព្រៃវែង ÷ មួយរយៈចុងក្រោយ បុគ្គលដែលជាម្ចាស់កាស៊ីណូមានយីហោ ម៉ូណាកូ ចាប់ផ្តើមបេីកដំណើរការល្បែងបញ្ជាល់មាន់ ឡើងវិញហេីយ ចាប់ពីដើមខែវិច្ឆិកា រហូតដល់បច្ចុប្បន្ននេះ ឲ្យពលរដ្ឋខ្មែរ និងជនអន្តោប្រវេសន៍ចូលលេងសុីសងខុសច្បាប់ យ៉ាងពពាក់ពពូន គ្មានសមត្ថកិច្ចមូលដ្ឋាន ចាត់វិធានការបង្រ្កាបនោះទេ សម្ងំទទួលផលប្រយោជន៍ ជាថ្នូរ។

ប្រភពពីប្រជាពលរដ្ឋក្នុងភូមិគោ ឃុំបន្ទាយចក្រី ស្រុកព្រះស្តេច បានបញ្ជាក់ឲ្យដឹងថា កាស៊ីណូដែលជ្រកក្រោមផ្លាកយីហោ ម៉ូណាកូ កំពុងបេីកឲ្យពលរដ្ឋខ្មែរ​ចូល​លេង​ល្បែងភ្នាល់ដាក់លុយសុីសងខុសច្បាប់ ដូចជា បញ្ជាល់មាន់ បៀរ អាប៉ោង យ៉ាងគគ្រឹកគគ្រេង បែរជាសមត្ថកិច្ចពាក់ព័ន្ធក្នុងខេត្តព្រៃវែង រក្សាភាពស្ងៀមស្ងាត់។

បញ្ហានេះ អាជ្ញាធរថ្នាក់ឃុំ និងសមត្ថកិច្ចថ្នាក់ស្រុក មិនគូរបណ្តែតបណ្តោយឲ្យ បុគ្គលជាម្ចាស់កាសុីណូ ម៉ូណាកូ បេីកល្បែងបញ្ជាល់មាន់ ហ្គេមបាញ់ត្រី និងល្បែងផ្សេងៗ ជាច្រើនប្រភេទទៀត លេងនៅក្នុងមូលដ្ឋានរបស់ខ្លួនឡេីយ ព្រោះអាចកេីត ជាចោរ លួច ឆក់ ប្លន់ ជាដេីម អំពេីហឹង្សាក្នុងគ្រួសារ គ្រឿងញៀនរីករាលដាលគូរកត់សម្គាល់ សមត្ថកិច្ចពាក់ព័ន្ធ មិនទាន់ចាត់វិធានការបង្រ្កាប ឲ្យស្របតាមគោលនយោបាយ 7ចំណុចដែលដាក់ចេញដោយក្រសួងមហាផ្ទៃ។

ហេតុនេះ លោក ជា សុ មេធី អភិបាលខេត្តព្រៃវែង និងលោក ព្រំុ សន្ធរ ស្នងការដ្ឋាននគរបាលខេត្តព្រៃវែងមិនគូរមេីលរំលងភាពអសកម្មរបស់ លោក ភុន សម្ផ័ស្ស អភិបាលស្រុកព្រះស្តេច និងលោក ជៃ សេង ហ៊ាង អធិការដ្ឋាននគរបាលស្រុកព្រះស្ដេច នោះទៀតទេ ព្រោះបណ្តោយឲ្យមានល្បែងបញ្ជាល់មាន់ ទ្រង់ទ្រាយធំ បេីកឲ្យពលរដ្ឋខ្មែរ ចូលលេងក្នុងមូលដ្ឋានរបស់ខ្លួន យ៉ាងគំហុក។

​ប្រជាពលរដ្ឋ រស់នៅភូមិគោ ឃុំបន្ទាយចក្រី ស្រុកព្រះស្តេច អំពាវនាវដល់ លោក នេត សា វឿន អគ្គស្នងការដ្ឋាននគរបាលជាតិ ចាត់មន្ត្រីពាក់ព័ន្ធក្នុងខេត្តព្រៃវែង ពិនិត្យឡេីងវិញជាន្ទាន់ ចំពោះភាពមិនប្រក្រត្រី របស់បុគ្គលដែលហ៊ាន បេីកល្បែងបញ្ជាល់មាន់ខ្នាតធំ បង្កប់ក្នុង កាស៊ីណូមានយីហោ ម៉ូណាកូ ចាត់វិធានការបង្រ្កាបឲ្យខាន់តែបាន ដេីម្បីបង្រឹងសន្តិសុខសណ្ដាប់ធ្នាប់ ជូនពលរដ្ឋក្នុងមូលដ្ឋាន៕