ស្វាយរៀង ÷ សេចក្តីរាយការណ៍ពីប្រជាពលរដ្ឋ រស់នៅសង្កាត់សង្ឃ័រ ក្រុងស្វាយរៀង បានបញ្ជាក់ឲ្យដឹកទៀតថា សព្វថ្ងៃនេះ ឈ្មួញជាច្រើនក្រុម បានដាក់គ្រឿងចក្រជីករណ្តៅដីដែលមានជម្រៅខុសបទដ្ឋានបច្ចេកទេស ហើយរថយន្តដឹកអាចម៍ដីធំៗធ្វើឲ្យជ្រុះអាចម៍ដីពាស់ពេញផ្លូវមិនគ្របតង់ ឲ្យបានត្រឹមត្រូវនោះទេ។
ឯលោក តក ប្រធានរ៉ែ ថាមពលខេត្តស្វាយរៀង ឯណោះវិញ ឆ្លេីយប្រាប់ រស្មីឯករាជ្យ ឲ្យដឹងថា ខ្ញុំមិនបានចេញច្បាប់ឲ្យនោះទេ.! ពាក់ព័ន្ធឈ្មួញជីករណ្តៅដី ក្នុងសង្កាត់សង្ឃ័រ ក្រុងស្វាយរៀង សួរទៅក្រុងនិងខេត្តចុះ ហើយក៍ចុចទូរសព្ទ័បិទតែម្តងទៅ។
ហេតុនេះហើយទើបប្រជាពលរដ្ឋ ក្នុងសង្កាត់សង្ឃ័រ អំពាវនាវឲ្យលោក អភិបាលក្រុងស្វាយរៀង និងលោក សំ សា រឿន ប្រធានមន្ទីរបរិស្ថានខេត្តស្វាយរៀង ចាត់វិធានការដោះស្រាយដល់ពួកគាត់ ដែល រស់នៅតាមដងផ្លូវជាតិ១៣ ជាបន្ទាន់ កុំឲ្យក្រុមឈ្មួញ ធ្វើអ្វីៗ តាមតែអំពើចិត្ត។
ប្រជាពលរដ្ឋ ក្នុងសង្កាត់សង្ឃ័រ ក្រុងស្វាយរៀង បានឲ្យដឹងថា អាជីវកម្មរណ្តៅដី របស់ឈ្មួញមានបក្សពួក ជាច្រើននាក់ កំពុងយកទៅចាក់ដីលុបបឹង ជិតស្ពានហៃវ៉េ ដែលបងប្អូនប្រជាពលរដ្ឋ ក្នុងមូលដ្ឋានធ្លាប់អាស្រ័យផល ហើយមន្ត្រីជំនាញ និងមន្ត្រីអាជ្ញាធរក្នុងមូលដ្ឋាន មិនចាត់វិធានការដោះស្រាយឡើយ។
មជ្ឃដ្ឋានខាងក្រៅពី.! និងពលរដ្ឋ ក្នុងសង្កាត់សង្ឃ័រ ក្រុងស្វាយរៀង បានឲ្យដឹងទៀតថា បើគ្មានការបើកដៃពីសំណាក់ មន្ត្រីពាក់ព័ន្ធក្នុងខេត្តស្វាយរៀង ទេនោះ គឺឈ្មួញ មិនអាចជីករណ្តៅដី យ៉ាងធំហើយជ្រៅ និងជ្រុះអាចម៍ដី រប៉ាត់រប៉ាយ លើផ្លូវសាធារណៈយ៉ាងសុខស្រួល រីឯអាជ្ញាធរពាក់ពន្ធ័មានសមត្ថកិច្ច ធ្វើមិនដឹងមិនឮ អ្វីទាំងអស់។
គួររម្លឹកថា ! ផ្លូវនេះបានក្រាលកៅស៊ូ ជាប់ព្រំប្រទល់ផ្លូវជាតិលេខ១ មានប្រវែង ២ គីឡូ ដល់ទីតាំងរណ្តៅដី តាមផ្លូវជាតិ១៣ ចូលទៅកំពង់ចក ជាគម្រោងបដិភាគ របស់មន្ទីរសាធារណៈការខេត្តស្វាយរៀង ដែលបានស្នើសុំពី រាជរដ្ឋាភិបាលកម្ពុជា សម្រាប់ពលរដ្ឋធ្វើសារាចរណ៍ មិនមែនអោយក្រុមឈ្មួញមានអំណាច មកដឹកអាចម៍ដី លើសទម្ងន់អាចបណ្តាលឲ្យខូចផ្លូវទៅថ្ងៃមុខ។
ប្រភពពីប្រជាពលរដ្ឋ រៀបរាប់បន្ថែមទៀតថា យោងតាមច្បាប់អនុញ្ញាតឲ្យធ្វើអាជីវកម្ម រណ្តៅដី គឺឈ្មួញអាចជីករណ្តៅដីត្រឹមជម្រៅ៥ម៉ែត្រទៅ៦ម៉ែត្រប៉ុណ្ណោះ មិនអាចលើសពីនេះបានឡើយ ប៉ុន្តែឈ្មួញអាចជីករណ្តៅដីនៅក្នុងសង្កាត់សង្ឃ័រ ក្រុងស្វាយរៀង បានយ៉ាងរលូន។
លើសនេះទៅទៀតឈ្មួញ បានប្រើប្រាស់រថយន្តធំៗដឹកអាចម៍ដីពាស់ពេញផ្លូវមិនគ្របតង់ ឲ្យបានត្រឹមត្រូវ ធ្វើឲ្យធ្លាក់អាចម៍ដីរាយប៉ាយក្លាយទៅជាធូលីហ៊ុយសំពោងប៉ះពាល់ដល់ការ រស់នៅរបស់ប្រជាពលរដ្ឋ យ៉ាងពេញបន្ទុក។
ដោយសារងផលប៉ះពាល់យ៉ាងខ្លាំង ទើបប្រជាពលរដ្ឋ អំពាវនាវឲ្យលោក ម៉ែន វិបុលអភិបាលខេត្តស្វាយរៀង ក៏ដូចជាលោក ស៊ុយ សែម រដ្ឋមន្ត្រីក្រសួងរ៉ែ និងថាមពល ជួយដោះស្រាយដល់ពួកគាត់ផងទាន!។
