ប្រភពពីប្រជាពលរដ្ឋក្នុងភូមិឈូកស ឃុំសឹង្ហ បានឲ្យដឹងថា ពួកគាត់ធ្លាប់ឃើញលោក ថៃ លី មេពេទ្យសត្វខេត្តតាកែវ មកផឹកស៊ីនៅឈ្មួញឈ្មោះ គង់ ចន្នី ហៅចាន់ ជាញឹកញាប់និងសប្បាយរីករាយយ៉ាងខ្លាំង។
ហេតុនេះហើយទើបឈ្មួញឈ្មោះ គង់ ចន្នី ហៅចាន់ អាចប្រមូលទិញជ្រូកពីកសិដ្ឋានតាមបណ្តាខេត្តនានាក្នុងប្រទេសកម្ពុជា និងនាំចូលជ្រូកពីប្រទេសសៀម មកលក់ចែកចាយតាមទីសត្តឃាតក្នុងស្រុកសំរោង ខេត្តតាកែវ យ៉ាងពេញទំហឹង។
បញ្ហានេះថ្នាក់ដឹកនាំក្រសួងកសិកម្មនិងនាយកដ្ឋានពាក់ព័ន្ធនៃក្រសួងកសិកម្ម គួរពិនិត្យឡើងវិញខ្លះផងព្រោះបច្ចុប្បន្នឈ្មួញឈ្មោះ គង់ ចន្នី ហៅចាន់ នៅតែធ្វើសកម្មភាពដឹកជញ្ជូនជ្រូកក្នុងប្រទេសនិងដឹកជញ្ជូនជ្រូកពីក្រៅប្រទេស ចូលស្រុកសំរោង ខេត្តតាកែវ យ៉ាងសុខស្រួល។
ប្រភពពីប្រជាពលរដ្ឋក្នុងភូមិឈូកស ឃុំសឹង្ហ ស្រុកសំរោង ខេត្តតាកែវ បានឲ្យដឹងថា បច្ចុប្បន្នឈ្មួញឈ្មោះ គង់ ចន្នី ហៅចាន់ នៅតែអាចដឹកជញ្ជូនជ្រូក ចូលមកទីតាំងដេប៉ូរបស់ខ្លួនក្នុងភូមិឈូកស ហើយលក់ចែកចាយពេញស្រុកសំរោង ខេត្តតាកែវ។
ប្រភពពីប្រជាពលរដ្ឋបានឲ្យដឹងទៀតថា កាលពីថ្ងៃទី១៦ ខែសីហា ឈ្មួញឈ្មោះ គង់ ចន្នី ហៅចាន់ ដឹកជញ្ជូនជ្រូកតាមរថយន្តធុនធំ២គ្រឿង ឆ្លងកាត់ផ្លូចជាតិលេខ៣ និងផ្លូវជាតិលេខ២ ចូលមកដល់ដេប៉ូក្នុងភូមិឈូកស យ៉ាងរលូន។ រថយន្តដឹកជ្រូករបស់ឈ្មួញឈ្មោះ គង់ ចន្នី ហៅចាន់ បានជះក្លិនស្អុយអសោចិ៍យ៉ាងខ្លាំង ធ្វើឲ្យប្រជាពលរដ្ឋសង្ស័យថា ជាជ្រូកឈឺទើបមានក្លិនស្អុយយ៉ាងខ្លាំងបែបនេះ។
ប្រភពស្និទ្ធនឹងឈ្មួញឈ្មោះ គង់ ចន្នី ហៅចាន់ បានឲ្យដឹងថា ទីតាំងដេប៉ូរបស់ឈ្មួញម្នាក់នេះគ្មានស្លាកយីហោត្រឹមត្រូវនោះទេហើយតែងប្រមូលទិញជ្រូកពីតាមកសិដ្ឋានចិញ្ចឹមជ្រូកនៅក្នុងប្រទេស ហើយក៏នាំចូលជ្រូកពីស្រុកសៀម តាមច្រកដូង ស្រុកកំរៀង ខេត្តបាត់ដំបង ផងដែរ។
ការដែលឈ្មួញឈ្មោះ គង់ ចន្នី ហៅចាន់ អាចធ្វើអ្វីៗតាមអំពើចិត្ត ជាពិសេសការដឹកជញ្ជូនជ្រូកតាមរបៀបលាក់លៀមគឺការបើកដៃពីសំណាក់លោក ថៃ លី មេពេទ្យសត្វខេត្តតាកែវ និងលោក ញឹប ស្រ៊ន ប្រធានមន្ទីរកសិកម្មខេត្តតាកែវ ផងដែរ។
ប្រសិនបើគ្មានការឃុបឃិតជាប្រព័ន្ធទេនោះគឺឈ្មួញឈ្មោះ គង់ ចន្នី ហៅចាន់ មិនអាចនាំចូលជ្រូកក្រចកស្អុយ ជ្រូកត្រចៀកខៀវ និងជ្រូកមានស្នាមជាំខ្មៅៗចូលមកក្នុងដេប៉ូនៅក្នុងភូមិឈូកស ឃុំសឹង្ហ ស្រុកសំរោង ខេត្តតាកែវ បានទេ ព្រោះខ្លាចប៉ះពាល់សុខភាព ប្រជាពលរដ្ឋខ្មែរ។
