តាមសេចក្តីរាយការណ៍ ពីប្រជាពលរដ្ឋ រស់នៅភូមិខ្ពបតាងួន ឃុំខ្ពបតាងួន ស្រុកស្ទឹងត្រង់ ខេត្ដកំពង់ចាម បានបញ្ជាក់ ប្រាប់អោយ រស្មីឯករាជ្យ ដឹងថាក្រុមអ្នកញៀនល្បែង តែងតែប្រមូលផ្តុំគ្នាលេងជារៀងរាល់ថ្ងៃ ចំណែកអាជ្ញាធរមូលដ្ឋានមានសមត្ថកិច្ចពាក់ព័ន្ធ មិនចាត់វិធានការបង្ក្រាបទុកអោយលេង តាមអំពេីចិត្ត។
ប្រភពពី អ្នកចូលលេងដល់ទីតាំងបញ្ជាល់មាន់ មានឈ្មោះ ពេក និង លោក ប៉ុម ជាម្ចាស់សង្វៀន បាននិយាយប្រាប់ អ្នកញៀនល្បែងថា ពួកគេបានបង់លុយឲ្យស្ថាប័នពាក់ពន្ធ័ តាំងពីថ្នាក់ក្រោម រហូតដល់ថ្នាក់លើ ជាថ្នូរមិនបង្ក្រាប។
ហេតុនេះលោក អ៊ុន ចាន់ ដា អភិបាលខេត្តកំពង់ចាម មិនគូរមើលរំលង តទៅទៀតនោះទេ អ្វីដែលសំខាន់គេសង្កេតឃើញថា បទល្មើសចោរកម្មក៏កើតឡេីង ដូចជាចោរឆក់ ចោរលួច ចោរប្លន់ គាស់ផ្ទះយកទ្រព្យសម្បតិ របស់បងប្អូនពលរដ្ឋ ក្នុងមូលដ្ឋានជាដើម គឺអាចកើតចេញពីក្រុមអ្នកញៀនល្បែងស៊ីសង បញ្ជាល់មាន់ បៀ អាប៉ោង នេះហើយមើលទៅ។
ប្រជាពលរដ្ឋបាន បញ្ជាក់បន្ថែមទៀតថា នៅក្នុងស្រុកស្ទឹងត្រង់ មួយរយៈប៉ុន្មានខែ កន្លងមកនេះកើតមានល្បែងស៊ីសង គូរឲ្យកត់សំគាល់ផងដែរ ហើយទីតាំងខ្លះត្រូវបានសមត្ថកិច្ច ធ្វើការបង្ក្រាបយកតែស្នាដៃ កន្លែងខ្លះក៍មិនទាន់បង្ក្រាប មូលហេតុមិនបង្ក្រាប មកពីសមត្ថកិច្ច ទទួលបានផលប្រយោជន៍ ពីម្ចាស់បនល្បែង ទើបសមត្ថកិច្ចស្ទឹងត្រង់ រក្សាភាពស្ងៀមស្កាត់ ។
បច្ចុប្បន្នក្រសួងសុខាភិបាល បានប្រកាសថាទោះបីជំងឺកូវីដ១៩ ធូរសះស្បើយមែនពិត ក៏ប៉ុន្តែជំងឺបំលែងថ្មី កំពុងឆ្លងរីករាលដាលយ៉ាងខ្លាំង បែរជាបុគ្គលពីរូប ១មានឈ្មោះ ពេក ២ឈ្មោះ
ប៉ុម ថ្លេីមធំហ៊ាន បើកសង្វៀនបញ្ជាល់មាន់ លេងដោយសេរី គ្មានសមត្ថកិច្ចពាក់ព័ន្ធក្នុងខេត្តប៉ះពាល់ឡើយ។
ប្រជាពលរដ្ឋ បានសណូមពរ ដល់លោកឧត្ដមសេនីយ៍ទោ ឯម កុសល ស្នងការខេត្ដកំពង់ចាម មេត្តាចុះពិនិត្យ និងបង្ក្រាប ទីតាំងដែលបើកល្បែងស៊ីសងនេះផង ដើម្បីឲ្យស្របតាមគោលនយោបាយភូមិ ឃុំ មានសុវត្ថិភាពទាំង៩ ចំណុច របស់រាជរដ្ឋាភិបាលកម្ពុជា ។
