កំពង់ចាម ÷ តាមការអះអាង របស់ប្រជាពលរដ្ឋ ទាំងប្រាំ៧ គ្រូសារ រស់នៅភូមិទូលព្រិច ឃុំមៀន ស្រុកព្រៃឈរ បានបញ្ជាក់អោយ រស្មីឯករាជ្យ ដឹងថា ដីដែលពួកគាត់ អាស្រ័យផល តាំងពីឆ្នាំ៧៩ រហូតដល់បច្ចុប្បន្ននេះ មានរយះពេល៤២ឆ្នាំ ពោលគឺតាំងពីផ្លូវលំបាកម្ល៉េះ.!
គ្រូសាររងគ្រោះ ពួកគាត់បានរៀបរាប់ ទាំងទឹកភ្នែកនិងអួលដើមក ថា ខំកាប់ឆ្ការ សំអាតព្រៃ ធ្លាប់ដាំពោត សណ្តែក ល្ង គ្មានអាជ្ញាធរមូលដ្ឋានពាក់ព័ន្ធ មកហាមឬសួរនាំទេ ដល់ពេលបច្ចុប្បន្ន ចន្លោះ ពេលថ្មីៗ ក្នុងឆ្នាំ២០២១ មានការអភិវឌ្ឍន៍ក្រាលកៅស៊ូ ស្រាប់តែអាជ្ញាធរភូមិឃុំ ថាពួកគាត់ហ៊ុមព័ទ្ធរបង យកដីសហគមន៍ ម្តងថាដីរដ្ឋ។
ដីដែលទំនាស់ មានទំហំចំនួន២ហិកតា ៣០a ក្រុមការងារ អ្នកសារព័ត៌មានយើង បានផ្តិតយករូបភាពផ្ទាល់ នៅព្រឹក ថ្ងៃទី២៣ ខែវិច្ឆិកា ឆ្នាំ២០២១ ម្តងទៀត មានបងប្អូនប្រជាពលរដ្ឋ ជាច្រើននាក់ ធ្វើការតវ៉ា និងអោយស្ថាប័នពាក់ព័ន្ធក្នុងខេត្តកំពង់ចាម ជួយរកដំណោះស្រាយ ជួនពួកគាត់ផង។
រឿងរ៉ាវដីទំនាស់ ចំរូងចំរ៉ល់ លោក សុខ ឈិន អតីតមេភូមិទូលព្រិចចាស់ បានចូលរួមហើយលើកឡើងថា គាត់នៅកាន់ជាមេភូមិ កាលសម័យឆ្នាំ១៩៨៦ ដល់ឆ្នាំ១៩៩៤ គាត់បានចាំប្រវត្តិដី ដែលប្រជាពលរដ្ឋ ទាំងប្រាំ៧គ្រូសារ បានកាន់កាប់អាស្រ័យផលនោះ ពិតប្រកដមែន ស្ថិតនៅក្នុង ភូមិព្រិច ឃុំមៀន ស្រុកព្រៃឈរ ខេត្តកំពង់ចាម។
ជាក់ស្តែងនៅព្រឹក ថ្ងៃទី២៤ ខែវិច្ឆិកា ឆ្នាំ២០២១ វេលាម៉ោង ៨ .០០ នាទីព្រឹក សាលាដំបូងខេត្តកំពង់ចាម បានចេញ ដីកាបង្គប់ឲ្យចូលខ្លួន ចំនួន៤នាក់ចូលបំភ្លឺ ក្នុងចំណោមប្រាំ៧គ្រូសារ ពាក់ពន្ធ័រឿងដីធ្លី ថាពួកគាត់ ហ៊ុមព័ទ្ធកាន់កាប់ដីព្រៃលិចទឹក បេីតាមក្រដាសដីកាបង្គាប់នៅភូមិកំពង់សំណាញ់ តែចំពោះប្រាំ៧គ្រូសារដែលរងគ្រោះជាច្រើននាក់ ថាដីទំនាស់ ក្នុងភូមិទូលព្រិចទៅវិញទេ។
កន្លងមកលោក ហៃ ផារ៉ា ចៅក្រុមសេុីបសួរសាលាដំបូងខេត្តកំពង់ចាម កាលពីថ្ងៃទី២០ ខែឧសភា ឆ្នាំ២០២១ តាមសណុំរឿងរក្សាការពារ លេខ ១៦ ចុះថ្ងៃទី០៤ ខែឧសភា ឆ្នាំ២០២១ សម្រេចចាត់ចែង ដីដែលទំនាស់ប្រជាពលរដ្ឋ ទាំងប្រាំ៧គ្រូសារ ធ្លាប់អាស្រ័យផលនោះ ជាបណ្តោះអាសន្ន អោយចូលបំភ្លឺ ចំនួន៤នាក់១ ឈ្មោះ ចឹក ហ៊ន់ ២ឈ្មោះ ចឹក ឈឿន ៣ ឈ្មោះ ចឹក ហេង ៤ចឹក ពៅ ម្តងរួចទៅហើយ បានដាក់បន្ទុកថា ពួកគាត់ហ៊ុមព័ទ្ធរបងយកដីរដ្ឋ ។
បេីយោងតាមអនុសាស្ត្រ របស់សម្តេច តេជោ ហ៊ុន សែន ដីដែលប្រជាពលរដ្ឋ អាស្រ័យផល លើស ពី៥ឆ្នាំ ឡើងទៅម៉េចមិនប្រកាច់ចែក ជួនប្រជាពលរដ្ឋយើងទៅ ជាពិសេស អាជ្ញាធរភូមិឃុំ ហាក់បីដូចជាមិនអើពើយកចិត្តទុកដាក់លើប្រជាពលរដ្ឋខ្លួនឯង មិនព្រមចុះវាស់អោយពួកគាត់កាន់កាប់ ជាកម្មសិទ្ធិ បែរជាអូសប្រឡាយអោយរឿងដីធ្លី ទំនាស់រហូតដល់សព្វថ្ងៃនេះ។
ជុំវិញរឿងក្តីក្ដាន់ដ៏ចំរូងចំរ៉ាស់នេះ ប្រជាពលរដ្ឋ ប្រាំ៧គ្រូសារ រស់នៅភូមិទូលព្រិច ឃុំមៀន ស្រុកព្រៃឈរ សំណូមពរនិងទទូចដល់ ឯកឧត្តម អ៊ុន ចាន់ ដា អភិបាល ខេត្តកំពង់ចាម និងស្ថាប័នពាក់ព័ន្ធក្នុងខេត្តទាំងអស់ ជួយដោះស្រាយដល់ពួកគាត់ ដើម្បីជៀសវាងប៉ះទង្គិច រវាងកម្លាំងសមត្ថកិច្ច និងបងប្អូនប្រជាពលរដ្ឋ ទាំងប្រាំ៧គ្រូសារផងទាន៕
