ត្បូងឃុំ ៖ តាមសេចក្តីរាយការណ៍ពីប្រជាពលរដ្ឋរស់នៅជិតខ្សែបន្ទាត់ព្រំដែនច្រកទ្វេភាគីដាហៅដូងប្រាំពីដើមស្ថិតនៅភូមិដាឃុំដាស្រុកមេមត់បានបង្ហើបប្រាប់អោយភ្នាក់ងារព័ត៌មានយើងដឹងថា អ្នកញៀនល្បែងស៊ីសងខុសច្បាប់លេងយ៉ាងគគ្រឹកគគ្រេងក្នុងមួយថ្ងៃៗរីឯសមត្ថកិច្ចក្នុងមូលដ្ឋាន រក្សាភាពស្ងៀមស្ងាត់។
នៅវេលាម៉ោង ២ .៣០ នាទី រសៀល មានបុគ្គល ម្នាក់ ខលមកតាមរយះលេខ ទូរស័ព្ទ០៦៦ ៣៨ ០០ ៣៨ អះអាងថា លោកឯងម៉េចក៏យកឈ្មោះ ខ្ញុំមកផ្សាយ មានលុយណាបើកដល់កាស៊ីណូនោះ បើតាមការលើកឡើងរបស់ប្រជាពលរដ្ឋ នៅក្នុងឃុំដា ស្រុកមេមត់ ខេត្តត្បូងឃ្មុំ អតីតឈ្មោះ លឹម ធ្លាប់បើកលេងកន្លងមក ដោយសារផ្ទុះកូវីដ ១៩ ក៍ផ្អាកមួយរយៈ ឥឡូវបច្ចុប្បន្នម្ចាស់សង្វៀន ជាអ្នកលេងដដែលទេ។
ថ្មីៗនេះ ក្រុមអ្នកញៀនល្បែងចូលមកលេងមានទាំងរថយន្តទំនើបនឹងម៉ូតូជាច្រើនគ្រឿងរីឯអ្នកឈ្នះរាប់ពាន់រាប់ម៉ឺនដុល្លាស្រែកហ៊ោកញ្ជៀវសប្បាយត្រហឹងអឹងកងផ្អើលពេញក្នុងសង្វៀនបញ្ជាល់មាន់ កាលពីមុន កាស៊ីណូដាក់ ផ្លាកយីហោ (៦៩) ហៅច្រកដូងប្រាំពីដើម ប្រហែលអាជ្ញាធរមូលដ្ឋាននិងសមត្ថកិច្ចពាក់ព័ន្ធ ជាអ្នកបើកភ្លើងខៀវ ទើបអ្វីៗ រលូន ទៅបាន។
ប្រភពពីប្រជាពលរដ្ឋ ក្នុងមូលដ្ឋាននៃទឹកដីស្រុកមេមត់ពួកគាត់ព្រួយបារម្ភយ៉ាងខ្លាំងខ្លាចកើតជាចោរឆក់លួចប្លន់និងគ្រឿងញៀនរីករាលដាលគូរអោយកត់សម្គាល់ជាពិសេសនោះអ្នកចាញ់ឈានទៅដល់ បញ្ចាំ ឡាន ម៉ូតូ ប្លង់ដី និងទ្រព្យសម្បត្តិផ្សេងៗ ជាយថាហេតុអាចប្រើប្រាស់អំពើហិង្សាដល់គ្រូសារថែមទៀតផង។
ជាក់ស្តែងអ្នកញៀនល្បែងដែលធ្លាប់ចូលទៅលេងដល់ក្នុងកាស៊ីណូអត់ផ្លាកយីហោជាប់ព្រំប្រទល់រវាង កម្ពុជា វៀតណាម ច្រកទ្វេភាគីព្រំដែនដា ហៅដូងប្រាំពីដើម មានឈ្មោះ វ៉ា ជាម្ចាស់សង្វៀន ជាអ្នកសម្របសម្រួ អ្នកសារព័ត៌មាន កុំអោយមករំខាន់ ដល់អ្នកលេងយ៉ាងស្រួលបំផុត។
បើតាមការអះអាងបានបង្ហើបច្បាស់ថា ម្ចាស់បើកល្បែងស៊ីសងខុសច្បាប់ មានដូចជា ÷ បញ្ជាល់មាន់បៀរអាប៉ោងយូគីស្ថិតនៅចំណុចភូមិដាឃុំដាស្រុកមេមត់ខេត្តត្បូងឃ្មុំចំណែកសមត្ថកិច្ចពាក់ពន្ធ័ក្នុងខេត្តមិនចាត់វិធានការ បង្ក្រាបនោះទេ ទុកអោយលេងដោយសេរី។
សព្វថ្ងៃនេះ ប្រមុខថ្នាក់ដឹកនាំកម្ពុជាបានប្រកាសស្រែកក្តែងៗអោយបងប្អូនប្រជាពលរដ្ឋចូលរួមបន្តខិតខំថែទ្រាំសុខភាពនិងទប់ស្កាត់ជំងឺកូវីដ១៩ហាមមិនអោយប្រមូលផ្តុំជួបជុំគ្នាច្រើនបែរជាម្ចាស់បនល្បែង បញ្ជាល់មាន់ គ្រៀងគរមនុស្យជាច្រើននាក់ មកចូលលេង យ៉ាងរំភើយគ្មានសមត្ថកិច្ច ណាហ៊ានប៉ះពាល់ឡើយ ។
មហាជន បានរិះគន់ចំៗទៅលើទីតាំងល្បែងបញ្ជាល់មាន់ខាងលើនេះហាក់បីដូចមានខ្នងបង្អែករឹងមាំនៅពីក្រោយខ្នង ទើបហ៊ានបើកហ៊ានបិទតាមអំពើចិត្តឬមួយលោកអធិការដ្ឋាននគរបាលស្រុកមេមត់មិនចាត់វិធានការ បង្ក្រាបសម្ងំទទួល ផលប្រយោជន៍ ពីម្ចាស់បនល្បែង ទេដឹង។
ប្រជាពលរដ្ឋរស់នៅភូមិដាឃុំដាស្រុកមេមត់បានអំពាវនាវដល់លោក ជាម ចន្ទ័សោភ័ណ្ឌ អភិបាលខេត្តត្បូងឃ្មុំ នឹងលោក ម៉ុន មាគ៌ា ស្នងការដ្ឋាននគរបាលខេត្តត្បូងឃ្មំមេត្តាចាត់មន្ត្រីក្រោមឱវាទចុះពិនិត្យសង្វៀនបញ្ជាល់មាន់ច្រកទ្វេភាគីព្រំដែនដាហៅដូងប្រាំពីដើមជាបន្ទាន់ព្រោះថា បើសិនឆ្លងជំងឺកូវីដ១៩អ្នកណាជាអ្នកទទួលខុសត្រូវ ៕
