ត្បូងឃ្មុំ ÷ សេចក្តីរាយការណ៍ពីអាជីវករដឹកទំនិញពីស្រុកយួនចូលមកខ្មែរពីខ្មែរទៅយួនបានឲ្យដឹងថាមានរថយន្តធំៗជាច្រើនគ្រឿងកំពុងសម្រុកដឹកទំនិញទាំងយប់ទាំងថ្ងៃជាប្រភពចំណូលរបស់មេប៉ុស្តិ៍ច្រកទា្វរព្រំដែនអន្តរជាតិត្រពាំងផ្លុងនឹងមន្ត្រីក្រោមឱវាទប៉ុណ្ណោះអង្គុយចាំរាប់ក្បាលឡានយកលុយដាក់ក្នុងហោប៉ៅយ៉ាងត្រជាក់ចិត្ត។
ហេតុនេះលោក នេត សាវឿន អគ្គស្នងការដ្ឋាននគរបាលជាតិមិនគូរបណ្តែតបណ្តោយភាពអសកម្មចំពោះលោកម៉ុនមាគ៌ាស្នងការដ្ឋាននគបាលខេត្តត្បូងឃ្មុំនិងមេប៉ុស្តិ៍ច្រកព្រំដែនអន្តរជាតិត្រពាំងផ្លុងជាអ្នករួមគំនិតឲ្យក្រុមឈ្មួញដឹកទំនិញចេញពីស្រុកយួនចូលមកខ្មែរយ៉ាងគំហុកក្នុងមួយថ្ងៃៗគ្មានការទប់ស្កាត់ឡើយ ។
មជ្ឈដ្ឋានខាងក្រៅឲ្យដឹងទៀតថាក្រុមអាជីវករបានត្អូញត្អែរពួកគាត់រកស៊ីសព្វថ្ងៃបានត្រឹមចិញ្ចឹមសមត្ថកិច្ចពាក់ព័ន្ធនៅព្រំដែនច្រកទ្វារត្រពាំងផ្លុងតម្រូវអោយបង់លុយក្នុងមួយរថយន្តសាន់យ៉ុងចាប់ពី១០ម៉ឺនរៀលទៅ១៥ម៉ឺនរៀលជាកំហិតរីឯរម៉កដឹកបន្លែផ្លែឈើបង់ចាប់ពី៥ម៉ឺនរៀលទៅ៨ម៉ឺនរៀលតាមដឹកតិចឬច្រើនបើមិនបង់តាមការកំណត់ទេនោះរថយន្តរ៉ឺម៉កត្រូវចាប់ទុក្ខរងចាំដោះស្រាយពេលក្រោយ។
ប្រភពស្និទ្ធនឹងលោកមេបុស្តិ៍ច្រកទ្វារព្រំដែនត្រពាំងផ្លុងបានទម្លាយថាធ្វើអ្វីៗតាមអំពើចិត្តដោយសារមានខ្នងបង្អែករឹងមាំនៅស្នងការដ្ឋាននគរបាលខេត្តត្បូងឃ្មុំចាំជួយបិទបាំងរឿងអាស្រូវពុករលួយរបស់មេប៉ុស្តិ៍ច្រកព្រំដែនអន្តរត្រពាំងផ្លុងទេីបរក្សាតំណែងបានយូរ។
ក្រុមឈ្មួញទាំងតូចទាំងធំ អំពាវនាវដល់ លោក នេត សាវឿន អគ្គស្នងការនគរបាលជាតិគូរពិនិត្យឡើងវិញជាបន្ទាន់ចំពោះលោកមេប៉ុស្តិ៍ច្រកព្រំដែនអន្តរជាតិត្រពាំងផ្លុងកំពុងសប្បាយចិត្តប្រមូលលុយបែបអំពើពុករលួយធ្វើអោយបាត់បង់ថវិការដ្ឋក្នុងមួយឆ្នាំៗមិនខ្វល់អ្វីទាំងអស់៕
