រតនគិរី ៖ មន្ត្រីអង្គការក្រៅរដ្ឋាភិបាលឃ្លាំមើលបទល្មើសព្រៃឈើក្នុងខេត្តរតនគីរី ឈ្មោះ ហ៊ូវ ជី វ៉ៃ និងគូរកនកំពុងដឹកជញ្ជូនឈើប្រណីត ចេញពីតំបន់ព្រៃការពារ ព្រៃអភិរក្ស ក្នុងស្រុកអណ្តូងមាស គ្មានច្បាប់អនុញ្ញាតឆ្លងដែន យកទៅលក់ស្រុកយួនរាល់ថ្ងៃ តាមច្រកតំបន់អូរសាថី ស្ថិតក្នុងដែនសមត្ថកិច្ច ប៉ុស្តិ៍នគរបាលការពារលេខ ៥០៧ ជាអ្នកបើកភ្លើងខៀវ ឲ្យឈ្មួញម្នាក់នេះ ទើបហ៊ានធ្វើអ្វីៗ តាមអំពើចិត្ត។
មជ្ឈដ្ឋានខាងក្រៅ! និងពលរដ្ឋ ក្នុងភូមិមាលូ ភូមិភិ ឃុំញ៉ាង ស្រុកអណ្តូងមាស បានឲ្យដឹងថា ឈ្មោះ ហ៊ូវ ជី វ៉ៃ និងបក្សពួកកំពុងធ្វើសកម្មភាព ដឹកជញ្ជូនឈើប្រណីតខុសច្បាប់ ឆ្លងដែនតាមប៉ុស្តិ៍នគរបាលការពារលេខ ៥០៧ គ្រប់គ្រងដោយលោក ខេន សា រិន ទាំងយប់ទាំងថ្ងៃ មិនចាត់វិធានការបង្ក្រាបនោះទេ សម្ងំទទួលលាភសក្ការះជាថ្នូរ។
ប្រភពសិទ្ធិនិងឈ្មួញឈ្មោះ ហ៊ូវ ជី វ៉ៃបានឲ្យដឹងថា ចាប់ពីចុងខែគុម្ភះឆ្នាំ២០២២ រហូតមកដល់បច្ចុប្បន្ន ឈ្មួញឈើម្នាក់នេះនិងបក្ខពួក បានប្រើប្រាស់រថយន្តប៉ាកុងកែច្នៃ ជាច្រើនគ្រឿងសម្រុកដឹកឈើ ពីព្រៃសហគមន៍ ភូមិចង ភូមិចាយ ក្នុងឃុំញ៉ាង និងចេញពីព្រៃដែនឧទ្យានជាតិវីរៈជ័យ ចំនុចអូរកាផា អូរដំបូក និងអូរកាយ៉ាក់ ដោយដឹកជញ្ជូនឈើកាត់តាមផ្លូវ ក្នុងក្រុមហ៊ុនឧកញ៉ាណាម៉ារ៉ាឌី បានសុខស្រួលបំផុត គ្មានរំខាន់ដល់ជំនាញសមត្ថកិច្ចពាក់ពន្ធ័ឡេីយ។
មេឈ្មួញឈ្មោះ ហ៊ូ ជី វ៉ៃ ប្រហែលមានខ្នងបង្អែករឹងមាំនៅក្នុងខេត្តរតនគិរី ហើយមើលទៅ បានជាហ៊ានកាប់បំផ្លាញព្រៃឈើ យ៉ាងរង្គាល ក្នុងស្រុកអណ្តូងមាស និងស្រុកតាវែងស្រុកវើនសៃ ស្រុកកូនមុំ ស្រុកលំផាត់ កំពុងប្រឈម និងសេចក្តីវិនាស រីឯសមត្ថកិច្ចពាក់ព័ន្ធ ធ្វើមិនដឹងមិនឬអ្វីទាំងអស់។
ជាងនេះទៅទៀត លោក ញែ៉ម សំ អឿន អភិបាលខេត្តរតនគិរី និងលោក ថាវ យ៉េន មេបញ្ជាការកងរាជអាវុធហត្ថខេត្តរតនគីរី និង លោកយិន ចំណាន ស្នងការដ្ឋាននគរបាលខេត្តរតនគិរី មិនគូរបណ្តែតបណ្ដោយឲ្យឈ្មួញឈើ ល្បីល្បាញខាងកាប់ព្រៃឈើ ឈ្មោះហ៊ូវ ជី វ៉ៃ ដឹកជញ្ជួនទៅលក់ស្រុកយួន ដោយសេរី គ្មានការទប់ស្កាត់ ពីប្រធានមន្ទីរកសិកម្ម និងមេព្រៃខេត្តរតនគិរី នោះទេ។
ប្រជាពលរដ្ឋនៅឃុំញ៉ាង ស្រុកអណ្តូងមាស អំពាវនាវដល់ លោកសាយ សំអាល់ រដ្ឋមន្ត្រីក្រសួងបរិស្ថាន និងនាយឧត្តមសេនីយ៍ សៅ សុខា ប្រធានគណៈកម្មការថ្នាក់ជាតិទប់ស្កាត់ និងបង្ក្រាបបទល្មើសធនធានធម្មជាតិ មេត្តាបើកការស៊ើបអង្កេតស្រាវជ្រាវ ព្រៃឈើនៅសេសសល់បន្តិចបន្តួច បេីមិនដូច្នោះនោះទេ ត្រូវវិនាសហិនហោចក្រោមស្នាដៃ ជំនួញឈើប្រណីតខុសច្បាប់ ទ្រង់ទ្រាយធំ របស់ឈ្មួញឈ្មោះ ហ៊ូវ ជី វ៉ៃ ក្នុងទឹកដីខេត្តរតនគិរីជាបន្ទាន់។
