ព្រៃវែង ÷ សេចក្តីរាយការណ៍ពីឈ្មួញ និងអាជីវករមួយចំនួនបានឲ្យដឹងថា ឈ្មួញសម្រុកនាំទំនិញគេចពន្ធ បង់ពន្ធមិនគ្រប់ តាមច្រកទា្វរព្រំដែនអន្តរជាតិមុឺនជ័យ យ៉ាងគំហុក ជាប្រភពចំណូលដ៍សំខាន់ របស់លោក គង់ សឺ ឌី មេគយប្រចាំច្រកនេះ។
ហេតុនេះលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ មិនគួរបណ្តែតបណ្ដោយឲ្យលោក គង់ សឺ ឌី មេគយច្រកទ្វារព្រំដែនអន្តរជាតិមុឺនជ័យ ប្រព្រឹត្តអំពើពុករលួយ ព្រោះអាងមេគយធំៗ នៅអគ្គនាយករដ្ឋករ .គយកម្ពុជា ចាំជួយបិទបាំងរឿងអាស្រូវ ទេីបហ៊ានធ្វេីអ្វីៗតាមទំនេីងចិត្ត។
ប្រភពពីមន្ត្រីនៅច្រកទ្វារអន្តរជាតិម៉ឺនជ័យ ស្រុកកំចាយមារ ខេត្តព្រៃវែង បានឲ្យដឹងថា បច្ចុប្បន្ននេះលោក គង់ សឺ ឌី ប្រធានការិយាល័យគយច្រកទ្វារព្រំដែនអន្តរជាតិម៉ឺនជ័យ បេីកភ្លើងខៀវ ឲ្យពួកឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ យ៉ាងពេញបន្ទុកដដែល។
ការដែលលោក គង់ សឺ ឌី ប្រធានការិយាល័យគយច្រកទ្វារអន្តរជាតិម៉ឺនជ័យ ហ៊ានប្រព្រឹត្តអំពើពុករលួយយ៉ាងពេញទំហឹង គឺដោយសារមានការបើកដៃពីសំណាក់លោក មួង ដារ៉ា ប្រធានសាខាគយខេត្តព្រៃវែង ដែលកំពុងល្បីល្បាញខ្លាំងរឿងពុករលួយផងដែរ។
ទន្ទឹមនឹងនេះលោក គុណ ញឹម អគ្គនាយករដ្ឋករ.គយកម្ពុជា បណ្ដោយឲ្យលោក មួង ដារ៉ា និងមេៗ គយតាមច្រកព្រំដែនក្នុងខេត្តព្រៃវែង សហការគ្នាប្រព្រឹត្តអំពើពុករលួយ ឲ្យឈ្មួញនាំទំនិញគ្រប់ប្រភេទ គ្រប់ច្រកល្ហក ចូលខេត្តព្រៃវែង និងបន្តចែកចាយទៅរាជធានីភ្នំពេញ យ៉ាងពេញបន្ទុក ទាំងយប់ទាំងថ្ងៃ មិនចាត់វិធានការបង្ក្រាប ក្រុមអ្នករត់ពន្ធទំនិញខុសច្បាប់ឡើយ សម្ងំទទួលផលប្រយោជន៍ ជាថ្នូរ។
បញ្ហានេះអ្នកសារព័ត៌មានទូទាំងប្រទេសអំពាវនាវដល់ លោក ជា សុមេ ធី អភិបាលខេត្តព្រៃវែង និងលោកព្រំុ សន្ធរ ស្នងការដ្ឋាននគរបាលខេត្តព្រៃវែង ព្រមទាំងសមត្ថកិច្ចពាក់ព័ន្ធប្រចាំនៅច្រកទ្វារព្រំដែនអន្តរជាតិម៉ឺនជ័យ ពិនិត្យឡើងវិញជាបន្ទាន់ ចំពោះ តាម្នាក់ រាងចំណាស់នេះផង តែងប្រើពាក្យសំដី កាយវិកាមិនសមរម្យ មកលើបងប្អូនអ្នកព័ត៌មាន ទង្វើនោះមិនសំជាមន្ត្រី ធ្វើឲ្យប៉ះពាល់ដល់មន្ត្រីល្អៗ ដែលឈរជើងនៅតំបន់នោះ៕
