ព្រៃវែង ÷ តាមការបញ្ជាក់ពីក្រុមឈ្មួញនិងអាជីវករ ព្រមទាំងប្រជាពលរដ្ឋដែលដឹកជញ្ជូនស្រូវទៅលក់ឲ្យឈ្មួញយួនតាមច្រកទ្វារព្រំដែនអន្តរជាតិបន្ទាយចក្រី ស្រុក ព្រះស្តេចបានឲ្យដឹងថាចាប់តាំងពីមាន ការឆ្លង រីករាលដាល ជំងឺ កូវី ដ -១៩ គឺ ខាង ភាគី យួនមិនអនុញ្ញាតឲ្យឈ្មួញយួន ឆ្លងដែនមកទិញស្រូវលើទឹកដីខ្មែរទេ។
ជាក់ស្តែងខាងភាគីយួនបានតម្រូវឲ្យឈ្មួញនឹងអាជីវករដឹកជញ្ជូនស្រូវឡើងស្ពានទៅទម្លាក់ស្រូវលក់នៅទឹកដីយួនតាមព្រំដែនដែលធ្វើឲ្យខាតពេលវេលាយ៉ាងច្រើនហើយត្រូវបង់លុយ២០០០០រៀលអោយលោកឡុងណារ៉ាក់មេប៉ូលីសច្រកទ្វារអន្តរជាតិព្រំដែនបន្ទាយចក្រីនឹងមន្ត្រីក្រោមឱវាទប្រចាំការនៅច្រកនេះជាកំហិត។
ថ្មីៗនេះក្រុមឈ្មួញអាជីវករនិងប្រជាពលរដ្ឋដឹកជញ្ជូនស្រូវក្នុងមួយថ្ងៃៗតាមរថយន្តធំៗជាច្រេី
នគ្រឿងសម្រុកទៅលក់ឲ្យឈ្មួញយួនតាមច្រកទ្វារព្រំដែនអន្តរជាតិបន្ទាយចក្រីស្រុកព្រះស្តេចខេត្តព្រៃវែងបានអំពាវនាវឲ្យលោកជាសុមេធីអភិបាលខេត្តព្រៃវែងចាត់វិធានការទប់ស្កាត់អំពើពុករលួយរបស់សមត្ថកិច្ចពាក់ព័ន្ធនៅច្រកនេះជាបន្ទាន់។
ទន្ទឹមនឹងនេះក៏មានសេចក្តីអំពាវនាវឲ្យក្រសួងនិងស្ថាប័នពាក់ព័ន្ធពិនិត្យឡើងវិញជាបន្ទាន់ផងដែរព្រោះការនាំចេញផលិតផលកសិកម្មទៅលក់នៅក្រៅប្រទេសមិនតម្រូវឲ្យមានការបង់លុយឡើយប៉ុន្តែសមត្ថកិច្ចពាក់ព័ន្ធច្រកទ្វារព្រំដែនអន្តរជាតិបន្ទាយចក្រីយកលុយរាប់ក្បាលឡានក្នុង១រថយន្ត២០០០០រៀលមូលហេតុទាំងនោះ ហើយនៅតែផ្គេីនអនុសាស្ត្ររបស់ប្រមុខថ្នាក់ដឹកនាំកម្ពុជាយ៉ាងនេះ។
ប្រភពពីក្រុមឈ្មួញនិងអាជីវករព្រមទាំងប្រជាពលរដ្ឋបានលើកឡើងថាថ្មីៗនេះបែរជាមន្ត្រីប៉ូលីសតម្រូវឲ្យឈ្មួញអាជីវករនិងប្រជាពលរដ្ឋបង់លុយក្នុងស្រូវមួយរថយន្ត២០០០០រៀលទើបអនុញ្ញាតឲ្យឆ្លងកាត់ច្រកព្រំដែនទៅស្រុកយួនបានយ៉ាងសុខស្រួលបេីមិនបង់តាមការកំណត់នោះទេរថយន្តរបស់ក្រុមឈ្មួញត្រូវឃាត់ទុក្ខរង់ចាំដោះស្រាយពេលក្រោយ។
ហេតុនេះហើយទើបក្រុមឈ្មួញអាជីវករនិងប្រជាពលរដ្ឋដឹកជញ្ជូនស្រូវទៅលក់ឲ្យឈ្មួញយួនតាមច្រកទ្វារព្រំដែនអន្តរជាតិបន្ទាយចក្រីស្រុកព្រះស្តេចខេត្តព្រៃវែងបានត្អូញត្អែរថាពួកគាត់រកស៊ីសព្វថ្ងៃបានត្រឹមចិញ្ចឹមលោកឡុងណារ៉ាក់នឹងសមត្ថកិច្ចពាក់ព័ន្ធនៅច្រកនេះតែប៉ុណ្ណោះ។
ដូច្នេះហើយទើបមានសេចក្តីអំពាវនាវឲ្យលោកជាសុមេធីអភិបាលខេត្តព្រៃវែងពិនិត្យឡើងវិញជាបន្ទាន់ព្រោះអំពើពុករលួយនិងទង្វើមិនប្រក្រតីចំពោះលោកឡុងណារ៉ាក់មេប៉ុស្តិ៍ច្រកទ្វារព្រំដែនអន្តរជាតិបន្ទាយចក្រីនឹងមន្ត្រីក្រោមឱវាទកំពុងឃុបឃិតគ្នាយកលុយចែកគ្នាធ្វើមានធ្វើបានបណ្តោយអោយមេឈ្មួញខែ្មរយកស្រូវទៅលក់ជួបមេឈ្មួញយួនទទួលទិញស្រូវព្រោះខ្លាចឆ្លងរីករាលដាលជំងឺកូវីដ១៩នាពេលបច្ចុប្បន្ននេះកំពុងតែផ្ទុះយ៉ាងខ្លាំង៕
