ត្បូងឃ្មុំ÷ប្រភពពីប្រជាពលរដ្ឋបានបញ្ជាក់ថា អធិការនគរបាលស្រុកពញ្ញាក្រែក មិនចាត់វិធានការបង្ក្រាបល្បែងស៊ីសងខុសច្បាប់ ដែលមានសង្វៀនបញ្ជល់មាន់បៀរអាប៉ោងគ្រប់ប្រភេទ បង្កប់កាស៊ីណូចក្រវាល មានអ្នកចូលរួមលេងយ៉ាងពពាក់ពពូន ទីតាំងនៅចំណុចចម្ការកៅស៊ូ ក្នុងភូមិអន្លង់ជ្រៃឃុំកក់ ស្រុកពញាក្រែក លេងដោយសេរី សមត្ថកិច្ចពាក់ព័ន្ធក្នុងខេត្តត្បូងឃ្មុំមិនខ្វល់ពីអានុសាសន៍សម្តេចតេជោ ហ៊ុន សែន បានចេញចរាចរណ៍ថ្មីៗនេះ ឲ្យបិទល្បែងគ្រប់ប្រភេទទូទាំងប្រទេសបែរជាម្ចាស់កាស៊ីណូចក្រវាលហ៊ានផ្គើនប្រមុខថ្នាក់នាំកម្ពុជាទៅវិញ។
ហេតុនេះហើយទើបប្រជាពលរដ្ឋអំពាវនាវឲ្យលោក ម៉ុន មាគ៌ា ស្នងការដ្ឋាននគរបាលខេត្តត្បូងឃ្មុំ និងលោក ជាម ចន្ទសោភ័ណ្ឌ អភិបាលខេត្តត្បូងឃ្មុំចាត់វិធានការបង្ក្រាបល្បែងភ្នាល់ស៊ីសងខុសច្បាប់នៅចំណុចចំការកៅស៊ូក្នុងភូមិអន្លង់ជ្រៃឃុំកក់ស្រុកពញ្ញាក្រែកខេត្តត្បូងឃ្មុំជាបន្ទាន់ជៀសវាងកេីតអំពើហឹង្សាក្នុងគ្រួសារនិងចោរកម្មផ្សេងៗដូចជាលួចឆក់ប្លន់មកពីដើមចោមល្បែងស៊ីសងទាំងនេះ។
តាមប្រភពខ្លះបានឲ្យដឹងថាបើគ្មានការបើកដៃពីមន្ត្រីអាជ្ញាធរនិងសមត្ថកិច្ចននគរបាលថ្នាក់ស្រុកនោះទេ មិនអាចបើកល្បែងបញ្ជល់មាន់បៀអាប៉ោងភ្នាល់លេងស៊ីសងខុសច្បាប់តាមកទំនើងចិត្ត សមត្ថកិច្ចពាក់ព័ន្ធក្នុងត្បូងឃ្មុំធ្វើមិនដឹងមិនឬអ្វីទាំងអស់ ។
ដូច្នេះលោក ម៉ុន មាគ៌ា ស្នងការដ្ឋាននគរបាលខេត្តត្បូងឃ្មុំ មិនគួរបណ្តែតបណ្តោយតទៅទៀតនោះទេ ព្រោះល្បែងភ្នាល់ស៊ីសងខុសច្បាប់ក្នុងភូមិអន្លង់ជ្រៃឃុំកក់ស្រុកពញាក្រែកខេត្តត្បូងឃ្មុំកំពុងតែធ្វើឲ្យប៉ះពាល់យ៉ាងខ្លាំងដល់បងប្អូនពលរដ្ឋរស់នៅក្នុងមូលដ្ឋាន ។
មានការរិះគន់ចំៗថាចាប់តាំងពីលោក ម៉ុន មាគ៌ា ចូលកាន់តំណែងជាស្នងការដ្ឋាននគរបាលខេត្តត្បូងឃ្មុំគឺមិនសូវយកចិត្តទុកដាក់បង្ក្រាបល្បែងស៊ីសងដូចជាបញ្ជល់មាន់បៀអាប៉ោងនិងកន្ទុយលេខដើម្បីពង្រឹងសន្តិសុខសង្គមនោះទេ។
ដូច្នេះថ្នាក់ដឹកនាំក្រសួងមហាផ្ទៃនិងនាយឧត្តមសេនីយ៍ នេត សាវឿន អគ្គស្នងការនគរបាលជាតិមិនគួរមើលរំលងភាពអសកម្មរបស់លោកម៉ុនមាគ៌ាស្នងការដ្ឋាននគរបាលខេត្តត្ត្បូងឃ្មុំទៀតឡើយ៕
