កំពង់ចាម ÷ បើតាមការលើកឡើង របស់លោកចឹក ឈឿន តំណាងទាំងប្រាំ៧ គ្រូសារ រស់នៅភូមិទូលព្រិច ឃុំមៀន ស្រុកព្រៃឈរ បានបញ្ជាក់អោយ រស្មីឯករាជ្យ ដឹងថា ដីដែលពួកគាត់ អាស្រ័យផល តាំងពី៧៩ រហូតដល់បច្ចុប្បន្ន រយះពេល៤២ឆ្នាំ ពោលគឺតាំងពីផ្លូវលំបាកម្ល៉េះ.!
គ្រូសារដែលរងគ្រោះ ពួកគាត់រៀបរាប់ទាំងទឹកភ្នែកខំកាប់ឆ្ការសំអាតព្រៃ ធ្លាប់ដាំពោត សណ្តែក ល្ង ហេីយពួកគាត់បាននាំគ្នាលើកឡើងទៀតសោតថា បើគាត់មិនធ្លាប់កាន់កាប់ ក៍មិនចង់បាន១ម៉ែត្រដែរ ពេលនោះគ្មានអាជ្ញាធរស្ថាប័នពាក់ព័ន្ធ មកហាមឬសួរនាំទេ ដល់ពេលបច្ចុប្បន្ន ចន្លោះ ពេលថ្មីៗ ក្នុងឆ្នាំ២០២១ មានការអភិវឌ្ឍន៍ក្រាលកៅស៊ូ ស្រាប់តែអាជ្ញាធូរភូមិឃុំ ថាពួកគាត់ហ៊ុមព័ទ្ធរបងយកដីសហគមន៍ ម្តងថាដីរដ្ឋ។
ដីដែលទំនាស់ មានទំហំចំនួន២ហិកតា ៣០a ក្រុមការងារ អ្នកសារព័ត៌មានយើង បានផ្តិតយករូបភាពផ្ទាល់នៅល្ងាច ថ្ងៃទី១៨ ខែវិច្ឆិកា ឆ្នាំ២០២១ ខលទៅសម្ភាសន៍ទៅលោកសែ វណ្ណៈមេភូមិទូលព្រិច ឆ្លើយថាមិនដឹងទេ ព្រោះលោក ទើបមកកាន់ជាមេភូមិថ្មី នេះជាពាក្យដោះសារប្រងើយកន្តើយ របស់អាជ្ញាធរភូមិ។
រឿងរ៉ាវដីទំនាស់ចំរូងចំរ៉ល់ រវាងប្រជាពលរដ្ឋ ទាំងប្រាំ៧គ្រូសារ និងអាជ្ញាធរមូលដ្ឋាន រហូតដល់ថ្នាក់ឃុំ និងថ្នាក់ស្រុក អូសប្រឡាយ យូរឆ្នាំមកហើយ មិនទាន់សម្របសម្រួល បើកភ្លើងខៀវពីស្ថាប័នពាក់ព័ន្ធណាមួយនៅឡើយទេ រយះកាលកន្លងមក លោកជាង ហួ មេឃុំមៀនធ្លាប់អញ្ជើញពួកគាត់ទាំងប្រាំ៧គ្រូសារសំរុះសំរួល៤ដងទៅហើយ នៅតែមិនត្រូវរ៉ូវគ្នា។
លើកទី០១ អត់បានចុះលេខលិខិតអញ្ជើញ ឃ.ម នៅថ្ងៃទី១១ ខែមិនា ឆ្នាំ២០២១ លោក ជាង ហួ បានអញ្ជេីញ ឈ្មោះ ចឹក ពៅ មកសម្របសម្រួលតែម្នាក់ឯង លើកទី០២ លេខ ០៦/21ឃ.ម នៅថ្ងៃទី០៣ ខែមេសា ឆ្នាំ២០២១ មានឈ្មោះ លោកចឹក ហួត លោកចឹក ឈឺន លោកចឹក ឌឿន លោក ចឹក ចំរើន និងអ្នកស្រី ចឹក ហ៊ន់ អ្នកស្រី ចឹក ហេង ចឹក ស្រីពៅ អ្នកទាំងអស់គ្នា រស់នៅក្នុងភូមិទូលព្រិច ឃុំមៀន ស្រុកព្រៃឈរ ខេត្តកំពង់ចាម។
បានចូលខ្លួនតាមការអញ្ជើញ របស់លោក ជាង ហួ មេឃុំមៀន បានសម្របសម្រួល ថាពួកគាត់ទាំងអស់គ្នា ហ៊ុមព័ទ្ធរបងយកដីរដ្ឋ តាមពិតមិនដូច្នោះនោះទេ ពួកគាត់អះអាងថា អាស្រ័យផលកាន់កាប់យូរឆ្នាំមកហើយ លើកទី០៣ លិខិតអញ្ជើញមានលេខ១៦ ឃ.ម នៅថ្ងៃទី០៩ ខែមេសា ឆ្នាំ២០២១ លោក ជាង ហួ មេឃុំមៀន ដាក់លិខិតអញ្ជើញ ទាំងប្រាំ៧គ្រូសារ ចូលដោះស្រាយរឿងវិវាទដីធ្លី រវាងអាជ្ញាធរឃុំ និងប្រជាពលរដ្ឋ ប្រាំ៧គ្រូសារ មិនបានជាផ្លែផ្កានោះឡើយ។
លើកទី០៤. លេខ២៣.ឃម នៅថ្ងៃទី ០៥ ខែ ០៦ ឆ្នាំ២០២១ លោកជាង ហួ មេឃុំមៀនបានដាក់លិខិតអញ្ជើញចំនួនតែ៤នាក់ គឺអ្នកស្រី ចឹក ហេង ចឹក ហ៊ន់ ចឹក ឈឿន ចឹក ពៅ ចូលរួមផ្សព្វផ្សាយតាមដីកាសម្រេចរបស់ចៅក្រម ខេត្តកំពង់ចាម។
លោក ហៃ ផារ៉ា ចៅក្រុមស៊ើបសួរសាលាដំបូងខេត្តកំពង់ចាម កាលពីថ្ងៃទី២០ ខែឧសភា ឆ្នាំ២០២១ តាមសណុំរឿងរក្សាការពារ លេខ ១៦ ចុះថ្ងៃទី០៤ ខែឧសភា ឆ្នាំ២០២១ សម្រេចចាត់ចែង ដីដែលទំនាស់ប្រជាពលរដ្ឋ ទាំងប្រាំ៧គ្រូសារ ធ្លាប់អាស្រ័យផលនោះ ជាបណ្តោះអាសន្ន អោយចូលបំភ្លឺ ចំនួន៤នាក់១ ឈ្មោះ ចឹក ហ៊ន់ ២ឈ្មោះ ចឹក ឈឿន ៣ ឈ្មោះ ចឹក ហេង ៤ចឹក ពៅ ម្តងរួចទៅហេីយ បានដាក់បន្ទុកថា ពួកគាត់ហ៊ុមព័ទ្ធរបងយកដីរដ្ឋ ។
បើយោងតាមអនុសាស្ត្រ របស់សម្តេច តេជោ ហ៊ុន សែន ដីដែលប្រជាពលរដ្ឋ អាស្រ័យផល លើស ពី៥ឆ្នាំ ឡើងទៅម៉េចមិនប្រកាច់ចែក ជួនប្រជាពលរដ្ឋយើងទៅ ជាពិសេស អាជ្ញាធរភូមិឃុំ ហាក់បីដូចជាមិនអើពើ យកចិត្តទុកដាក់លើប្រជាពលរដ្ឋខ្លួនឯង មិនព្រមចុះវាស់អោយ ពួកគាត់កាន់កាប់ ជាកម្មសិទ្ធិ បែរជាបញ្ជួនរឿងទំនាស់ដីធ្លី អោយទៅថ្នាក់ខេត្ត អ្នកដោះស្រាយទៅវិញ។
ជុំវិញរឿងក្តីក្ដាន់ដ៏ចំរូងចំរ៉ាស់នេះ ប្រជាពលរដ្ឋ ប្រាំ៧គ្រូសារ រស់នៅភូមិទូលព្រិច ឃុំមៀន ស្រុកព្រៃឈរ សំណូមពរនិងទទូចដល់ ឯកឧត្តម អ៊ុន ចាន់ ដា អភិបាល ខេត្តកំពង់ចាម និងស្ថាប័នពាក់ព័ន្ធក្នុងខេត្តទាំងអស់ ដាក់ការស៊ើបអង្កេតឡើងវិញ ដើម្បីជៀសវាងប៉ះទង្គិច រវាងកម្លាំងសមត្ថកិច្ច និងបងប្អូនប្រជាពលរដ្ឋទាំងប្រាំ៧គ្រូសារផងទាន៕
