នាព្រឹកថ្ងៃពុធ ទី១៣ ខែកក្កដា ឆ្នាំ២០២២ ត្រូវនិងថ្ងៃ១៥កេីត ខែអាសាឍ ឆ្នាំខាល ចត្វាស័ក ព.ស ២៥៦៦ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច រួមជាមួយ ឯកឧត្តម លោកជំទាវ លោក លោកស្រី និងមន្ត្រីរាជការ បានមូលមតិគ្នា នាំយកទៀនព្រះវស្សាប្រគេនព្រះសង្ឃគង់ចាំព្រះវស្សាអស់ត្រីមាស នៅចំនួន ៩វត្ត នៅខេត្តស្វាយរៀង ។
ពិធីនេះត្រូវបានរៀបចំឡើងនៅវត្តព្រៃឆ្លាក់ ស្ថិតនៅសង្កាត់ព្រៃឆ្លាក់ ក្រុងស្វាយរៀង ខេត្តស្វាយរៀង មានទាំងមន្ត្រីរាជការគ្រប់ស្ថាប័នពាក់ពន្ធ័ចូលរួមផងដែរ។
លោកជំទាវកិត្តិសង្គហបណ្ឌិត បានមានប្រសាសន៍ថា ៖ តាមនិយាមជាពុទ្ធទំនៀមរៀងដរាបមក ការចូលព្រះវស្សាមាននៅគ្រប់សម័យកាលនៃព្រះពុទ្ធអង្គទាំងអស់។ ដូច្នេះ ទំនៀមចូលព្រះវស្សានេះ មានជាប់រហូតមកដល់បច្ចុប្បន្ន ក្នុងមួយឆ្នាំធ្វើតែម្ដង តាមពុទ្ធបញ្ញត្តិ កាលណាព្រះភិក្ខុសង្ឃ បានគង់ចាំវស្សាគ្រប់ ៣ខែ ហើយមានសិទ្ធទទួលកឋិនអំពីពុទ្ធបរិស័ទដែលបាននាំយកមកប្រគេនពីគ្រប់ទិសទី។
ហេតុនេះ ការចូលព្រះស្សានៃភិក្នុងសង្ឃ ក្នុងន័យការពារទប់ស្កាត់ ការនិមន្តទៅកាន់ទីផ្សេងៗ នាំឱ្យមានការពោលតិះដៀលពីជនដទៃ ក្នុងរដូវខែមានភ្លៀងធ្លាក់ជោកជាំ ការហាមប្រាមនេះ ព្រោះថា សម័យបុរាណ ព្រះសង្ឃពុំមានវត្តអារាមដូចបច្ចុប្បន្នកាលនេះទេ ច្រើនតែទៅ គង់ក្នុងព្រៃជ្រៅធ្វើសំណាក់ធម៌។
លោកជំទាវបានបន្តទៀតថា ពិធីនេះអាចប្រព្រឹត្តទៅបាន ដោយសាតែប្រទេសជាតិមាន សុខសន្តិភាពពេញលេញ ក្រោមការដឹកនាំប្រកបដោយកិត្តិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន បានដឹកនាំប្រទេសឲ្យមានការអភិវឌ្ឍ និងមានការរីកចម្រើនលើគ្រប់វិស័យ ក្នុងនោះវិស័យព្រះពុទ្ធសាសនាក៏មានការរីកចម្រើនគួរឲ្យកត់សម្គាល់ផងដែរ។
ចំណែកឯទឹកចិត្តសទ្ធាជ្រះថ្លានាថ្ងៃនេះបានកើតឡើងចេញពីការរួមសាមគ្គីពីសំណាក់ ឯកឧត្តម លោកជំទាវ ឧកញ៉ា លោក លោកស្រី ទាំងអស់គ្នានេះ គឺបានចូលរួមចំណែកយ៉ាងសំខាន់ជាមួយរាជរដ្ឋាភិបាលក្នុងការលើកស្ទួយវិស័យព្រះពុទ្ធសាសនានៅកម្ពុជាឲ្យកាន់តែរីកចម្រើនបន្ថែមទៀត ។
ទេយ្យទានដែលបានវេរ និងប្រគេនដល់ព្រះសង្ឃដល់ទាំង ៩វត្ត ក្នុងថ្ងៃនេះ រួមមាន៖ បច្ច័យ ២លានរៀល ទៀនធំ ១គូរ ស្លាដក់ ១ អង្គរ ៧៥គីឡូក្រាម ទឹកក្រូច ៥កេស ទឹកសុទ្ធ ៥កេស ទឹកត្រី ២យួរ ទឹកស៊ីអីវ ២យួរ ត្រីខកំប៉ុង ១កេសធំ ទឹកដោះគោ ១០កំប៉ុង ស្ករស ៥គីឡូក្រាម ប៊ីចេង ២គីឡូក្រាម ទៀនតូច ២គីឡូក្រាម ធូប ២ដុំ ខ្ទឹមស ២គីឡូក្រាម តែ ៦កញ្ចប់ អំបិល ២គីឡូក្រាម សៀង ២គីឡូក្រាម ឆៃប៉ូវ ២គីឡូក្រាម ម៉ាស់ ១កេស ជែល ១កេស នំអន្សម ៥ ផ្លែឈើ ១កន្ត្រក បច្ច័យ ២លានរៀល ព្រះសង្ឃ ៤៤អង្គ ក្នុង ១អង្គ បច្ច័យ ៤ម៉ឺនរៀល ៕
មណ្ឌលគីរី ÷ មន្ត្រីអង្គការក្រៅរដ្ឋាភិបាលឃ្លាំមើលបទល្មើសព្រៃឈើក្នុងខេត្តមណ្ឌលគីរី បានបញ្ជាក់ថា នៅពេលថ្មីៗនេះ មេឈ្មួញចាស់វស្សារូបនេះ ក្រៀងគរបក្សពួករបស់ខ្លួនឲ្យចូលកាប់បំផ្លិចបំផ្លាញព្រៃឈើខុសច្បាប់ ផ្ដួលរំលំ អារ ជៀរ មុខកាត់ធំៗ ក្នុងជម្រកដែនអភិរក្សសត្វព្រៃ សមត្ថកិច្ចអាវុធហត្ថខេត្ត និងសមត្ថកិច្ចមន្ត្រីអាជ្ញាធរពាក់ព័ន្ធ មិនចាត់វិធានការបង្ក្រាប សម្ងំទទួលផលប្រយោជន៍ជាថ្នូរ។
ឥឡូវបច្ចុប្បន្ននេះ មេឈ្មួញឈើឈ្មោះ រិទ្ធិ និងឈ្មោះ ភារម្យ ប្តូរមកដឹកជញ្ជូនបទល្មេីសព្រៃឈើ តាមប្រភេទរថយន្តប៉ែនធំៗ និងរថយន្តធុនដ្រាវិញម្តង .! ចេញពីស្រុកកោះញ៉ែកនិងស្រុកពេជ្រា ឆ្លងដែនទៅ លក់ស្រុក យួន តាមច្រកទ្វារអន្តរជាតិដាក់ដាំ យ៉ាងពេញបន្ទុក មួយរយៈចុងក្រោយ ឈ្មួញឈើពីរូបនេះ មាន ទំនាក់ទំនង ជិតស្និទ្ធ ជាមួយ មន្ត្រី រដ្ឋបាលព្រៃឈើ និងសមត្ថកិច្ច ពាក់ព័ន្ធ ក្នុង ខេត្ត មណ្ឌលគិរី ទើបហ៊ានធ្វើអ្វីៗតាមអំពើចិត្ត។
ហេតុនេះ លោក យូ សុធា នាយ ប៉ុស្តិ៍ នគរបាលអន្តោប្រវេសន៍ ច្រកទ្វារ អន្តរជាតិ ដាក់ ដាំ ជាអ្នកមានសិទ្ធិអំណាច ខ្លាំងជាងគេក្នុងការ បើកដៃ ឲ្យឈ្មួញឈ្មោះ រិទ្ធ និងឈ្មួញឈ្មោះ ភារម្យ ព្រមទាំងឈ្មួញ ដទៃទៀត ដឹកជញ្ជូន ឈើ ប្រណីតខុសច្បាប់ ទៅ លក់ស្រុក យួន ទាំងយប់ទាំងថ្ងៃ ដោយឡែកប្រធានមន្ទីរកសិកម្មខេត្តមណ្ឌលគីរី និងប្រធានបរិស្ថានខេត្តមណ្ឌលគីរី ជាអ្នកបេីកភ្លេីងខៀវ ។
ការដែល មេឈ្មួញឈើឈ្មោះ រិទ្ធិ និងឈ្មួញឈ្មោះ ភារម្យ ហ៊ាន ធ្វើ អ្វីៗ តាមទំនើងចិត្ត គឺ ដោយសា រអាង មាន លោក ឡោ សុខា ស្នងការ ដ្ឋាននគរបាល ខេត្ត មណ្ឌលគិរី ជា ខ្នងបង្អែក ដ៏ រឹងមាំ ក្នុងខណៈពេលដែលលោក ហែម បូ ណា រ៉ែ ល មេបញ្ជាការ កង រាជ អាវុធហត្ថ ខេត្ត មណ្ឌលគិរី រក្សា ភាព ស្ងៀមស្ងាត់ ។
បញ្ហានេះ លោក ថង សា វុន អភិបាលខេត្តមណ្ឌលគីរី និងលោក ឡោ សុខា ស្នងការ ដ្ឋាននគរបាល ខេត្ត មណ្ឌលគិរី គូរពិនិត្យឡេីងវិញខ្លះផង ភាពមិនប្រក្រតីរបស់លោក យូ សុធា នាយ ប៉ុស្តិ៍ នគរបាលអន្តោប្រវេសន៍ ច្រក ទ្វារអន្តរជាតិដាក់ ដាំ ជាអ្នកបើក បា រ៉ា ស់ ឲ្យមេឈ្មួញឈ្មោះ រិទ្ធិ និងឈ្មោះ ភារម្យ ដឹក ជញ្ជូន ឈើ ទៅ សស្រុកយួន យ៉ាងគំហុក មិនចាត់វិធានការបង្ក្រាបឡេីយ។
ដូច្នេះហើយ ប្រជាពលរដ្ឋ រស់នៅស្រុកកោះញ៉ែក និងស្រុកពេជ្រាដា ទើបមាន សេសេចក្តីអំពាវនាវដល់ នាយឧត្តមសេនីយ៍ សៅ សុខា មេបញ្ជាការប៉េអឹមកងរាជអាវុធហត្ថលើផ្ទៃប្រទេស និងជាគណៈកម្មការ ថ្នាក់ជាតិដើម្បី ទប់ស្កាត់ និង បង្ក្រាប បទល្មើស ធនធាន ធម្មជាតិ ដាក់ការស៊ីបអង្កេតស្រាវជ្រាវឲ្យបានស៊ីជម្រៅ ចំពោះក្រុម ឈ្មួញ ដឹក ជញ្ជូន ឈើ ទៅ ស្រុក យួន តាម ច្រក ទ្វារអន្តរជាតិដាក់ ដាំ ជាបន្ទាន់ .! ជៀសវាងព្រៃឈើដែលនៅសេសសល់បន្តិចបន្តួច ត្រូវវិនាសហិនហោចអស់ក្រោមស្នាដៃ មេឈ្មួញពីនាក់ ១ឈ្មោះ រិទ្ធិ ២ឈ្មោះ ភារម្យ ជាក់ជាពុំខាន់ឡើយ៕
