ក្រចេះ ÷ បើតាមប្រភពពី ប្រជាពលរដ្ឋ រស់នៅភូមិរវាង ឃុំស្វាយជ្រះ ស្រុកស្នួល សកម្មភាពដឹកជញ្ជូនឈើខុសច្បាប់ តាមប្រភេទ គោយន្តកែច្នៃ របស់ មេឈ្មួញ ឈ្មោះ តាបូរ ដឹកចេញពីក្នុងអភិរក្សដែនជម្រកសត្វព្រៃកែវសីមា នៅតែបន្តយកមកធ្វើសិប្បកម្ម ជារៀងរាល់ថ្ងៃ ដោយឡែក សមត្ថកិច្ចពាក់ព័ន្ធក្នុងខេត្តក្រចេះ សម្ងំទទួល ផលប្រយោជន៍ ជាថ្នូរមិនបង្ក្រាប។
មហាជនកំពុង ដាក់ជាចំងល់ និងសំនួរថា តើ មន្ត្រី ជំនាញ នៅក្នុងស្រុកស្នួល មានឆន្ទះ ក្នុងការបង្ក្រាប បទល្មើស ផលអនុផល ព្រៃឈើ ឬ ការពារព្រៃឈើ ពិតប្រាកដ ដែរទេ? បេីខ្លួនស៊ីប្រាក់ខែរដ្ឋ ត្រូវការពារសម្បត្តិរួមមែននោះ ហេតុ អ្វី បទល្មើស ដឹកជញ្ជូន ភ្លូកទឹកភ្លូកដី បែរជាមន្ត្រី ជំនាញ មានសមត្ថកិច្ច ក្នុងមូលដ្ឋាន មិនស៊ូវយកចិត្តទុកដាក់ ក្នុងការបង្ក្រាប ឬ តាបូរ បានបង់លុយ ជួនអស់ទេដឹង ?
ប្រភពបាន បង្ហើបទៀតថា ឈ្មោះ តាបូរ មានរោង សិប្បកម្ម កែច្នៃជាយូរខែយូរឆ្នាំមកហេីយ ដាក់ម៉ាស៊ីន រ៉ៃ សម្រាប់ជ្រៀកឈេី យកលក់អោយក្រុមហ៊ុនចិន ជាច្រើន កន្លែង ក្នុងទឹកដី ស្រុក ស្នួល បានយ៉ាងរលូន មិនរំខាន់ដល់លោក នួន ពៅ រតនា មេរដ្ឋបាលព្រៃឈើខេត្តក្រចេះនិង លោក ទ្រី សុភ័ក្រ ប្រធានមន្ទីរ កសិកម្មខេត្តក្រចេះ នោះទេ ព្រោះ បានទទួលបាន លាភសក្ការៈ ពីម្ចាស់រោងសិប្បកម្ម ហេីយមេីលទៅ ទេីបគេចផុតពីការបង្ក្រាប។
ប្រជាពលរដ្ឋ រស់នៅភូមិរវាង ឃុំស្វាយជ្រះ ស្រុកស្នួល សណូមពរដល់ លោក វ៉ា ថន អភិបាលខេត្តក្រចេះ និងលោក សាន ប៊ុន ថាន មេប៉េអឹមកងរាជអាវុធហត្ថខេត្តក្រចេះ មេតា្តបញ្ជាមន្ត្រីក្រោម ឱវាទ ត្រូវចុះ ត្រួតពិនិត្យ មិនគូរ បណែតបណ្តោយ អោយឈ្មោះ តាបូរ កាប់បំផ្លិចបំផ្លាញ ព្រៃឈើ យកមកធ្វេីសិប្បកម្ម តទៅទៀតនោះទេ បេីមិនដូច្នោះ ព្រៃឈើ នៅសេសសល់ បន្តិចបន្ទួត ត្រូវ វិនាស អស់ក្រោម ស្នាដៃ ឈ្មួញរូបនេះជាក់ជាពុំខាន់៕
