តាមសេចក្តីរាយការណ៍ ពីបងប្អូនប្រជាពលរដ្ឋ រស់នៅចំណុចវាលស្រែ.១០០ សង្កាត់អូរចារ ក្រុងបាត់ដំបងខេត្តបាត់ដំបងមេល្បែងស៊ីសងកំពង់ដំណើរការយ៉ាងរលូនគឺឈ្មោះ អួន តាល់ ដែលគេស្គាល់ថាជាមេខ្លោងបនល្បែងស៊ីសងភ្នាល់ទឹកភ្លៀងនិងអាប៉ោងខុសច្បាប់និងល្បែងគ្រប់ប្រភេទផ្សេងៗទៀតកំពុងបើកលេងយ៉ាងសកម្មប្រចាំក្នុងភូមិសាស្ត្រ នៅចំណុចវាលស្រែ.១០០ សង្កាត់អូរចារ ក្រុងបាត់ដំបង ខេត្តបាត់ដំបង អាជ្ញាធរមានសមត្ថកិច្ច នៅតែមិនហ៊ានធ្វើការបង្ក្រាបដោយមានកញ្ចប់រាល់ថ្ងៃរាល់ខែ។
បច្ចុប្បន្ននេះមហាជនកំពុងនាំគ្នារិះគន់យ៉ាងខ្លាំងកន្លែងទីតាំងវង់ល្បែងខុសច្បាប់គ្រប់ប្រភេទនៅក្រុងបាត់ដំបង ខេត្តបាត់ដំបង មិនដូចក្រុង ខេត្ត ដទៃទៀតឡើយអាចបើកលេងយ៉ាងពេញបន្ទុក ក្នុងពេលផ្ទុះជំងឺកូវីដ-១៩,, បានដោយរលូន?
យោងតាមសម្តីពលរដ្ឋដែលរស់នៅម្តុំនោះនាំគ្នាប្រាប់អ្នកសារឲ្យដឹងថា÷ពួកគាត់មានកង្វល់ និងការភ័យខ្លាចអំពីបញ្ហាខ្លាចឆ្លងការរីករាលដាលជំងឺ កូវីដ-១៩, ពីពួកអ្នកដែលមកលេងល្បែងភ្នាល់ទឹកភ្លៀងនិងអាប៉ោងនិងល្បែងគ្រប់ប្រភេទផ្សេងៗទៀតដែលកំពុងបើកលេងនៅខាងលើនេះ ធ្វើឲ្យភ័យខ្លាចអំពីអសន្តិសុខក្នុងសង្គមដូចជាអំពើលួចឆក់ប្លន់ និងអំពើហិង្សាជាដើម។
អ្វីដែលសំខាន់ជាងនេះទៀតនោះ ពួកគាត់នាំគ្នាលើកឡើងថា អាជ្ញាធរមានសមត្ថកិច្ចកំពុងតែរវល់ក្នុងការទប់ស្កាត់ការរីករាលដាលជំងឺ កូវិដ-១៩,ឲ្យមានប្រសិទ្ធភាព ប៉ុន្តែភ្លេចគិតអំពីភូមិ ឃុំ សង្កាត់ ឲ្យមានសុវត្ថិភាព ជូនពួកគាត់អស់ហើយមើលទៅ។
មហាជននាំគ្នាអំពាវនាវមកដល់ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង ជាពិសេស លោកឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង គួរតែមានវិធានការទប់ស្កាត់ដើម្បីចាត់កម្លាំងចុះត្រួតពិនិត្យទីតាំងវង់ល្បែងខុសច្បាប់។ា១
