ប្រភពពីមន្ត្រីគយក្នុងខេត្តត្បូងឃ្មុំបានឲ្យដឹងថាដោយសារមានខ្នងបង្អែករឹងមាំនៅក្នុងអគ្គនាយកដ្ឋានគយនិងរដ្ឋាករកម្ពុជា ទើប លោក យឹម វណ្ណៈ កាន់តំណែងជាប្រធានការិយាល័យគយច្រកដាហៅច្រកដូង៧ដើមឡើងដុះស្លែ។
ជាក់ស្តែង នៅពេលថ្មីៗកន្លងទៅនេះក្រុមអ្នកសារព័ត៌មានច្រើនអង្គភាពបានចុះផ្តិតយករូបភាពឃេីញរថយន្តធំៗជាច្រេីនគ្រឿងកំពុងសម្រុកដឹកទំនិញទាំងយប់ទាំងថ្ងៃចូលតាមច្រកដាហៅច្រកដូង៧ដើមធ្វេីអោយលោកយឹមវណ្ណៈសប្បាយចិត្តប្រមូលលុយពីឈ្មួញប្រើតួនាទីនិងអំណាចប្រព្រឹត្តអំពើពុំពើពុុករលួយដោយគ្មានញញើតអ្វីទាំងអស់។
ចំណែកមេៗគយខេត្តត្បូងឃ្មុំនិងលោកគុណញឹមអគ្គនាយកគយមិនចាត់វិធានការទប់ស្កាត់អំពើពុករលួយពេញទំហឹងរបស់លោកយឹមវណ្ណៈប្រធានការិយាល័យគយច្រកដាហៅច្រកដូង៧ដើមនៅឡើយទេ។
តាមសេចក្តីរាយការណ៍ពីអាជីវករនិងប្រជាពលរដ្ឋដែលដឹកជញ្ជូនទំនិញពីស្រុកយួនចូលមកខ្មែរព្រមទាំងកសិផលពីខ្មែរចេញទៅស្រុកយួនតាមច្រកដាហៅច្រកដូង៧ដើមបានឲ្យដឹងថាមកដល់ពេលនេះលោកយឹមវណ្ណៈប្រធានការិយាល័យគយច្រកដាហៅច្រកដូង៧ដើមប្រព្រឹត្តអំពើពុករលួយខ្លាំងក្លាជាងមុនទៅទៀត។
ប្រភពស្និទ្ធនឹងលោកយឹមវណ្ណៈប្រធានការិយាល័យគយច្រកដាហៅច្រកដូង៧ដើមបានឲ្យដឹងថាការដែលលោកយឹមវណ្ណៈមិនញញើតក្នុងការប្រព្រឹត្តអំពើពុករលួយគឺដោយសារមានការបើកដៃពីសំណាក់មេគយធំៗក្នុងខេត្តត្បូងឃ្មុំផងដែរ។
ហេតុនេះលោកអូនព័ន្ធមុនីរ័ត្នដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុមិនគួរបណ្តែតបណ្តោយតទៅទៀតទេព្រោះលោកគុណញឹមអគ្គនាយកគយបណ្តោយឲ្យលោកយឹមវណ្ណៈប្រធានការិយាល័យគយច្រកដាហៅច្រកដូង៧ដើមធ្វើអ្វីៗតាមអំពើចិត្ត។
ប្រភពពីមន្ត្រីពាក់ព័ន្ធនៅច្រកដាហៅច្រកដូង៧ដើមបានឲ្យដឹងថាឈ្មួញដឹកជញ្ជូនកសិផលចេញទៅស្រុកយួនតាមច្រកដាក៏ដូចជាឈ្មួញដឹកជញ្ជូនឈើចេញទៅស្រុកយួនតាមច្រកនេះបានក្លាយទៅជាប្រភពចំណូលដ៏សំខាន់របស់លោកយឹមវណ្ណៈប្រធានការិយាល័យគយច្រកដាហៅច្រកដូង៧ដើមនិងបក្ខពួក។
ទន្ទឹមនឹងនេះឈ្មួញឈ្មោះចែដែតឈ្មួញឈ្មោះចែពិដោរនិងឈ្មួញជាមន្ត្រីជាន់ខ្ពស់នៅក្រសួងមហាផ្ទៃម្នាក់នៅតែអាចនាំចូលទំនិញគេចពន្ធទំនិញបង់ពន្ធមិនគ្រប់និងទំនិញខុសច្បាប់តាមច្រកដាយ៉ាងពេញបន្ទុក។
អំពើពុករលួយរបស់លោកយឹមវណ្ណៈប្រធានការិយាល័យគយច្រកដាហៅច្រកដូង៧ដើមធ្វើឲ្យរដ្ឋត្រូវខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែៗហើយមេគយធំៗក្នុងខេត្តត្បូងឃ្មុំសម្ងំស្ងាត់ឈឹង។
