តាមសេចក្តីរាយការណ៍ ពីប្រជាពលរដ្ឋ រស់នៅភូមិក្តុលក្រោម ឃុំទ្រា ស្រុកក្រូចឆ្មារ បានអោយ រស្មីឯករាជ្យ ដឹងថាពីមួយថ្ងៃទៅមួយថ្ងៃ ក្រុមអ្នកញៀនល្បែងជល់មាន់ នឹងអាប៉ោងសម្រុកលេង យ៉ាងពពាក់ពពូន ។
មិនស្តាប់សារាចរណ៍ ណែនាំ របស់រាជរដ្ឋាភិបាល បានប្រកាស បិទសាលារៀន Ktv មង្គលការ នឹងកម្មវិធីផ្សេងៗ ហាមមិនអោយជួបជុំគ្នា ដើម្បីចូលរួមទប់ស្កាត់ ជំងឺកូវីដ១៩ កុំអោយឆ្លងរីករាលដាល បែរជា លោក វ៉ា ម្ចាស់ទីតាំងបើកមាន់ជល់លេងយ៉ាងគគ្រឹកគគ្រេងទៅវិញ ហ៊ានផ្គើន នឹងអនុសាសន៍ប្រមុខថ្នាក់ដឹកនាំកម្ពុជាយ៉ាងនេះ។
មហាជនបានរិះគន់ចំៗ ទៅលើអាជ្ញាធរមូលដ្ឋានិងសមត្ថកិច្ចពាក់ព័ន្ធថា ប្រហែលជាមានការបើកភ្លើងខៀវពីសំណាក់ លោក មេប៉ុស្តិ៍រដ្ឋបាលឃុំទ្រា នឹងលោកអធិការដ្ឋាននគរបាលស្រុកក្រូចឆ្មារហេីយ ទេីបឈ្មោះ វ៉ាហ៊ានបេីកល្បែងប្រជល់មាន់ និងអាប៉ោង លេងភូកទឹកភូកដីឬមួយសម្ងំទទួលផលប្រយោជន៍ ជាថ្នូរមិនបង្ក្រាបទេដឹង។
ជាក់ស្តែងប្រជាពលរដ្ឋ រស់នៅភូមិក្តុលកក្រោម ឃុំទ្រាពួកគាត់មានការព្រួយបារម្ភ ចំពោះល្បែងភ្នាល់ស៊ីសងខុសច្បាប់កំពុងប្រមូលផ្តុំគ្នា លេងជាច្រើននាក់ មានទាំងម៉ូតូឡានទំនើប ចូលមកលេង ស្រែកហ៊ោរកញ្ជ្រៀវ ត្រហឹងអឹងកង រំខាន់ដល់ជិតខាង អ្នកខ្លះចាញ់អស់លុយ រាប់លានរៀល រាប់ពាន់ដុល្លារ អស់លុយអង្គុយចាំទាយ។
ពលរដ្ឋសួរថា.! តើគោលនយោបាយ ភូមិឃុំ មានសុវត្ថិភាព ប្រាំ៩ចំណុច នៅត្រង់ណា បើសមត្ថកិច្ចមូលដ្ឋាន ទទួលលាភសក្ការៈពីម្ចាស់ទីតាំងជល់មាន់ នឹងអាប៉ោង ឈ្មោះ វ៉ា បានជារក្សាភាពស្ងៀមស្ងាត់ម្ល៉េះ ទុក្ខអោយលេងតាមអំពេីចិត្ត។
ប្រជាពលរដ្ឋ ក្នុងភូមិក្តុលក្រោម ឃុំទ្រា បានអំពាវនាវដល់លោកជាមច័ន្ទ សោភ័ណ អភិបាលខេត្តត្បូងឃ្មុំ នឹងលោកម៉ុន មាគ៌ា ស្នងការដ្ឋាន នគរបាលខេត្តត្បូងឃ្មុំ មេត្តាចាត់វិធានការ ក្តៅបញ្ជាទៅកម្លាំង អធិការដ្ឋាននគរបាលស្រុកក្រូចឆ្មារ ចុះបង្ក្រាបវង់ល្បែងឈ្មោះវ៉ា ជាបន្ទាន់ជៀសវាង ឆ្លងកូវីដ១៩ រីកសាយភាយថ្មី តេីពីណាទទួលខុសត្រូវ៕
