ស្វាយរៀង ÷ នៅពេលថ្មីៗ រយះពេលប៉ុន្មានថ្ងៃកន្លងមកនេះ ប្រជាពលរដ្ឋ ក្នុងភូមិត្រពាំងព្រីង ឃុំអង្គប្រស្រែ ស្រុករមាសហែក ពួកគាត់ចង់ដឹងថា តេីរឿងលោក ព្រាប ពុត នាយកសាលាបឋមសិក្សាត្រពាំងព្រីង កំពុងបេីកដៃឲ្យក្រុមឈ្មួញយួននិងឈ្មួញខ្មែរ សម្រុកកាប់ដេីមអំពិលបារាំងធំៗ អារជៀកយកទៅលក់នោះ មិនទាន់សមត្ថកិច្ចពាក់ព័ន្ធក្នុងខេត្តស្វាយរៀង មានចំណាត់នោះទេ។
មជ្ឈដ្ឋានខាងក្រៅ.!និងពលរដ្ឋរស់នៅភូមិត្រពាំងព្រីង ឃុំអង្គប្រស្រែ ស្រុករមាសហែក បានរិះគន់ចំៗទៅលេី អាជ្ញាធរមានសមត្ថកិច្ចពាក់ព័ន្ធក្នុងមូលដ្ឋាន ជាអ្នកបេីកភ្លេីងខៀវ ទេីបលោក ព្រាប ពុត នាយក សាលាបឋមសិក្សាត្រពាំងព្រីងនិងគូរកន ហ៊ានធ្វើអ្វី ៗតាមទំនេីងចិត្ត។
ជុំវិញរឿងដ៍ចំរូងចំរ៉ាស់ ភ្នាក់ងារព័ត៌មានយេីង ចុះទៅដល់ទីតាំងកន្លែងកាប់អារជៀកផ្ដូលរលំដេីមអំពិលបារាំង បានខលទូរស័ព្ទសម្ភាសន៍ លោក លាក់ សម្បត្តិ មេឃុំព្រះអង្គប្រស្រែ ថ្លែងប្រាប់ថា លោក ព្រាប ពុត នាយកសាលាបឋមសិក្សាត្រពាំងព្រីង ប្រាប់ថាខ្ញុំលក់ដេីមអំពិលបារាំង ទៅឲ្យក្រុមឈ្មួញហេីយ ដេីម្បីយកលុយ មកកសាងសាលា នេះបេីតាមការលេីក
ឡេីងរបស់លោក មេឃុំ។
រីឯលោក ព្រាប ពុត នាយកសាលា បានថ្លែងប្រាប់ ភា្នក់ងារព័ត៌មាន ឲ្យដឹងទៀតថា ខ្ញុំបានលក់អំពិលបារាំង ចំនួន៧ដេីម ធំ គ្រាក់ៗ ទៅឲ្យឈ្មួញមែន តម្លៃក្នុងមួយដេីម ១ លានរៀល សរុប៧លានរៀល ហេីយក៍មានការព្រមព្រៀងគ្នា ជាមួយលោកគ្រូ អ្នកគ្រូ និងគណៈកម្មការអាចារ្យវត្តផងដែរ ដេីម្បីលក់កសាងវត្ត ត្រពាំងព្រីង និងសាលាបឋមសិក្សាត្រពាំងព្រីង ហេីយបុគ្គលមួយចំនួនច្រណែនខ្ញុំ។
បញ្ហានេះប្រជាពលរដ្ឋ រស់នៅអបសាលាបឋមសិក្សាត្រពាំងព្រីង និងនៅជិតវត្តត្រពាំងព្រីង សោកស្តាយដេីមអំពិលបារាំងយ៉ាងខ្លាំងព្រោះជាម្លប់សម្រាប់សិស្សានុសិស្ស ពួកគាត់ជាច្រេីនគ្រូសារមានការងឿងឆ្ងល់ចំពោះ លោក ព្រាប ពុត នាយកសាលាបឋមសិក្សាត្រពាំងព្រីង លក់យកលុយទៅណាវិញ បេីសាលារៀនសាងសង់រួចរាល់អស់ហេីយ គ្មាន គណៈកម្មការអាចារ្យវត្តដឹងនោះទេ បែរជាការលេីកឡើង រវាងលោក មេឃុំ និងនាយកសាលា ព្រមទាំងពលរដ្ឋក្នុងមូលដ្ឋានខុសពីគ្នាទាំងអស់។
ប្រជាពលរដ្ឋរស់នៅ ភូមិត្រពាំងព្រីង ឃុំអង្គប្រស្រែ អំពាវនាវដល់ លោក ម៉ែន វិបុល អភិបាលខេត្តស្វាយរៀង និងលោក សួស មុល អភិបាលស្រុករមាសហែក ពិនិត្យឡើងវិញជាបន្ទាន់ នៅទង្វើ មិនប្រក្រតី របស់ លោក ព្រាប ពុត នាយកសាលាបឋមសិក្សាត្រពាំងព្រីង និងគូរកន ហ៊ានឲ្យក្រុមឈ្មួញក្នុងស្រុក កាប់បំផ្លិចបំផ្លាញដេីមអំពិលបារាំងធំៗ គម្រាង ដឹកជញ្ជួនយកទៅលក់យួន ប៉ុន្តែត្រូវបរាជ័យ ដោយពលរដ្ឋជាច្រើនគ្រូសាររាយការណ៍មកភ្នាក់ងារព័ត៌មានយេីងទាន់ពេលវេលា៕
