កំពង់ធំ ៖ ប្រភពពីអ្នកសារព័ត៌មានមួយក្រុម បញ្ជាក់ថា មានបុគ្គលម្នាក់បើករថយន្តសេរីទំនើប ចេញពីស្ថានីយ៍ជញ្ជីងថ្លឹងរថយន្តស្រុកសន្ទុក បានមកគំរាមកំហែងចាប់អ្នកសារព័ត៌មាន ដោយពួកគាត់នៅលើដងផ្លូវជាតិ ថតពីសកម្មភាពក្រុមរថយន្តធំៗខ្នាតយក្សផ្ទុកទំនិញលើសទម្ងន់ ខ្លះចូលថ្លឹងខ្លះបើកគេចវេសន៍មិនចូលក្នុងស្ថានីយ៍ជញ្ជីងថ្លឹងនោះទេ បង់តែលុយជាការស្រេច។
ជាក់ស្តែង នៅព្រឹកថ្ងៃទី១៩ខែឆ្នូឆ្នាំ២០២២ នេះក្រុមអ្នកសារព័ត៌មានយើងបានជិះរថយន្តឆ្លងកាត់ពីភ្នំពេញទៅខេត្តសៀមរាប មកដល់ស្ថានីយជញ្ជីងថ្លឹងរថយន្ត ចំណុចផ្លូវជាតិលេខ៦ ស្ថិតក្នុងភូមិត្រើយម្យ៉ាប ឃុំប្រាសាទ ស្រុកសន្ទុក ខេត្តកំពង់ធំ ដោយបងប្អូនអ្នកសារព័ត៌មានយើង មើលឃើញភាពមិនប្រក្រត្រី របស់ប្រធានស្ថានីយ៍ហើយក៏នាំគ្នាចុះថតពីសកម្មភាពរថយន្តដឹកទំនិញបន្ទុក លើសទម្ងន់ឆ្លងកាត់ដែលមិនចូលថ្លឹង។
ស្រាប់តែមានបុគ្គលម្នាក់ដើរចេញមកពីក្នុងស្ថានីយ៍ជញ្ជីងកាន់ពិលចុចឆ្វេងឆ្វាចស្រែកថាថតអី ?បើរថយន្តមិនចូលថ្លឹងខុសហើយម្ដេចក៏មិនចាប់ ក្រុមអ្នកសារព័ត៌មានយើងក៏បានឆ្លើយតបវិញថាពួកខ្ញុំគ្មានសិទ្ធិអំណាចអ្វីចាប់រថយន្តទេគ្រាន់តែធ្វើព័ត៌មានរាយការណ៍ជូនថ្នាក់ដឹកនាំខាងលើជាសាធារណៈបុណ្ណោះ។
មួយសន្ទុះក្រោយមកស្រាប់តែមានបុគ្គលម្នាក់ជិះរថយន្តសេរីទំនើប ចេញមកពីក្នុងស្ថានីយជញ្ជីងថ្លឹងរថយន្តចរឹករឹកពារមកកាងនិងសួរនាំអ្នកសារព័ត៌មានរកលិខិតស្នាមមិនដឹងថាបុគ្គលម្នាក់នោះ មកពីស្ថាប័នណា ដោយគ្មានអត្តសញ្ញាណឯកសណ្ឋានសម្លៀកបំពាក់ជាមន្ត្រីឡើយ។
ផ្ទុយទៅវិញសំលៀកបំពាក់ដូចជាក្មេងទំនើង ខោខ្លីលើជង្គង់ពាក់អាវយឺតជិះរថយន្តចុះមកធ្វើឬកខែងរ៉ែងគម្រាមកំហែងខលទូរស័ព្ទហៅកម្លាំងសមត្ថកិច្ចឲ្យមកឃាត់អ្នកសាព័ត៌មាន មិនដឹងជាមានរឿងអ្វី?។
តាមការអះអាងពី អ្នករួមដំណើរមកជាមួយបុគ្គលរូបនេះ បានអ:អាងថា ៖ បុគ្គលនោះជាមន្ត្រីបម្រើការនៅរដ្ឋបាលខេត្តកំពង់ធំ ហើយបើខ្លួនគាត់ជាមន្ត្រីហេតុអី្វ? ក៏ស្លៀកពាក់ឯកសណ្ឋាន។
អ្នកសារព័ត៌មានមួយក្រុម ក៍ដូចជាមជ្ឈដ្ឋានខាងក្រៅ ! បានអំពាវនាវដល់ឯកឧត្តម ស៊ុន ចាន់ ថុល រដ្ឋមន្ត្រីក្រសួងសាធារណ:ការ ដឹកជញ្ជូន និងលោក ងួន រតនះ អភិបាលខេត្តកំពង់ធំ មេត្តាជួយពិនិត្យឡើងវិញជាបន្ទាន់
ព្រោះបុគ្គលរូបនេះ នៅស្ថាប័នណាឲ្យពិតប្រាកដ ព្រោះឯកសណ្ឋាននិងអាកប្បកិរិយា មិនសមជាមន្ត្រីបម្រើការងារក្នុងជួររាជរដ្ឋាភិបាលនោះទេ៕
