សេចក្តីរាយការណ៍ពី ប្រជាពលរដ្ឋ រស់នៅសង្កាត់ទឹកល្អក់៣ ខណ្ឌទួលគោក រាជធានីភ្នំពេញ បានបញ្ជាក់ប្រាប់ ភ្នាក់ងារព័ត៌មានយើងដឹងថា ទីតាំងជិតម៉ុង់ឌីយ៉ាល់ ដំណើរការបើកលេង យូរណាស់មកហើយ ដូចជា ល្បែងបញ្ជាល់មាន់ បៀរ អាប៉ោង គឺរបស់ឈ្មោះ វិសាល ប៉ុន្តែ អាជ្ញាធរ មូលដ្ឋាន មានសមត្ថកិច្ច មិនហ៊ានបង្ក្រាប ធ្វេីមិនដឹងមិនឮអ្វីទាំងអស់ ។
មជ្ឈដ្ឋានខាងក្រៅបញ្ជាក់ថា ឈ្មោះ វិសាល ជាម្ចាស់បនល្បែងគ្រៀងគរ ឲ្យអ្នកញៀនល្បែងចូលលេងយ៉ាងពពាក់ពពូន ហើយប្តូរទីតាំងបញ្ជាល់មាន់គ្រប់ច្រកល្ហក ដេីម្បីបំភ័ន្តភ្នែកអ្នកការសែត មិនខ្លាចឆ្លងជំងឺកូវីដ ១៩ បំប្លែងខ្លួនថ្មី ហៅថាអូមីក្រុងនោះទេ រីឯសមត្ថកិច្ចពាក់ព័ន្ធក្នុងក្រុងភ្នំពេញ សម្ងំទទួលផលប្រយោជន៍ ជាថ្នូរមិនបង្ក្រាប។
ហេតុនេះ លោក នេត សាវឿន អគ្គស្នងការដ្ឋាននគរបាលជាតិ មិនគួរមេីលរំលងភាពអសកម្ម របស់លោក អធិការដ្ឋាននគរបាលខណ្ឌទួលគោកបណ្តោយឲ្យឈ្មោះ វិសាល លេងល្បែងបញ្ជាល់មាន់យ៉ាងគគ្រឹកគគ្រេង ពីមួយថ្ងៃទៅមួយថ្ងៃគ្មានការទប់ស្កាត់បង្ក្រាប ទុកឲ្យលេងតាមអំពេីចិត្ត។
ពលរដ្ឋក្នុងសង្កាត់ទឹកល្អក់៣ ខណ្ឌទួលគោក បានសម្ដែងក្ដីព្រួយបារម្ភ យ៉ាងខ្លាំងចំពោះបញ្ហាសន្តិសុខសង្គម និងបទល្មើសផ្សេងៗ កើតឡើងគូរឲ្យកត់សម្គាល់ ដូចជា ចោរកម្មគ្រប់ប្រភេទ លួច ឆក់ ប្លន់ និងគ្រឿងញៀនរីករាលដាលយ៉ាងគំហុក ក្នុងមូលដ្ឋានរបស់ខ្លួន។
ប្រជាពលរដ្ឋ ក្នុងសង្កាត់ទឹកល្អក់៣ ខណ្ឌទួលគោក អំពាវនាវ និងទទូចដល់ លោក ស ថេត ស្នងការដ្ឋានរាជធានីភ្នំពេញ និងលោក ឃួង ស្រេង អភិបាលក្រុងភ្នំពេញ ពិនិត្យឡើងវិញជាបន្ទាន់ ព្រោះល្បែងបញ្ជាល់មាន់ និងអាប៉ោង ស៊ីសងខុសច្បាប់ របស់ឈ្មោះ វិសាល កំពុងបើកលេងរាល់ថ្ងៃ នៅជិតមជ្ឈមណ្ឌលម៉ុង់ឌីយ៉ាល់ គ្មានសមត្ថកិច្ច ចាត់វិធានការបង្ក្រាបឡើយ៕
