ស្វាយរៀង ÷ថ្មីៗនេះក្រុមអាជីវករ ក្នុងខេត្តស្វាយរៀងក៏ដូចជាឈ្មួញគ្រាក់ៗ មកពីបណ្តាលខេត្ត នាៗ កំពុងសម្រុកដឹកទំនិញរាល់ថ្ងៃ តាមប្រភេទ រថយន្តធំៗ នឹងរថយន្តសាន់យ៉ុង រម៉កសន្តោងវែងៗ តាមអំពើចិត្ត រីឯលោកឃុត សាលីន មេគយព្រំដែនបុសមន នឹងមន្ត្រីគយក្រោមឱវាទ នៅប្រចាំការព្រំដែនទ្វេគីបុសមន ជាអ្នកបើកភ្លើងខៀវ អោយឈ្មួញ នាំទំនិញគេចពន្ធពីស្រុកយួន ចូលមកខ្មែរបានយ៉ាងរលូន ទាំងយប់ទាំងថ្ងៃ មិនរំខានដល់ ស្ថាប័នពាក់ព័ន្ធ ច្រកទាំងនេះ សោះឡើយ ។
ហេតុនេះ លោក អូន ព័ន្ធមុនីរ័ត្ន ជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ មិនគួរបណ្តែតបណ្តោយតទៅទៀតនោះទេ ព្រោះលោក គុណ ញឹម អគ្គនាយកគយ បណ្តោយឲ្យលោក ឃុត សាលីន ប្រធានការិយាល័យគយ ច្រកព្រំដែនបុសមន ធ្វើអ្វីៗតាមអំពើចិត្ត មន្ត្រីពាក់ព័ន្ធ នៅច្រកព្រំដែនបុសមន បានលេីកឡេីងថា ឈ្មួញធំៗដឹកទំនិញគ្រប់ប្រភេទ ចេញពីស្រុកយួន ចូលមកខ្មែរ ក៏ដូចជាឈ្មួញដ៏ទៃទៀត មកពីបណ្តាលខេត្តនាៗ សម្រុកដឹកទំនិញតាមច្រកនេះ បានក្លាយ ទៅជាប្រភពចំណូលដ៏សំខាន់ របស់ លោក ឃុត សាលីន ប្រធានការិយាល័យគយ ច្រកព្រំដែនបុសមន និងបក្ខពួកចែកគ្នាធ្វេីមាន ធ្វេីបាន ដាក់ក្នុងហោប៉ៅ មិនខ្វល់ពីសុខភាព ប្រជាពលរដ្ឋ ខ្មែរទេ។
ទន្ទឹមនឹងនេះឈ្មួញ គ្រាក់ៗ ដឹកទំនិញពីស្រុកយួន ដូចជាបន្លែ ផ្លែឈើ ពូក តុជ័រ ធុងជ័រ កៅអីជ័រ លួសដែក កូនរទេះ មី ទឹក ស្ទីង នឹងគ្រឿងកុំប៉ុង គ្រប់មុខ ត្អូញត្អែរ ថាពួកគាត់ រកស៊ីសព្វថ្ងៃនេះ បានត្រឹមចិញ្ចឹម លោក ឃុត សាលីន មេគយច្រកព្រំដែនបុសមន នឹងមន្ត្រីក្រោមឱវាទ គាបសង្កត់ យកក្នុងមួយ រថយន្តធំៗ ចាប់ពី៦០ម៉ឺនរៀល ទៅ៧០ម៉ឺនរៀលជាកំហិត រីឯរថយន្តតូច នឹងរម៉កសន្តោង វែងៗ បង់ចាប់ពី៣០ម៉ឺនរៀល ទៅ៥០ម៉ឺនរៀល ជាថ្នូរមិនបង្ក្រាប។
រឿងអាស្រូវ ពុករលួយ លោក ឃុត សាលីន ប្រធានការិយាល័យគយ ច្រកទ្វារភាគីព្រំដែនបុសមន ធ្វើឲ្យរដ្ឋត្រូវខាតបង់ចំណូលពន្ធ យ៉ាងច្រើនសន្ធឹកសន្ធាប់ ក្នុងមួយខែៗ មេគយធំៗក្នុងខេត្តស្វាយរៀង សម្ងំស្ងាត់ឈឹង ហេីយម្យ៉ាងវិញទៀត ប្រជាពលរដ្ឋ រស់នៅតាមអមផ្លូវ គ្រួសក្រហមចេញពីព្រំដែនបុសមន រងផលប៉ះពាល់ ពីសំណាក់រថយន្តធំៗ ដឹកទំនិញ ហុយ ធូលីលំអងដី យ៉ាងខ្លាំង ក្នុងមួយថ្ងៃៗ ធ្វេីអោយពួកគាត់ កើតជាជំងឺ ក្អកផ្ដះផ្សាយ ស្ទើរគ្រប់គ្នាទៅហេីយ ក៍មានការសំណូមពរដល់ ឯកឧតម្ត ម៉ែន វិបុស អភិបាលខេត្ត ស្វាយរៀង នឹងឧត្តមសេនីយ៍ទោ កឹង ឃន ស្នងការនគរបាលខេត្តស្វាយរៀង មេត្តាពិនិត្យដល់មន្ត្រីពាក់ពន្ធ័ក្នុងខេត្ត មិនគូរបណ្តោយ អោយរថយន្តដឹកទំនិញ តែងតែបង្កបើកលឿនៗ មិនដែលឃើញ សមត្ថកិច្ចចុះណែនាំ ឬបង្ក្រាបម្តងណានោះទេ៕
