ក្រចេះ ៖ បើតាមប្រភព ពីអង្គការក្រៅរដ្ឋាភិបាលឃ្លាំមើលបទល្មើសព្រៃឈើ ក្នុងខេត្តក្រចេះ កេីតមានគួរអោយកត់សម្គាល់ បានអោយ រស្មីឯករាជ្យ ដឹងថា ឈ្មួញឈ្មោះ ម៉ែ អាស្រួច ដឹកជញ្ជូនឈើ ទាំងយប់ទាំងថ្ងៃ ចេញពីតំបន់ដែនជម្រកសត្វព្រៃកែវសីមា និងឆ្លងកាត់ដែនជម្រកសត្វព្រៃភ្នំព្រិច ជាអ្នកបើកដៃអោយ ឈ្មួញរូបនេះ ដឹកមកស្តុកទុក្ខ ក្នុងផ្ទះរបស់ខ្លួន ។
រងចាំឈ្មួញឡេីងមកទិញ ឈ្មោះ ចែ នាង និង ឈ្មោះ ចែធូរ យកទៅលក់បន្តចូលខេត្តត្បូងឃ្មុំ និងខេត្តព្រៃវែង ជាប្រភពចំណូល ដល់លោក លន់ ប៊ុន ថុល មេប៉េអឹមកងរាជអាវុធហត្ថស្រុកស្នួល ជាពិសេសមេព្រៃថ្មពុក និងមន្ត្រីជំនាញ សមត្ថកិច្ចពាក់ព័ន្ធ មួយចំនួនក្នុងខេត្តក្រចេះ សម្ងំទទួលផលប្រយោជន៍ ពីមេឈ្មួញឈ្មោះ ម៉ែ អាស្រួច ហើយមើលទៅ ជាថ្នូរមិនបង្ក្រាប។
ជាក់ស្តែង នៅយប់ ថ្ងៃ១៨ ខែ០៩ ឆ្នាំ ២០២១ សកម្មភាព ដឹកជញ្ជូនព្រៃឈើ របស់មេឈ្មួញ ឈ្មោះ ម៉ែ អា ស្រួច ដឹកយកមកលាក់ទុកក្នុងព្រៃ ដើម្បីបំភ័ន្ត ភ្នែកអ្នកការសែតដល់ពេលយប់បន្តិច ដឹកជញ្ជូនយកមករក្សាទុក ក្នុងផ្ទះរបស់ខ្លួនយ៉ាងរំភើយ។
បទល្មើសព្រៃឈើដឹកជញ្ជូន របស់ឈ្មួញឈ្មោះ ម៉ែ អាស្រួច កើតមានជាយូរខែ យូរឆ្នាំមកហេីយ មិនដែលឃើញ អាជ្ញាធរមូលដ្ឋាន មានសមត្ថកិច្ច ពាក់ព័ន្ធ ក្នុងភូមិសំពោច ឃុំឃ្សឹម ស្រុកស្នួល ខេត្តក្រចេះ ចាត់វិធានវិធានការទប់ស្កាត់ បង្ក្រាបបទល្មើសព្រៃឈើ សោះឡេីយ ឬមួយសម្ងំចាំទទួលលាភសក្ការះ ពីឈ្មួញម្នាក់នេះទេដឹង បានជាទុក្ខអោយ សារាចរណ៍ដឹកជញ្ជួនឈើ យកទៅលក់តាមអំពើចិត្ត។
ក្រៅពីឈ្មួញ ឈ្មោះម៉ែ អាស្រួច ដឹកឈើខុសច្បាប់ នឹងឈ្មួញដ៏ទៃទៀត ដែលសកម្ម គឺត្រូវបានគេស្គាល់យ៉ាងច្បាស់ថា ឈ្មួញឈ្មោះ ចែ ធូរ ចែ នាង ប្រើប្រាស់ រថយន្តសាំយ៉ុង តែងតែមក ដឹកជញ្ជួនឈើរាល់ថ្ងៃ ចេញពីភូមិសំពោច ឃុំឃ្សឹម ស្រុកស្នួល ខេត្តក្រចេះ ដេីម្បីយកទៅចែកចាយ លក់បន្តចូលមកត្បូងឃ្មុំ និងខេត្តព្រៃវែង ដោយឡែក មេសង្កាត់រដ្ឋបាលព្រៃឈើថ្មពុក និងសមត្ថកិច្ច ជំនាញពាក់ព័ន្ធ តាមដងផ្លូវ មិនចាត់វិធានការបង្ក្រាប អោយប្រសិទ្ធភាពនោះទេ។
ជាក់ស្តែងនៅពេល ថ្មីៗនេះ មានរថយន្តសាំងយ៉ុង ជាច្រើនគ្រឿងរបស់ក្រុមឈ្មួញ ដឹកបទល្មើសព្រៃឈើ ឆ្លងកាត់ស្រុកស្នួល តាមបណ្តោយ ផ្លូវជាតិលេខ៧A បានយ៉ាងសុខស្រួលបំផុត គ្មានរំខាន់ដល់ លោក លន់ ប៊ុន ថុល មេប៉េអឹមកងរាជអាវុធហត្ថស្រុកស្នួល ទោះបីសារព័ត៌មាន ក្នុងស្រុកចុះផ្សាយ យ៉ាងណាក៍ដោយ សមត្ថកិច្ចពាក់ព័ន្ធក្នុងខេត្តក្រចេះ មិនចាត់វិធានការបង្ក្រាប បទល្មើសព្រៃឈើ នោះទេ កេីតឡេីងពេញបន្ទុក នៃដែនជម្រកសត្វព្រៃកែវសីមា និងស្រុកចិត្របុរី យ៉ាងគំហុក បែរជា លោក សាន ប៊ុន ថាន ធ្វេីមិនដឹងមិនឬអ្វីទាំងអស់។
ប្រជាពលរដ្ឋ អំពាវនាវ និងទទូចសណូមពរ ដល់នាយឧត្តមឧត្តមសេនីយ៍ សៅ សុខា មេបញ្ជាការកងរាជអាវុធហត្ថ លើផ្ទៃប្រទេស និងជាប្រធានគណៈកម្មាធិការថ្នាក់ជាតិទប់ស្កាត់ ធនធានធម្មជាតិ និងបង្ក្រាបបទល្មើសព្រៃឈើ ទូទាំងប្រទេស មេត្តាជួយរិតបណ្តឹងដល់ មន្ត្រីក្រោមឱវាទ អោយត្រួតពិនិត្យ ឈ្មួញល្បីឈ្មោះ ម៉ែ អាស្រួច នៅភូមិសំពោច ឃុំឃ្សឹម ស្រុកស្នួល កំពុងដឹកជញ្ជួនឈើ យកទៅលក់ បានយ៉ាងរលូន ចំណែក លោក សាន ប៊ុន ថាន មេប៉េអឹមកងរាជអាវុធហត្ថខេត្តក្រចេះ មិនចាត់មន្ត្រីក្រោមឱវាទ ចុះបង្ក្រាបមូលហេតុអ្វី.! បេីមិនដូច្នោះទេព្រៃឈើ ដែលនៅសេសសល់ បន្តិចបន្តួច ត្រូវវិនាសអស់ក្រោមស្នាដៃ មេឈ្មួញឈ្មោះ ម៉ែ អាស្រួច ជាក់ពុំខាន់ឡើយ៕
