ល្បែងបញ្ជាល់មាន់​តាម​ប្រពន្ធ័​ទូរសព្ទ័ដៃ កំពុង ពេញនិយម ប្រមូលផ្ដុំគ្នា​ទាំងក្មេង​ទាំងចាស់ ចាក់ភ្នាល់​ដាក់លុយ​លេង​ស៊ីសង​ខុសច្បាប់ យ៉ាង​ពេញបន្ទុក ផ្អើលពេញ​ហាងកាហ្វេ ក្នុងឃុំបែកចាន រីឯលោក ឯក មាន សំណាង អធិការដ្ឋាននគរបាល​ស្រុកអង្គស្នូល មិនចាត់​វិធានការ​បង្រ្កាប សម្ងំទទួល​ផល​ប្រយោជន៍ ?

កណ្ដាល ៖ ក្រោយពីស្ងប់ស្ងាត់មួយរយៈ ស្រាប់តែក្រុមហ៊ុនបញ្ជាល់មាន់ បើកមុខរបរថ្មី តាមប្រពន្ធ័ទូរសព្ទ័ដៃ សម័យអនឡាញល្បីល្បាញឡេីងវិញ ក្នុងទឹកដីខេត្តកណ្តាល ជាច្រើនទីតាំងបង្កប់ក្នុងហាងកាហ្វេ ស្ថិតនៅភូមិព្រៃទន្លាប់ ឃុំបែកចាន ស្រុកអង្គស្នួល អាជ្ញាធរពាក់ព័ន្ធក្នុងមូលដ្ឋានមានសមត្ថកិច្ច ជាអ្នកបេីកភ្លើងខៀវ ទេីបបុគ្គលរូបនោះហ៊ានធ្វើអ្វីៗតាមអំពេីចិត្ត។

ប្រភពពីក្រុមអ្នកញៀនល្បែងម្នាក់សូមមិនបញ្ចេញឈ្មោះ ដើរអួតប្រាប់គេឯងថាកំុចង់សាកឲ្យសោះ ទីតាំងជល់មាន់តាមទូរសព្ទ័អនឡាញ វេបផ្សាយ របស់ក្រុមហ៊ុនមានខ្នងក្រាស់ណាស់ បើគ្មានធីម ឬបក្សពួកខ្សែបណ្ដោយគឺមិនអាចចូលទៅចាក់ភ្នាល់ដាក់លុយបានឡេីយ ឲ្យតែហ៊ានដើរចូលទៅដឹងតែរឿងធំហើយ បើសិនគ្មានកាតសម្គាល់ពណ៍ លឿង+ក្រហម ជាសមាជិកមិនអាចចូលទៅលេងស៊ីសងខុសច្បាប់នោះទេ។

បេីតាមការអះអាង បន្តទៀតថា ក្រុមហ៊ុនបញ្ជាល់មាន់តាមទូរសព្ទ័ដៃឫកុំព្យូទ័របានរៀបចំផែនការល្អឥតខ្ចោះ គឺតម្រូវឲ្យអថិជននិងធីមទាំងអស់ចូលទៅមើលក្នុងវេបផ្សាយក្រុមហ៊ុន រួចនាំគ្នាចាក់ភ្នាល់ដាក់លុយតែម្ដង ជាពិសេសចូលរួមលេងមិនចាំបាច់ខ្លាចអ្វីទេ ព្រោះ ក្រុមហ៊ុនដាក់កញ្ចាប់ឲ្យមន្រ្តីសមត្ថកិច្ច ចាប់ពីឃុំ ស្រុក រហូតថ្នាក់ខេត្ត ព្រមទាំងរក្សាសុខសុវត្ថិភាពដល់កូនធីមចង់អ្នកណាថតអីថតទៅ ប្រសិនជាអ្នកសារព័ត៌មាន មកនាំគ្នាបិតទូរសព្ទ័អង្គុយផឹកកាហ្វេ ធ្វើមិនដឹងចប់រឿងទៅហើយ។

ក្រុមហ៊ុនជល់មាន់តាមទូរសព្ទ័ដៃ សម័យទំនើបនិងវេផ្សាយ ពិតជាប្រេីកល់ល្បិចខ្ពស់មែន ដេីម្បីបំភ័ន្តអ្នកការសែត សង្ស័យមានខ្នងការពារពីសំណាក់សម្ថតកិច្ចស្រុកខេត្តហើយទេដឹង បានជាក្រុមហ៊ុនមួយនេះ អាចប្រព្រឹត្តបទល្មើសបើកបនល្បែងចាក់ភ្នាល់ដាក់លុយស៊ីសងខុសច្បាប់ យ៉ាងគំហុក បែរជាអាជ្ញាធរថ្នាក់ឃុំ និងលោក ឯក មាន សំណាង មិនទាន់ចាត់វិធានកាតបង្រ្កាប ឲ្យស្របតាមគោលនយោបាយ7ចំណុចដែលដាក់ចេញដោយក្រសួងមហាផ្ទៃ។

កន្លងមកប្រមុខរាជរដ្ឋាភិបាលបានបង្គាប់ការចេញលិខិតមួយសន្លឹកផ្ដល់ជូនលោក សុខ ផល រដ្ឋលេខាធិការក្រសួងមហាផ្ទៃ ព្រមទាំងក្រុមការងារបង្រ្កាបល្បែងស៊ីសងភ្នាល់ដាក់លុយខុសច្បាប់គ្រប់ប្រភេទ ទូទាំងប្រទេស ស្រាប់តែបុគ្គលជាម្ចាស់ក្រុមហ៊ុនបេីកល្បែងបញ្ជាល់មាន់ រីកដូចផ្សិតវិញហេីយក្នុងទឹកដីខេត្តកណ្តាល តាមបណ្តាលស្រុកនីមួយៗ ហ៊ានប្រឆាំងបទបញ្ជាថ្នាក់ដឹកនាំកម្ពុជា។

ប្រជាពលរដ្ឋ ភូមិព្រៃទន្លាប់ ឃុំបែកចាន ស្រុកអង្គស្នួល អំពាវនាវដល់លោក នេត សា វឿន អគ្គស្នងការដ្ឋាននគរបាលជាតិ និងលោក គង់ សោ ភ័ណ្ឌ អភិបាលខេត្តកណ្ដាល ព្រមទាំងលោក ឈឿន សុ ចិត្រ ស្នងការដ្ឋាននគរបាលខេត្តកណ្តាល មេត្តាចាត់មន្ត្រីក្រោមឱវាទចុះត្រួតពិនិត្យ ល្បែងបញ្ជាល់មាន់ តាមប្រពន្ធ័ទូរស័ព្ទដៃ របស់បុគ្គលរូបនេះជាបន្ទាន់ ដេីម្បីបង្រឹងសន្តិសុខសណ្តាប់ធ្នាប់ជូនពលរដ្ឋក្នុងមូលដ្ឋាន៕