(ព្រៃវែង)៖ តាមសេចក្តីរាយការណ៍ ពី អាជីវករអ្នកដឹកផ្លែឈើពីវៀតណាម ចូលមកខ្មែរ បានអះអាងថា៖ «គយចល័តផ្លូវជាតិលេខ១ ដែលមានស្នាក់ការនៅ ឃុំរំចេក ស្រុកព្រះស្ដេច ខេត្តព្រៃវែង ពិតជាបានប្រព្រឹត្តអំពើពុករលួយធ្ងន់ធ្ងរ ដោយគាបសង្កត់ពួកគាត់ រាប់ក្បាលឡាន កំណត់យកលុយ ចូលហោប៉ាវ ក្នុង១ជើងៗ ចាប់១០ម៉ឺនរៀល ទៅ៣០ម៉ឺនរៀលពិតប្រាកដមែន!។
ប្រភពពី អ្នកសារព័ត៌មាន ក្នុងស្រុក ជាច្រើនអង្គភាព បានធ្វើកិច្ចសម្ភាសន៍ជាមួយ ក្រុមអាជីវករ រកស៊ីដឹកផ្លែឈើ ក៏ដូចជាដឹកទំនិញ បានអះអាង ហ៊ានស្បថដាក់ជីវិត ហ៊ានឱ្យក្រឡាប់ឡាន និងរន្ទះបាញ់ស្លាប់តៃហោង ប្រសិនជាពួកខ្លួននិយាយបំភ្លើសខុសការពិត ប៉ុន្តែករណីនេះ មន្ត្រីគយបដិសេធថា (មិនដឹងទេ)
ជាក់ស្ដែង៖ អាជីវករឈ្មោះ ជា ឆៃនី ភេទស្រី អាយុ២៨ឆ្នាំ បច្ចុប្បន្ននៅផ្សារនាគមាស ខណ្ឌទួលគោក រាជធានីភ្នំពេញបានបញ្ជាក់ថា៖ ខ្លួនដឹកផ្លែ(គូលែន)ពីវៀតណាម តាមច្រកព្រំដែនបុសមន ចូលមកខ្មែរ ក្នុង១ជើង ប្រើប្រាស់ ប្រភេទ រថយន្ត វ៉េអង គឺត្រូវបង់លុយឱ្យ គយចល័តផ្លូវជាតិលេខ១ ចំនួន៣០ម៉ឺនរៀលជាចាំ។
អ្នកស្រីបន្ថែមថា៖ រថយន្តគាត់មានក្រដាសបង់ពន្ធពីព្រំដែន ក៍នៅតែបង់លុយចូលហោប៉ាវ គយចល័តផ្លូវជាតិលេខ១ ចំនួន៣០ម៉ឺនរៀលដដែល គឺរាល់លើកតែម្ដង។
ក្នុងនោះប្រសិនជា មិនមានក្រដាសស្នាមពីព្រំដែនទេ គឺត្រូវបង់លុយចូលហោប៉ាវគយចល័ត ច្រើនណាស់ដល់រាប់លានរៀលក្នុង១ជើងៗ អាជីវករ រូបនេះបានលើកឡើងទៀតថា៖ រឿងបង់លុយ ចូលហោប៉ាវ មន្ត្រីគយចល័តផ្លូវជាតិលេខ១ ទាំងនោះ ជាទម្លាប់ទៅហើយ សម្រាប់អ្នករកស៊ីដូចពួកខ្លួន គឺគ្មានអាជីវករ ណាម្នាក់គេចផុតឡើយ។
អ្វីដែលធ្វើឱ្យអ្នកស្រីហួសចិត្តខ្លាំងបំផុតនោះ! គឺគយចល័ត តែងតែយកលុយពីអ្នកស្រីរាល់លើកសោះ
ចុះហេតុអី? បែរជាចាប់ រថយន្តដឹកផ្លែគូលែន របស់អ្នកស្រី នៅយប់ទី០៨.០៦.២០២១ ពោលគឺចាប់រថយន្ត ចូលស្នាក់ការគយចល័តផ្លូវជាតិលេខ១ ស្ថិតនៅចំណុច ឃុំរំចេក ស្រុកព្រះស្ដេច ខេត្តព្រៃវែង រួចទារលុយចំនួន២០លានរៀល ជាថ្នូរ ទើបដោះលែងវិញ។
លុះអ្នកស្រីពុំមានលទ្ធភាពបង់លុយចំនួន២០លានរៀល តាមកំណត់ ជាហេតុនាំឱ្យមន្ត្រីគយចល័តផ្លូវជាតិលេខ១
ទុករថយន្ត រួមនិង ផ្លែឈើឱ្យ នៅស្អុយ ក្នុងស្នាក់ការតែម្ដង។ បណ្ដាលឱ្យខាតទំនិញផ្លែឈើគាត់ អស់ប្រាក់ជិត៥០.០០០$ឯណោះ។ក្រុមអាជីវករផ្សេងទៀត បានអះអាងថា៖ ជារៀងរាល់លើកពួកខ្លួន តែងតែបង់លុយ ចូលហោប៉ាវមន្ត្រីគយចល័តផ្លូវជាតិលេខ១ យ៉ាងទៀងទាត់ ពោលគឺបង់តាមកំណត់ របស់មន្ត្រីគយ។
ខណៈរាល់ការបង់លុយទាំងនោះ គឺមិនដែលមានក្រដាសស្នាម ឬបង់ពន្ធចូលរដ្ឋអ្វីទេ ជាក់ស្ដែងហុចលុយឱ្យគយផ្ទាល់ដៃ.! ប្រភពដដែលបញ្ជាក់ថា៖ សម្រាប់រថយន្តដឹកផ្លែឈើចំណុះ២តោនកន្លះ ក្នុង១ជើងបង់លុយឱ្យគយចល័ត ចំនួន១០ម៉ឺនរៀល ជាកំហិត ។
បើរថយន្ត ចំណុះ៥តោន បង់ចំនួន២០ម៉ឺនរៀលជាកំហិត សម្រាប់ រថយន្តវ៉េអង បង់ចំនួន៣០ម៉ឺនរៀលក្នុង១ជេីង
ជាមួយគ្នានោះ តៃកុងឡាន រួមនិងអាជីវករ បានអះអាងដូចៗគ្នាថា៖ ពួកគាត់ហ៊ានស្បថដាក់ជីវិត ឱ្យក្រឡាប់ឡាន ឬរន្ទះបាញ់ស្លាប់តៃហោង ប្រសិនជាខ្លួននិយាយបំផ្លើសខុសការពិត ចំពោះការបង់ លុយចូលហោប៉ាវ មន្ត្រីគយចល័តផ្លូវជាតិលេខ១ ឆ្លើយតបនិងការលើកឡើងខាងលើលោក ផែន ភឿន ប្រធានគយចល័តផ្លូវជាតិលេខ១ បានថ្លែងថា៖ រថយន្តដែលចាប់នៅក្នុងស្នាក់ការនោះ គឺមកពីមិនបានបង់ពន្ធ.! ។
ចំពោះសំនួររឿងយកលុយ៣០ម៉ឺនរៀលក្នុង១ឡាន.? លោក ផែន ភឿន បានបដិសេធថា មិនដឹងទេ! ។
រីឯលោក នី គឹមហួរ មន្ត្រីគយចល័តផ្លូវជាតិលេខ១ ដែលនៅប្រចាំការ បានបដិសេធមិនបកស្រាយឡើយ ចំពោះរឿងលុយ៣០ម៉ឺនរៀលក្នុង១ឡាន? ទោះជាយ៉ាងណាក៍ដោយ ក្នុងមួយថ្ងៃៗមានរថយន្តរាប់សិបគ្រឿង បានដឹកទំនិញគ្រប់ប្រភេទ ចេញពី ប្រទេស វៀតណាម ចូលមកខ្មែរ ទាំងយប់ទាំងថ្ងៃ ដើម្បីចែកចាយតាមបណ្ដាខេត្តនាៗ ជាពិសេសគឺភ្នំពេញ ផ្សារនាគមាស តែម្ដង។
ដោយឆ្លងកាត់ផ្លូវជាតិលេខ១ នឹងតែងតែឈប់នៅមុខស្នាក់ការ ចូលបង់លុយបាយទឹក ជូនគយចល័តផ្លូវជាតិលេខ១ ជាប្រចាំមិនដែលខាន់ ជាហេតុនាំឱ្យលោក ផែន ភឿន ប្រធានគយចល័តផ្លូវជាតិលេខ១ សំងំកើបលុយ បានរាប់សិបលានរៀលក្នុង១ថ្ងៃៗ ជាថ្នូរនិងមិនបង្ក្រាប បទល្មើសរត់ពន្ធ ឬផាកពិន័យចូលរដ្ឋ។
ប្រជាពលរដ្ឋ ក៍ដូចជាអាជីវករ បានអំពាវនាវ នឹងទទូច ដល់ស្ថាប័នពាក់ពន្ធ័ ជាពិសេសនោះលោក អូន ពន្ធ័មុន្នីរត្ន័ រដ្ឋមន្ត្រីក្រសួងហិរញ្ញវត្ថុ មេត្តាត្រួតពិនិត្យ ឡេីងវិញចំពោះលោក ផែន ភឿន នឹងមន្ត្រីគយក្រោមឱវាទ ត្រូវដុះក្អែល ម្តងទៅ ព្រោះបច្ចុប្បន្ន កំពុងតែ ប្រព្រឹត្តអំពើពុករលួយ ដល់ឆ្អឹង ហើយឈរជើងដាក់ស្នាក់ការ គយចល័តផ្លូវជាតិលេខ១ ត្រូវត្រួតពិនិត្យទំនិញបង់ពន្ធ មិនគ្រប់ ឬទំទិញមានពន្ធ មិនមែនមក ប្រមូលលុយ ដាក់ក្នងហោប៉ៅ ចែកគ្នាធ្វើមានធ្វើបាន បានលុយទិញសុទ្ធតែរថយន្តទំនើបជិះ អាចបាត់បង់ថវិកា ចូលរដ្ឋទៀតផង៕
