បាត់ដំបង ÷ បើតាមប្រភព ពីអាជីវករ នឹងអ្នករកស៊ី ដឹកសាច់ជ្រូក គ្រឿងក្នុងមាន់ ពោះវៀនជ្រូក បង្កប់នៅក្នុង រថយន្តដឹកបន្លែ ផ្លែឈើ សុទ្ធតែសំអាងថាខូចគុណភាព មានចំនួន៥,០៣៦ គីឡូក្រាម នេះជាលេស របស់លោកជ័យ ជនដារ៉ា មេគយ ច្រកទា្វរអន្តរជាតិដូង ស្រុកកំរៀង ហ៊ានធ្វើៗតាមអំពើចិត្ត ព្រោះអាងលោក យូ ហេង មេគយខេត្តបាត់ដំបង ជាខ្នងបង្អែកដ៍រឹងមាំនៅពីក្រោយ អាចបិទបាំង រឿងអាស្រូវ ពុករលួយ ។
ប្រភពបាន បញ្ជាក់ប្រាប់ តៗគ្នាថា លោកយូ ហេង កាលនៅកាន់តំណែងជាមេគយ ខេត្តឧត្តរមានជ័យ ប្រព្រឹត្តអំពើពុករលួយ ឥឡូវមកដល់ខេត្តបាត់ដំបង នៅតែដេីរតាមគន្លង ចាស់ដដែល មហាជន ចាំមើលចំណាត់ការ របស់លោកអូនព័ន្ធមុនីរ័ត្ន រដ្ឋមន្ត្រី ក្រសួងហិរញ្ញវត្ថុ មេត្តាពិនិត្យឡើងវិញចំពោះ លោក យូ ហេង សព្វថ្ងៃកំពុងសាងភាព ល្បីល្បាញខាងពុករលួយ ជាចំហរ។
តើលោកយូ ហេង មាននៅចាំ ប្រសាសន៍ លោក ផា អេងវេង ទេ គាត់ជាអគ្គនាយករង គយនឹងរដ្ឋករ បានលើកឡើងថា លោក យូ ហេង មកកាន់តំណែង មេគយខេត្តបាត់ដំបង នៅថ្ងៃទី ២៣ ខែមករា ឆ្នាំ២០១៩ មកលោកបានផ្ដាំផ្ញើ អោយមន្ត្រីគយក្រោមឱវាទ ក៏ដូចជាលោកយូ ហេង ធ្វើយ៉ាងណា ជួយទប់ស្កាត់បទល្មើស ដឹកជញ្ជូនទំនិញខុសច្បាប់ ដែលហូរចូលមក កម្ពុជានឹងពង្រឹង ប្រមូលពន្ធ អោយមានប្រសិទ្ធភាព។
ប្រជាពលរដ្ឋ រស់នៅជិត ខ្សែបន្ទាត់ព្រំដែនច្រកអន្តរជាតិដូង នឹងអាជីវករ រកស៊ីដឹកទំនិញទទូច សំណូមពរ ទៅដល់លោក ឱម យិន ទៀង រដ្ឋមន្ត្រីប្រឆាំង អំពើពុករលួយ ជាពិសេស លោកអូនព័ន្ធមុនីរ័ត្ន រដ្ឋមន្ត្រី ក្រសួងហិរញ្ញវត្ថុ មេត្តាចាត់វិធានការក្តៅ ចំពោះលោក ជ័យ ជនដារ៉ា មេគយច្រកអន្តរជាតិដូងកំពុង សប្បាយចិត្ត ប្រមូលលុយ ពីក្រុមឈ្មួញគ្រាក់នាំ ទំនិញ គ្រប់ប្រភេទចូល មកខ្មែរ ចែកមន្ត្រីក្រោមឱវាទ ធ្វើមាន ធ្វើបាន មិនខ្វល់ពីផលប៉ះពាល់សុខភាព ពលរដ្ឋឡើយ៕
