ក្រចេះ ៖ តាមសេចក្តីរាយការណ៍ ពីប្រជាពលរដ្ឋ រស់នៅ ភូមិសំពោច ឃុំឃ្សឹម ស្រុកស្នួល បានអោយ រស្មីឯករាជ្យ ដឹងថាក្រុមឈ្មួញ ដឹកជញ្ជូនឈើ ទាំងយប់ទាំងថ្ងៃ ចេញពីតំបន់ដែនជម្រកសត្វព្រៃកែវសីម៉ា និងដែនជម្រកសត្វព្រៃភ្នំព្រិច ជាអ្នកបើកដៃអោយមេឈ្មួញ ចាស់វស្សាម្នាក់ ឈ្មោះម៉ែអាស្រួច កាប់បំផ្លិចបំផ្លាញព្រៃឈើ និងដឹកមកស្តុកទុក្ខក្នុងផ្ទះរបស់ខ្លួន រងចាំឈ្មួញឡើងមកទិញ លក់បន្តទៅខេត្តត្បូងឃ្មុំ និងខេត្តព្រៃវែង ជាប្រភពចំណូល សមត្ថកិច្ចក្នុងស្រុកស្នួល និងមន្ត្រីជំនាញពាក់ព័ន្ធ មួយចំនួនក្នុងខេត្តក្រចេះ បានជារក្សាភាព ស្ងៀមស្ងាត់ម្ល៉េះ។
ប្រភពពីមហាជនបាន រិះគន់ចំៗថា សកម្មភាព ដឹកជញ្ជូនព្រៃឈើ កើតមានជាយូរណាស់មកហើយ តែមិនដែលឃើញ អាជ្ញាធរមូលដ្ឋាន មានសមត្ថកិច្ច ពាក់ព័ន្ធ ក្នុងភូមិសំពោច ឃុំឃ្សឹម ស្រុកស្នួល ចាត់វិធានវិធានការទប់ស្កាត់ បង្ក្រាបបទល្មើសព្រៃឈើឡើយ ឬមួយសម្ងំចាំទទួលផល ប្រយោជន៍ពីឈ្មួញ បានជាទុក្ខអោយសារាចរណ៍ដឹកឈើ យកទៅលក់តាមអំពើចិត្ត ប្រហែលប្រធានសង្កាត់រដ្ឋបាលព្រៃឈើថ្មពុក ជាអ្នកនៅពីក្រោយខ្នង ក្រុមឈ្មួញឈើនោះទេដឹង។
ក្រៅពីឈ្មួញ ឈ្មោះម៉ែ អាស្រួច ដឹកឈើខុសច្បាប់ នឹងឈ្មួញដ៏ទៃទៀត ដែលសកម្ម គឺត្រូវបានគេស្គាល់យ៉ាងច្បាស់ថា ឈ្មួញឈ្មោះ ចែ ធូរ ចែ នាង ប្រើប្រាស់ រថយន្តសាំយ៉ុង តែងតែមក ដឹកជញ្ជួនឈើរាល់ថ្ងៃ ចេញពីភូមិសំពោច ឃុំឃ្សឹម ស្រុកស្នួល ខេត្តក្រចេះ ដេីម្បីចែកចាយយកទៅលក់បន្តចូលមកត្បូងឃ្មុំ និងខេត្តព្រៃវែង ដោយឡែកសមត្ថកិច្ច ពាក់ព័ន្ធតាមដងផ្លូវ មិនចាត់វិធានការបង្ក្រាបនោះទេ។
ជាក់ស្តែងនៅពេល ថ្មីៗនេះ មានរថយន្តសាំងយ៉ុង ជាច្រើនគ្រឿងដឹកបទល្មើសព្រៃឈើ ឆ្លងកាត់ស្រុកស្នួល តាមបណ្តោយ ផ្លូវជាតិលេខ៧A បានយ៉ាងត្រជាក់ចិត្ត គ្មានសមត្ថកិច្ចពាក់ពន្ឋ័តាមដងផ្លូវ ឬ មេសង្កាត់រដ្ឋបាលព្រៃឈើថ្មពុក ចាត់កម្លាំងក្រោមឱវាទចុះបង្ក្រាប ទុក្ខអោយដឹកឈើ យកទៅលក់តាមអំពេីចិត្ត សម្ងំទទួលលាភសក្ការះ ពីក្រុមឈ្មួញ ទើបអ្វីៗរលូនទៅបាន។
ប្រជាពលរដ្ឋ អំពាវនាវ និងទទូចសណូមពរ ដល់នាយឧត្តមឧត្តមសេនីយ៍ សៅ សុខា មេបញ្ជាការកងរាជអាវុធហត្ថ លើផ្ទៃប្រទេស និងជាប្រធានគណៈកម្មាធិការថ្នាក់ជាតិទប់ស្កាត់ បង្ក្រាបបទល្មើសព្រៃឈើ ទូទាំងប្រទេស មេត្តាជួយរិតបណ្តឹងដល់ មន្ត្រីក្រោមឱវាទ អោយត្រួតពិនិត្យ ឈ្មួញល្បីឈ្មោះ ម៉ែ អាស្រួច និងឈ្មួញដ៍ទៃ កំពុងដឹកឈើយ៉ាងអនាធិបតេយ្យ ដោយឡែកកម្លាំង កងរាជអាវុធហត្ថខេត្តក្រចេះ មិនចុះបង្ក្រាបមូលហេតុអ្វី.! បើមិនដូច្នោះទេព្រៃឈើ នៅសេសសល់បន្តិចបន្តួច ត្រូវវិនាសអស់ក្រោមស្នាដៃ ឈ្មួញជាក់ជាពុំខាន់ឡើយ៕
