ត្បូងឃ្មុំ ÷ ប្រជាពលរដ្ឋ បានបញ្ជាក់ថា អធិការនគរបាលស្រុកមេមត់ មិនចាត់វិធានការបង្ក្រាបល្បែងស៊ីសងខុសច្បាប់ ដែលមានសង្វៀនបញ្ជល់មាន់ បៀរ អាប៉ោង យូគី គ្រប់ប្រភេទ អ្នកចូលរួមលេង យ៉ាងពពាក់ពពូន គ្មានរំខាន់ដល់សមត្ថកិច្ចពាក់ព័ន្ធ ក្នុងមូលដ្ឋានឡើយ ។
ឈ្មោះ លឹម និងឈ្មោះ វ៉ា ម្ចាស់សង្វៀន មានសិទ្ធិអំណាចប៉ុណ្ណាទៅ បានជាហ៊ានបើកដៃ អោយអ្នកញៀនល្បែងលេង រាល់ថ្ងៃនៅចំណុច ច្រកទ្វេភាគីព្រំដែនដា ហៅដូងប្រាំពីដើម ដោយសារផ្ទុះជំងឺកូវីដ ១៩ កាស៊ីណូ ដែលមានឈ្មោះ ផ្លាកយីហោ (៦៩ )ត្រូវបានបិទមួយរយៈ ឥឡូវបច្ចុប្បន្ននេះចាប់ផ្តើម បើកលេងយ៉ាង ពេញបន្ទុក។
ហេតុនេះហើយទើប ប្រជាពលរដ្ឋ អំពាវនាវឲ្យលោក ម៉ុន មាគ៌ា ស្នងការនគរបាលខេត្តត្បូងឃ្មុំនិងលោក ជាម ចន្ទសោភ័ណ្ឌ អភិបាលខេត្តត្បូងឃ្មុំ ចាត់វិធានការបង្ក្រាប ល្បែងស៊ីសងនៅចំណុចច្រកទ្វេភាគីដា ហៅដូងប្រាំពីដើម ក្នុងភូមិដា ឃុំដា ស្រុកមេមត់ ខេត្តត្បូងឃ្មុំ ជាបន្ទាន់។
តាមប្រភពខ្លះបានឲ្យដឹងថា បើគ្មានការបើកដៃពីមន្ត្រីអាជ្ញាធរនិងសមត្ថកិច្ចនគរបាល នោះទេ មិនអាចបើកល្បែងបញ្ជល់មាន់ បៀអាប៉ោង តាមអំពើចិត្តបានឡើយ។
ដូច្នេះលោក ម៉ុន មាគ៌ា ស្នងការនគរបាលខេត្តត្បូងឃ្មុំ មិនគួរបណ្តែតបណ្តោយតទៅទៀតទេព្រោះល្បែងស៊ីសង ក្នុងភូមិដា ឃុំដា ស្រុកមេមត់ខេត្តត្បូងឃ្មុំ កំពុងតែធ្វើឲ្យប៉ះពាល់យ៉ាងខ្លាំងដល់សន្តិសុខសង្គម។
ប្រជាពលរដ្ឋ រស់នៅជិតទីតាំង បញ្ជាល់មាន់ រិះគន់ចំៗ ថាចាប់តាំងពីលោក ម៉ុនមាគ៌ា ចូលកាន់តំណែងជា ស្នងការនគរបាលខេត្តត្បូងឃ្មុំ គឺមិនសូវយកចិត្តទុកដាក់ បង្ក្រាបល្បែងស៊ីសងដូចជាបញ្ជល់មាន់ បៀរ អាប៉ោង និងកន្ទុយលេខ ដើម្បីពង្រឹងសន្តិសុខសង្គមនោះទេ។
ដូច្នេះថ្នាក់ដឹកនាំក្រសួងមហាផ្ទៃនិងនាយឧត្តមសេនីយ៍ នេត សាវឿន អគ្គស្នងការនគរបាលជាតិ មិនគួរមើលរំលងភាពអសកម្មរបស់លោក ម៉ុន មាគ៌ា ស្នងការនគរបាលខេត្តត្បូងឃ្មុំ នោះឡើយ ៕
