ព្រៃវែង ÷ ប្រភពពីប្រជាពលរដ្ឋ រស់នៅជិតព្រំដែនស្វាយអាងោ៉ង បានបញ្ជាក់ឲ្យដឹងថា បុរសម្នាក់ងារជាឧកញ៉ា មានឥទ្ធិពលនៅខេត្តព្រៃវែង ធ្វេីស្រែលើខ្នងរាស្ដ្រ ធ្វើឲ្យបងប្អូនពលរដ្ឋ រងទឹកភ្នែក ដែលពួកគាត់លក់គោ ក្របី ទៅឲ្យឈ្មួញក្នុងស្រុក ដើម្បីដោះស្រាយបញ្ហាជីវះភាពគ្រូសារ បែរជាក្រុមលោកឧកញ៉ាកៀបយកលុយ គោ ក្របី ក្នុងមួយក្បាល១០មុឺនរៀលជាកំហិត បើអ្នកណាម្នាក់មិនបង់កុំសង្ឃឹមលក់បានសោះឡេីយ។
មហាជននិងពលរដ្ឋ ជាអ្នកលក់គោ ក្របីទាំងនេះកំពុងតែងឿងឆ្ងល់ថា តើលុយពួកគាត់ដែលបង់ទៅឲ្យនោះ បានចូលរដ្ឋ ឬក៏ចូលក្នុងហោប៉ៅ ក្រុមលោកឧកញ៉ា ជឹម សុខហើយជាកំលាំងញើសឈាមពួកគាត់ រីឯលោក នាយប៉ុស្តិ៍ច្រករបៀងព្រំដែនស្វាយអាង៉ោង ជាអ្នកបើកភ្លើងខៀវ ទេីបអាចនាំសត្វគោ ក្របីទៅលក់ស្រុកយួន យ៉ាងរលូន។
ជុំវិញរឿងរ៉ាងដ៍ចំរូងចំរ៉ាល់នេះ ប្រជាពលរដ្ឋរស់នៅជិតព្រំដែនស្វាយអាង៉ោង ស្នេីរដល់ស្ថាប័នពាក់ព័ន្ធក្នុងខេត្ត ជាពិសេសនោះប្រធាន ពេទ្យ សត្វ ខេត្តព្រៃវែង ពិនិត្យឡើងវិញខ្លះផង ចំពោះលោក ឧកញ៉ា ជឹម សុខ និងបក្សពួករបស់ខ្លួន កំពុងធ្វើឲ្យពលរដ្ឋត្អូញត្អែរថាគោ ក្របី ពួកគាត់ខំចិញ្ចឹមសោះ ទម្រាំបានលក់ បែរជាបង់លុយឲ្យក្រុមឧញ៉ា ជឹម សុខ ទៅវិញ តេីរំពឹងអ្វីទៀត។
ប្រជាពលរដ្ឋ រស់នៅជិតច្រករបៀងព្រំដែនស្វាយអាង៉ោងអំពាវនាវ ដល់លោក ជា សុ មេធី អភិបាលខេត្តព្រៃវែង មេត្តាចាត់មន្ត្រីជំនាញពាក់ព័ន្ធពិនិត្យឡេីងវិញផង ចំពោះភាពមិនប្រក្រតី បក្សពួកក្រុមរបស់លោក ឧកញ៉ា ជឹម សុខ ជាបន្ទាន់ ជៀសវាងកុំឲ្យពលរដ្ឋស្លូតត្រង់ រង់នៅភាពអយុត្តិធម៌ពីសំណាក់អ្នកមានអំណាច៕
