បើតាមសេចក្តី រាយការណ៍ពី ប្រជាពលរដ្ឋ រស់នៅភូមិកំពែង និងភូមិរជ្រៃ បានឲ្យដឹងថា បុគ្គលឈ្មោះ តា កុក ជាមេអាប៉ោងដ៍ល្បី និងឈ្មោះ ផល្លី ជាដង្ខៅល្បែងមាន់ជល់ដ៍ធំ អាចបើក លេងជារៀងរាល់ថ្ងៃខែឆ្នាំ គ្មានរំខាន់ដល់សមត្ថកិច្ចពាក់ពន្ឋ័។
ប្រភពបានបន្តទៀតថា សង្វៀនបញ្ជល់មាន់និងវង់អាប៉ោង បានដំណើរការយ៉ាងរលូន ដោយសារមានការបើកដៃពីនាយប៉ុស្តិ៍នគរបាលរដ្ឋបាលឃុំព្រែកប្រសព្វ និងលោក កាក់ មាស មន្ត្រីប៉ូលិសប្រចាំការនៅស្នាក់ការបណ្ដោះអាសន្នផ្សាកំពែង និងលោក ចាន់ សុផល្លា អធិការនគរបាលស្រុកព្រែកប្រសព្វ ផងដែរហើយមើលទៅ បានជាមិនចាត់វិធានការបង្ក្រាប។
ប្រជាពលរដ្ឋ រស់នៅក្នុងភូមិឃុំខាងលើពួកគាត់មានការព្រួយបារម្ភ អំពីសុខសុវត្ថិភាពប្រចាំថ្ងៃ ពលរដ្ឋព្រោះថានៅក្នុងទឹកដីនៃឃុំព្រែកប្រសព្វ ស្រុកព្រែកប្រសព្វពោពេញទៅដោយបនល្បែងសុីសងដ៏ធំទាំងពីរនេះ គឺកន្លែងបនល្បែងទី ១ នៅនឹងផ្ទះប្រជាពលរដ្ឋឈ្មោះ ធី ក្នុងភូមិអូរជ្រៃ ដែលមានមេអាប៉ោងឈ្មោះតា កុក ជាប្រធាន ។
ក្រុមអ្នកញៀនល្បែងតែងតែ លេងចល័តគ្រប់គោលដៅដេីម្បីបំភ័ន្តភ្នែក អ្នកការសែត ទី១ លេងនៅផ្លូវថ្នល់ទទឹង កន្លែងទី២ នៅជិតទូលចាមភូមិកំពែងខាងក្រោយប៉ុស្តិ៍នគរបាល របស់លោក កាក់ មាស កន្លែងទី ៣ នៅក្នុងភូមិអូរជ្រៃ ទីតាំងទាំងអស់ខាងលើនេះគឺបានក្តីសុខសប្បាយណាស់ព្រោះតែមានលោកនាយស្នាក់ការរងរបស់នគរបាលឃុំព្រែកប្រសព្វ លោកកាក់ មាស ជាអ្នកមើលថែ ។
ប្រភពបានបង្ហើប ប្រាប់ឲ្យដឹងទៀតថា កាលពីពេលកន្លងមកមានហេតុការណ៍ ចោរចូលគាស់ផ្ទះអាជីវករដែលលក់ដូរនៅទល់មុខនឹងប៉ុស្តិ៍ប៉ូលីសនេះតែម្ដង ហើយក៏មានឧស្សាហ៍បាត់ម៉ូតូស៊េរីថ្មីៗជាច្រើនគ្រឿង ហើយពុំដែលបានឃើញសមត្ថកិច្ចនគរបាលប្រចាំការនៅផ្សារកំពែងនេះធ្វើការបង្ក្រាប បានម្ដងណាឡើយ។
ប្រជាពលរដ្ឋ សណូមពរដល់ លោក វ៉ា ថន អភិបាលនៃគណៈអភិបាលខេត្តក្រចេះនិង លន់ សុផាត ស្នងការនគរបាលខេត្តក្រចេះ មេត្តាគូរពិនិត្យទប់ស្កាត់បង្ក្រាបរាល់បទល្មើសល្បែងស៊ីសងខុសច្បាប់ ទាំងនេះដែលកំពុងតែកើតឡើងយ៉ាងគំហុក។
ជាក់ស្តែង ល្បែងស៊ីសង នាំមកនៅសេចក្តីវិនាស អសន្តិសុខ អស្ថិរភាពសង្គម អំពើរហិង្សាគ្រួសារ ចោរកម្ម និងអំពើអបាយមុខផ្សេងៗដែលអាចធ្វើឲ្យប៉ះពាល់ដល់ប្រជាពលរដ្ឋនិងសង្គមទាំងមូលទៀតផង។
ពាក្យចាស់បានពោលថា ពេលឈ្នះមុខខ្លាញ់ពេលចាញ់មុខសេះ អស់តំរិះបើមិនរួចក៏ប្លន់ ប្រភពបានបញ្ជាក់ថា កន្លែងវង់អាប៉ោងរបស់តា កុក មួយថ្ងៃឈ្នះពី ១លានទៅ ២ លានរៀល កន្លែងមាន់ជល់របស់ឈ្មោះ ផល្លី មួយអាទិត្យលេង៤ ថ្ងៃ គឺថ្ងៃអង្គារថ្ងៃព្រហស្បតិ៍ ដើមថាន់ ពី ៦០ ម៉ឺនទៅ ២ លានរៀល។
ជាពិសេស ថ្ងៃសៅរ៍ និងអាទិត្យ ជាថ្ងៃធំដើមថាន់ ដាក់ភ្នាល់ចាប់ពី៥ លានរៀលទៅ ១០លានរៀល បើ វង់អាប៉ោងក្នុងកន្លែងបញ្ជល់មាន់នោះវិញ គឺលេងឈ្នះ ចាញ់ក្នុង១ថ្ងៃ ៗ រាប់ពាន់ឬម៉ឺនដុល្លារ ហើយមានអ្នកចូលរួមលេងល្បែងយ៉ាងពពាក់ពពូនមិនជំងឺកូវីដសោះឡើយ៕
