កណ្តាល ៖ តាមប្រជាពលរដ្ឋ រស់ នៅក្នុងភូមិកោះរកា ឃុំព្រែក អញ្ចាញ ស្រុកមុខកំពូល ខេត្ត កណ្តាល បានអំពាវនាវឱ្យលោក ម៉ៅ ភិរុណអភិបាលខេត្តកណ្តាល ចាត់វិធានការទប់ស្កាត់ករណី ឈ្មួញខួងទម្លុះផ្លូវជាតិលេខ ៦ និងចាក់ដីលុបបឹងយកធ្វើជា កម្មសិទ្ធិជាបន្ទាន់ ។
ការអំពាវនាវបែបនេះ បាន កើតឡើងក្រោយពេលអាជ្ញាធរ ស្រុកមុខកំពូល បើកដៃឱ្យឈ្មួញ ម្នាក់ខួងទម្លុះផ្លូវជាតិលេខ៦ ម្តុំ ស្ពានព្រែកតាមាក់ ហើយបូម ខ្សាច់លុបបឹងមួយកន្លែងនៅ ចំណុចបឹងគា ភូមិកោះរកា ឃុំ ព្រែកអញ្ចាញ ស្រុកមុខកំពូល យកធ្វើជាកម្មសិទ្ធិផ្ទាល់ខ្លួន ។
ប្រជាពលរដ្ឋបានអះអាងថា ប្រសិនបើគ្មានការឃុបឃិតពី មន្ត្រីអាជ្ញាធរឃុំព្រែកអញ្ចាញ និងមន្ត្រីអាជ្ញាធរស្រុកមុខកំពូល ទេនោះ គឺឈ្មួញមិនហ៊ានខួង ទម្លុះហើយបូមខ្សាច់លុបបឹង យកធ្វើជាកម្មសិទ្ធិដូចសព្វថ្ងៃនេះទេ ។
តាមការអះអាងរបស់ ប្រជាពលរដ្ឋភូមិកោះរកាបានឱ្យ ដឹងថា ចំណុចបឹងគាដែលឈ្មួញ បូមខ្សាច់ចាក់លុបយកធ្វើជាកម្ម សិទ្ធិឯកជននោះគឺជាបឹងបុរាណ ដែលអ្នកភូមិប្រើប្រាស់ទឹកធ្វើ ស្រែចម្ការស្រោចស្រង់ដំណាំ ប្រកបរបរកសិកម្មជាយូរមក ហើយ និងជាទីកន្លែងនេសាទ របស់អ្នកភូមិផងដែរ ។
ឥឡូវ នេះមានឈ្មួញខួងទម្លុះផ្លូវជាតិ លេខ ៦ បូមខ្សាច់ចាក់លុប បឹង នោះយ៉ាងកំរោលហើយមិន ឃើញមេឃុំព្រែកអញ្ចាញក៏ដូច ជាអភិបាលស្រុកមុខកំពូលចាត់ វិធានការនៅឡើយទេគឺឈ្មួញ នៅតែបន្តសកម្មភាពយ៉ាងរលូន។ ហើយបច្ចុប្បន្នបឹងដ៏ធំល្វឹងល្វើយ មើលស្ទើដាច់កន្ទុយភ្នែកត្រូវបាន គេបូមខ្សាច់លុបយកធ្វើជាកម្ម សិទ្ធិយ៉ាងស្រួលៗ ។
បើតាមប្រជាពលរដ្ឋភូមិ កោះរកាបានសុំអំពាវនាវអោយ លោក ម៉ៅ ភិរុណ អភិបាល ខេត្តកណ្តាលចាត់វិធានការទប់ ស្កាត់ជាបន្ទាន់ដើម្បីកុំឱ្យមន្ត្រី អាជ្ញាធរស្រុកមុខកំពូលនិង ឈ្មួញធ្វើអ្វីៗតាមអំពើចិត្តទៀត។
បើតាមប្រភពពីមន្ត្រីមន្ទីររ៉ែ និងថាមពលខេត្តកណ្តាលបានឱ្យ ដឹងថា ករណីឈ្មួញខួងទម្លុះផ្លូវ ជាតិលេខ ៦ បូមខ្សាច់ចាក់លុប បឹងក្នុងភូមិកោះរកា ឃុំព្រែក អញ្ចាញ ស្រុកមុខកំពូល គឺមាន ការឃុបឃិតបើកដៃពីសំណាក់ លោក ចក់ គង់ ប្រធានមន្ទីររ៉ែ និងថាមពលខេត្តកណ្តាលផង ដែរ ។
ផ្ទុយទៅវិញ លោក ស៊ុយ សែម រដ្ឋមន្ត្រីក្រសួងរ៉ែនិងថាម ពល គួរពិនិត្យមើលបញ្ហាខាង លើនេះជាបន្ទាន់ ព្រោះករណី ឈ្មួញខួងទម្លុះផ្លូវជាតិលេខ៦ បូមខ្សាច់ចាក់លុបបឹងគាយកធ្វើ ជាកម្មសិទ្ធិកំពុងធ្វើឱ្យប្រជាពល រដ្ឋក្នុងមូលដ្ឋានមានប្រតិកម្ម យ៉ាងខ្លាំង។ ចំណែកលោក តុង ស៊ីវមី អភិបាលស្រុកមុខកំពូល បែរជាឆ្លើយដោះសាយករួចខ្លួនថា រឿងខួងទម្លុះផ្លូវបូមខ្សាច់ នោះគឺមានការអនុញ្ញាតពីមន្ទីរ រ៉ែនិងថាមពលខេត្តកណ្តាល ។
មិនតែប៉ុណ្ណោះប្រជាពលរដ្ឋ បានលើកឡើងថា ប្រសិនបើ លោក ម៉ៅ ភិរុណ អភិបាលខេត្ត កណ្តាល និងលោក ស៊ុយ សែម រដ្ឋមន្ត្រីក្រសួងរ៉ែនិងថាមពលមិន ចាត់វិធានការទប់ស្កាត់ទេនោះ គឺលោក ចក់ គង់ ប្រធានមន្ទីរ រ៉ែនិងថាមពលខេត្តកណ្តាល បើកដៃឱ្យឈ្មួញធ្វើអ្វីៗស្រេចតែ អំពើចិត្ត ដែលគេសង្ស័យថា សង្ស័យតែលោកប្រធានសើម មាត់ត្រូវប៉ាន់ជាប្រចាំដឹងបានជា ស្ងប់សុខមិនដឹងមិនឮបែបនេះ ។
ដោយ ៖ ជ្រៃធំ
