ឈ្មោះ តាល់ បើកល្បែងភ្នាល់ទឹកភ្លៀង បៀអាប៉ោង និងយូគី យ៉ាងពេញបន្ទុក ក្នុងក្រុងបាត់ដំបង រីឯលោក សាត គឹម សាន ស្នងការដ្ឋាននគរបាលខេត្តបាត់ដំបង និង លោក សុខ លូ អភិបាលខេត្តបាត់ដំបង រក្សាភាពស្ងៀម ស្ងាត់ទៅវិញ ?

ប្រជាពលរដ្ឋរស់នៅ ភូមិអញ្ចាញ សង្កាត់អូរចារ ក្រុងបាត់ដំបង បានបញ្ជាក់ឲ្យដឹងថា បុគ្គលឈ្មោះ តាល់ បើកល្បែងភ្នាល់ទឹកភ្លៀង បៀ អាប៉ោង និងយូគី យ៉ាងពេញទំហឹង ហើយមន្រ្តីអាជ្ញាធរ និងសមត្ថកិច្ចពាក់ព័ន្ធ ក្នុងខេត្តបាត់ដំបង មិនហ៊ានប៉ះពាល់មេល្បែងស៊ីសងឈ្មោះ តាល់ នោះទេ ព្រោះសម្ងំទទួលផលប្រយោជន៍ ជាថ្នូរមិនបង្រ្កាប។

ដូច្នេះហើយទើបប្រជាពលរដ្ឋ ក្នុងភូមិអញ្ចាញសង្កាត់អូរចារ អំពាវនាវដល់ លោក សាត គឹមសាន ស្នងការដ្ឋាននគរបាលខេត្តបាត់ដំបង និងលោក សុខ លូ អភិបាលខេត្តបាត់ដំបង ចាត់វិធានការបង្រ្កាប ល្បែងភ្នាល់ទឹកភ្លៀងស៊ីសងខុសច្បាប់ របស់ឈ្មោះ តាល់ ជាបន្ទាន់ ដើម្បីឲ្យស្របតាមគោលនយោបាយ ភូមិ ឃុំ មានសុវត្ថិភាព 7ចំណុច ដែលដាក់ចេញដោយក្រសួងមហាផ្ទៃ។

មជ្ឈដ្ឋានខាងក្រៅ.! និងប្រជាពលរដ្ឋ នៅភូមិអញ្ចាញ សង្កាត់អូរចារ ក្រុងបាត់ដំបង បានឲ្យដឹងថា ចាប់តាំងពីដើមខែមីនា ឆ្នាំ2022 រហូតមកដល់ពេលនេះ ក្នុងមូលដ្ឋានពួកគាត់តាំងកើតមានល្បែងស៊ីសងច្រើនប្រភេទ ដំណើរការយ៉ាងរលូន។

តាមការកត់សម្គាល់ពីប្រជាពលរដ្ឋ បានឲ្យដឹងថា ជារៀងរាល់ឆ្នាំ បុគ្គលឈ្មោះ តាល់ តែងតែបើកល្បែងភ្នាល់ទឹកភ្លៀង និងល្បែងស៊ីសងផ្សេងៗទៀត ចាប់ពីអំឡុងដើមខែឧសភា ដើមរដូវវស្សា ចាប់ផ្ដើមធ្លាក់ភ្លៀង។

ប៉ុន្តែនៅក្នុងឆ្នាំ2022 នេះឈ្មោះ តាល់ បើកល្បែងភ្នាល់ទឹកភ្លៀង ក៏ដូចជាល្បែង បៀ អាប៉ោង យូគី ចាប់តាំងពីដើមខែមីនា ហើយកំពុងតែដំណើរការយ៉ាងរលូន ទាំងនៅក្នុងសង្កាត់អូរចារ និងសង្កាត់ផ្សេងៗទៀតក្នុងក្រុងបាត់ដំបង។

ជារៀងរាល់ថ្ងៃមានអ្នកចូលរួមលេងល្បែងភ្នាល់ទឹកភ្លៀង បៀ អាប៉ោង យូគី យ៉ាងពពាក់ពពូន ដោយមិនខ្លាចជំងឺឆ្លងរាលដាលអ្វីនោះទេ ហើយមន្រ្តីអាជ្ញាធរ និងសមត្ថកិច្ចមូលដ្ឋាន ធ្វេីមិនដឹងមិនឬអ្វីទាំងអស់។

ប្រជាពលរដ្ឋបានអំពាវនាវឲ្យថ្នាក់ដឹកនាំក្រសួងមហាផ្ទៃ និងនាយឧត្ដមសេនីយ៍ នេត សា វឿន អគ្គស្នងការនគរបាលជាតិ ចាត់មន្រ្តីពាក់ពន្ធ័ក្នុងខេត្តបាត់ដំបង ចុះស្រាវជ្រាវឲ្យបានស៊ីជម្រៅ នៅទង្វើរបស់បុគ្គល ឈ្មោះ តាល់ បេីកល្បែងភ្នាល់ទឹកភ្លៀងស៊ីសងខុសច្បាប់ នៅក្នុងក្រុងបាត់ដំបង ចាត់វិធានការបង្រ្កាបជាបន្ទាន់ ប្រកបដោយប្រសិទ្ធភាពខ្ពស់ និងពង្រឹងសន្តិសុខសង្គមជួនពលរដ្ឋក្នុងមូលដ្ឋាន។