ភ្នំពេញ ÷ បើតាមសេចក្តី រាយការណ៍ ពីប្រជាពលរដ្ឋ រស់នៅជិតទីតាំង ប្រជល់មាន់ បញ្ជាក់ប្រាប់ថា ក្រុមអ្នកញៀនលេងល្បែងស៊ីសង បញ្ជល់មាន់ខុសច្បាប់តាមតែអំពើចិត្តជារៀងរាល់ថ្ងៃ នៅក្នុងបរិវេណផ្ទះមួយកន្លែងតាមបណ្ដោយផ្លូវប៉េតុង ចំណុចទាល់មុខប្រឡាយទឹកស្អុយ ស្ថិតនៅក្នុងទឹកដី សង្កាត់ស្ទឹងមានជ័យ.២ ខណ្ឌមានជ័យ រាជធានីភ្នំពេញ រីឯអាជ្ញាធរមានសមត្ថកិច្ច ធ្វេីមិនដឹងមិនឬ សម្ងំទទួលផលប្រយោជន៍ ជាថ្នូរមិនបង្ក្រាប។
យោងតាមសម្តីពលរដ្ឋ រស់នៅម្តុំនោះឲ្យអង្គភាពអ្នកសាព័ត៌មានទទួលបាននៅវេលាម៉ោង ៩:១៥ នាទីព្រឹកថ្ងៃទី១៨ ខែ មិថុនា ឆ្នាំ ២០២១ នេះឲ្យបានដឹងថា÷ម្ចាស់ទីតាំងខាងលើ តែងតែនាំបក្សពួកចេញចូល មកលេងល្បែងបញ្ជល់មាន់ខុសច្បាប់ ជាប្រចាំតែម្ដង ដូច្នេះហើយធ្វើឲ្យពួកគាត់មានកង្វល់ និងការភ័យខ្លាចអំពីបញ្ហាខ្លាចឆ្លងជំងឺ កូវីដ-១៩ ពីពួកអ្នកដែលមកលេងល្បែង នៅទីកន្លែងនោះធ្វើឲ្យភ័យខ្លាចអំពីអសន្តិសុខសង្គម ដូចជាអំពើលួចឆក់ប្លន់ និងអំពើហិង្សា ក្នុងសង្គមជាដើម។
ប្រភពបន្តទៀតថា ពួកគាត់នាំគ្នាលើកឡើងថា អាជ្ញាធរមានសមត្ថកិច្ចកំពុង តែរវល់ក្នុងការទប់ស្កាត់ការរីករាលដាលជំងឺ កូវិដ-១៩ ឲ្យមានប្រសិទ្ធភាព ប៉ុន្តែភ្លេចគិតអំពីភូមិ ឃុំ សង្កាត់មានសុវត្ថិភាព ជូនពួកគាត់អស់ហើយមើលទៅ បច្ចុប្បន្ននេះយើងគ្រប់គ្នា ប្រាកដបានដឹងយ៉ាងច្បាស់ហើយ ដែលចំណាត់ការណែនាំនូវវិធានការរបស់ក្រសួងសុខាភិបាល និងអនុវត្តតាមអនុសាសន៍ដ៏ខ្ពង់ខ្ពស់របស់ សម្ដេចតេជោ បីកុំ បីការពារ ។
ករណីនេះមហាជន សង្កេតឃើញកន្លែង ទីតាំងបនល្បែងខុសច្បាប់ នៅសង្កាត់ស្ទឹងមានជ័យ.២ – ខណ្ឌមានជ័យ មិនដូច សង្កាត់ ខណ្ឌ ដទៃឡើយ អាចបើកលេងល្បែងយ៉ាងសកម្ម ក្នុងអំឡុងពេលមានវិបត្តិ កូវីដ១៩ បានដោយរលូនមិនរំខាន ដល់សមត្ថកិច្ចពាក់ព័ន្ធ ខណ្ឌមានជ័យឡេីយ។
អ្វីដែលសំខាន់ជាងនេះពលរដ្ឋនាំគ្នា សណូមពរមកដល់ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ ជាពិសេស លោកឧត្តមសេនីយ៍ ឯក ស ថេត អគ្គស្នងការរង និងជាស្នងការដ្ឋាននគរបាលរាជធានីភ្នំពេញ សូមមេត្តាមានវិធានការ ចាត់កម្លាំងក្រោមឱវាទ ចុះត្រួតពិនិត្យ វង់ល្បែងសុីសងខុសច្បាប់ កំពុង បើកលេងក្នុងខ័ណ្ឌមានជ័យទាន.!៕
