រតនគិរី ÷ សេចក្តីរាយការណ៍ ពីប្រជាពលរដ្ឋ រស់នៅភូមិថ្មី ឃុំចាក់ទីង ស្រុកបកែវ បានអោយរស្មីឯករាជ្យ ដឹងថា ឈ្មោះ ថន ប៊ុន ធី ហៅធីបាញ់កំពុងគ្រៀងគរ ពួកញៀនល្បែងអោយចូលមកលេងភ្លូកទឹកភ្លូកដី ក្រោយពីជំងឺកូវីដ១៩ ធូរសះស្បើយមែនពិត ។
ក៏ប៉ុន្តែប្រមុខថ្នាក់នាំកម្ពុជាបានប្រកាសឲ្យបងប្អូនប្រជាពលរដ្ឋ មានការប្រុងប្រយ័ត្នខ្ពស់ចំពោះ ជំងឺបំន្លែងថ្មី ហៅ អូមីក្រុងកំពុងឆ្លងរីករាលដាល វៃលុកតាមសហគមន៍ គូរឲ្យភ័យខ្លាច បែរជាបក្សពួកនិងបុគ្គល ឈ្មោះ ធីបាញ់ ហ៊ានបើកឲ្យលេង ប្រឆាំងនិងបទបញ្ជារបស់ក្រសួងសុខាភិបាលទៅវិញ។
ជាក់ស្តែងពលរដ្ឋ រស់នៅជិតទីតាំងសង្វៀនបញ្ជាល់មាន់ បានបញ្ជាក់បន្ថែមទៀតថា ល្បែងស៊ីសងជាច្រើនប្រភេទ របស់ម្ចាស់ឈ្មោះ ធីបាញ់ មានបៀ អាប៉ោង យូគី ដែលកំពុងលេងរីករាលដាលយ៉ាងពេញបន្ទុក ។
គឺនាំឲ្យកើតមានបទល្មើសផ្សេងៗ ដូចជា អំពើចោរកម្ម អំពើហិង្សាក្នុងគ្រួសារ និងបទល្មើសជួញដូរ ចែកចាយ និងប្រើប្រាស់គ្រឿងញៀនគូរឲ្យកត់សម្គាល់ ដែលធ្វើឲ្យប៉ះពាល់យ៉ាងខ្លាំងដល់ សន្តិសុខសង្គម នាពេលបច្ចុប្បន្ន។
ហេតុនេះ នាយឧត្តមសេនីយ៍ នេត សាវឿនអគ្គស្នងការនគរបាលជាតិ មិនគូរមេីលរំលងភាពអសកម្ម របស់លោកយិន ចំណាន ស្នងការនគរបាលខេត្តរតនគីរី តទៅទៀតនោះទេ ព្រោះបុគ្គលឈ្មោះ ថន ប៊ុនធី ហៅធី បាញ់ អតីតមេឈ្មួញឈើដុះស្លែ នៅខេត្តក្រចេះ ស្រាប់ដល់ពេលបច្ចុប្បន្នឥឡូវ មករត់ការបង់លុយ អោយសមត្ថកិច្ចពាក់ព័ន្ធ ក្នុងខេត្តរតនគីរី ចាប់តាំងពីថ្នាក់ក្រោម រហូតដល់ថ្នាក់លើ ទើបបើកសង្វៀនបញ្ជាល់មាន់ បានយ៉ាងរលូន។
គូរបញ្ជាក់ផងដែរ ! អ្នកញៀនល្បែងភ្នាល់លេងស៊ីសងខុសច្បាប់ ដាក់លុយក្នុង១គូរៗ ចាប់ពី១០០០ដុល្លារ ទៅ២០០០ដុល្លារ ជាងនេះទៅទៀតនោះ មានអ្នកខ្លះលេងចាញ់លក់់ម៉ូតូ ឡាន និងគ្រឿងអលង្ការ និងទ្រព្យសម្បត្តិផ្សេងៗថែមទាំងដល់ផ្ទះប្រើអំពើហឹង្សាលើគ្រូសារទៀតផង។
ប្រជាពលរដ្ឋ រស់នៅ ភូមិថ្មី ឃុំចាក់ទីង ស្រុកបកែវ អំពាវនាវដល់ លោកញ៉ែម សំអឿន អភិបាលខេត្តរតនះគិរី និងលោក យិន ចំណានស្នងការដ្ឋាននគរបាលខេត្តរតនគីរី មេត្តាចាត់វិធានការ អោយមន្ត្រីក្រោមឱវាទចុះត្រួតពិនិត្យទីតាំងបញ្ជាល់មាន់ របស់លោក ថន ប៊ុន ធី ហៅ ធីបាញ់ជាបន្តបន្ទាន់៕
