ឈ្មោះ ជុំ ខាន់ ថៅកែជីករណ្តៅដីសំបូររឿងអាស្រូវ ? ក៍ប៉ុន្តែនៅតែអាចបន្ត ដឹកជញ្ជូនយកទៅចក្រនៅជិតស្ពានហៃវ៉េ ខុសបទដ្ឋានបច្ចេកទេស ធ្វើឲ្យជ្រុះអាចម៍ដី ពាសពេញផ្លូវ មិនគ្របតង់ឲ្យបានត្រឹមត្រូវ ?

ស្វាយរៀង ÷ កន្លងមកបុគ្គល ឈ្មោះ ជុំខាន់ ម្ចាស់រណ្តៅដី ធ្លាប់ប្រជាពលរដ្ឋ រស់នៅភូមិព្រះទន្លេ សង្កាត់សង្ឃ័រ ក្រុងស្វាយរៀង ប្តឹងទៅអាជ្ញាធរជំនាញពាក់ព័ន្ធក្នុងមូលដ្ឋាន បានបញ្ជាក់ថា ក្រុមហ៊ុនឈ្មោះ ជុំ ខាន់ បានដាក់គ្រឿងចក្រជីកដាច់ភ្លឺភ្លោះ ម៉ាស៊ីនបោកស្រូវ ចូលច្រូតកសិផលបងប្អូនពលរដ្ឋមិនរួច ធ្វើឲ្យខូចផ្លូវទាំងស្រុង រថយន្តធំៗដឹកជញ្ជួន ជ្រុះអាចម៍ដីពាសពេញផ្លូវមិនគ្របតង់ ឲ្យបានត្រឹមត្រូវនោះទេ។

ប្រភពពីប្រជាពលរដ្ឋ ក្នុងភូមិព្រះទន្លេ សង្កាត់សង្ឃ័រ ក្រុងស្វាយរៀង បានឲ្យដឹងថា គ្រឿងចក្រធ្វេីអាជីវកម្មជីករណ្តៅដី ដឹកជញ្ជូនរបស់ឈ្មួញមានពីក្រុមទី១ឈ្មោះ ជុំ ខាន់ ទី២ឈ្មោះ សាន ដែលគេស្គាល់ថា ជាទាហានជេីងខ្លាំងប្រចាំខេត្តស្វាយរៀង សព្វថ្ងៃពួកឈ្មួញ យកទៅចាក់ដីលុបបឹង ជិតស្ពានហៃវ៉េ ដែលបងប្អូនប្រជាពលរដ្ឋ ក្នុងមូលដ្ឋានធ្លាប់អាស្រ័យផល ហើយមន្ត្រីជំនាញ និងមន្ត្រីអាជ្ញាធរក្នុងមូលដ្ឋាន មិនចាត់វិធានការដោះស្រាយឡើយ។

មជ្ឃដ្ឋានខាងក្រៅ! និងពលរដ្ឋ ក្នុងភូមិព្រះទន្លេ សង្កាត់សង្ឃ័រ ក្រុងស្វាយរៀង បានរិះគន់ចំៗថា បេីគ្មានការបើកដៃពីសំណាក់ លោក ប៉ុក តក ប្រធានមន្ទីររ៉ែនិងថាមពលខេត្តស្វាយរៀង និងលោក កេីត សា រឿនប្រធានមន្ទីរបរិស្ថានខេត្តស្វាយរៀង ឃុឃុបឃិតជាមួយ ឈ្មួញទេនោះ គឺមិនអាចជីករណ្តៅដី មានជម្រៅជ្រៅហើយធំ និងជ្រុះអាចម៍ដី រប៉ាត់រប៉ាយ លើផ្លូវសាធារណៈយ៉ាងដំណំ រីឯអាជ្ញាធរពាក់ពន្ធ័មានសមត្ថកិច្ច បណ្តោយឲ្យបុគ្គលនោះធ្វេីអ្វីៗ តាមអំពើចិត្ត។

គួររម្លឹកថា ! ផ្លូវនេះបានក្រាលកៅស៊ូ ជាប់ព្រំប្រទល់ផ្លូវជាតិលេខ១ តាមបណ្តោយផ្លូវជាតិ១៣ ប្រហែល២គីឡូដល់ទីតាំងរណ្តៅដី ជាគម្រោងបដិភាគ របស់មន្ទីរសាធារណៈការខេត្តស្វាយរៀង ដែលបានស្នើសុំពី រាជរដ្ឋាភិបាលកម្ពុជា សម្រាប់ពលរដ្ឋធ្វើសារាចរណ៍ មិនមែនអោយក្រុមឈ្មួញមានអំណាច មកដឹកអាចម៍ដី លើសទម្ងន់អាចបណ្តាលឲ្យខូចផ្លូវនោះទេ។

បេីយោងតាមច្បាប់អនុញ្ញាត ឲ្យធ្វើអាជីវកម្ម គឺឈ្មួញអាចជីករណ្តៅដី ត្រឹមជម្រៅ៥ម៉ែត្រទៅ៦ម៉ែត្រប៉ុណ្ណោះ មិនអាចលើសពីនេះបានឡើយ ប៉ុន្តែឈ្មួញនៅតែបន្តជីករណ្តៅដីនៅក្នុងភូមិព្រះទន្លេ សង្កាត់សង្ឃ័រ ក្រុងស្វាយរៀង បានយ៉ាងរលូន ព្រោះមានការបេីកភ្លេីងខៀវ ពីមន្រ្តីជំនាញពាក់ពន្ធ័ក្នុងខេត្តស្វាយរៀង ទេីបបុគ្គល២រូបនេះ ដែលម្ចាស់អាជីវកម្ម មិនខ្វល់ពីការិះគន់អ្វីទាំងអស់។

លើសពីនេះទៅទៀតពួកឈ្មួញ បានប្រើប្រាស់រថយន្តធំៗ ដឹកអាចម៍ដីរុះពាសពេញផ្លូវមិនគ្របតង់ឲ្យបានត្រឹមត្រូវ ធ្វើឲ្យធ្លាក់រាយប៉ាយក្លាយទៅជាធូលីហ៊ុយសំពោង ប៉ះពាល់ដល់ប្រជាពលរដ្ឋ រស់នៅអមតាមសងខាងផ្លូវជាតិ១៣ យ៉ាងពេញបន្ទុក។

ដោយសារងផលប៉ះពាល់យ៉ាងខ្លាំង ទើបប្រជាពលរដ្ឋ អំពាវនាវឲ្យឯកឧត្តម ម៉ែន វិបុលអភិបាលខេត្តស្វាយរៀង ក៏ដូចជាលោក ស៊ុយ សែម រដ្ឋមន្ត្រីក្រសួងរ៉ែ និងថាមពល ជួយដោះស្រាយដល់ពួកគាត់ផងទាន !។