កណ្តាល÷ តាមប្រភព ពីប្រជាពលរដ្ឋ រស់នៅភូមិចម្លង ឃុំព្រែកទន្លាប់ ស្រុកលើកដែក បានបង្ហើបអោយ រស្មីឯករាជ្យ ដឹងថា ពីមួយថ្ងៃទៅមួយថ្ងៃ ក្រុមអ្នកញៀន ល្បែងស៊ីសងកន្ទុយលេខ ពេញបន្ទុកខុសច្បាប់ កំពុងបេីកលេងជាច្រើនកន្លែង ក្នុងស្រុកលើកដែក រីឯលោកអាំ ធូ អធិការដ្ឋាន នគរបាលស្រុកលើក ដែក រក្សាភាពស្ងៀមស្ងាត់។
ប្រភពស្និទ្ធ ពី មេឆ្នោតយួនម្នាក់ នៅភូមិកំពង់ចម្លង ឃុំព្រែកទន្លាប់ ស្រុកលើកដែក ខេត្តកណ្តាល ដោយមិនបញ្ចេញ ឈ្មោះ គាត់បានបញ្ជាក់ប្រាប់ អ្នកសារព័ត៌មាន ក្នុងស្រុកថា ក្នុង១ខែ បង់សម្រាប់ សមត្ថកិច្ចពាក់ព័ន្ធ ក្នុងមូលដ្ឋាន ចាប់ពី៣០០ដុល្លា ទៅ៥០០ដុល្លា ជាថ្នូរមិនបង្ក្រាប បានជាបេីកអោយលេង តាមអំពើចិត្ត។
ប្រភពបន្តទៀតថា មេកន្ទុយលេខ កត់តាម កញ្ចែងតូចតាច ក្នុងស្រុកនីមួយៗ ប្រមូលអោយ លោក ប៊ុន ឆន ជាមេឆ្នោតយួនធំ ប្រចាំខេត្តកណ្តាល ហើយមានខ្នងបង្អែករឹងមាំ នៅពីក្រោយ ទើបសមត្ថកិច្ចពាក់ព័ន្ធ ក្នុងខេត្ត កណ្តាល មិនហ៊ានប៉ះពាល់ចុះបង្ក្រាប ឬមួយលោក ប៊ុន ឆន សែនព្រេន ត្រូវរ៉ូវជាមួយសមត្ថកិច្ចថ្នាក់ស្រុក រហូតដល់ថ្នាក់ខេត្ត ហើយ បានជាសមត្ថកិច្ច ធ្វើមិនដឹងមិនឬអ្វីទាំងអស់។
ទោះបីប្រមុខថ្នាក់ដឹកនាំកម្ពុជា បានប្រកាសអោយ ប្រជាពលរដ្ឋ ទូទាំងប្រទេស ចូលរួមទប់ស្កាត់ ជំងឺកូវីដ១៩ ឆ្លងរីករាលដាលយ៉ាងណាក៏ដោយ មេឆ្នោតយួន ជាច្រើនកន្លែង ក្នុងស្រុកលើកដែក នៅតែមានឪកាស កត់កន្ទុយលេខ បានសុខស្រួល ប្រហែលជាមានបេីកភ្លេីងខៀវ ពីណាក់ លោក អាំ ធូ អធិការដ្ឋាន នគរបាលស្រុកលើកដែក ទើបអាអ្វីៗ រលូនយ៉ាងនេះ។
មហាជន រិះគន់ ចំៗ ទៅ លោក អាំ ធូ អធិការដ្ឋាន នគរបាលស្រុកលើកដែក មិនគូរបណ្តែត បណ្តោយ បើកអោយមាន ល្បែងស៊ីសង គ្រប់ប្រភេទ ដូចជា បៀរ អាប៉ោង ឆ្នោតយួន លេងតាមអំពើចិត្ត នោះទេ ឬមួយសម្ងំទទួលបានផល ប្រយោជន៍ ពីម្ចាស់ទីតាំង ដែលមានយីហោ P9 ទេដឹង បានជាមិនចាត់ វិធានការណ៍បង្ក្រាប វាផ្ទុយនឹងច្បាប់ គោលនយោបាយ ភូមិឃុំ មានសុវត្ថិភាព ប្រាំបួនចំនុច។
ប្រជាពលរដ្ឋ ក្នុងឃុំព្រែកទន្លាប់ សំណូមពរ ដល់ លោក គង់ សោ ភណ្ឌ័ អភិបាលខេត្តកណ្តាលនឹង ឧត្តមសេនីយ៍ទោ ឈឿន សុចិត្រ ស្នងការដ្ឋាន នគរបាលខេត្តកណ្តាល ចាត់វិធានការក្តៅ ដល់កម្លាំង អធិការដ្ឋាន នគរបាលស្រុកលើកដែក ចុះត្រួតពិនិត្យ ម្ចាស់ផ្ទះដែលមានយីហោP9 កំពុងកត់ឆ្នោតរាល់ថ្ងៃ នៅភូមិកំពង់ចម្លង គ្មានសមត្ថកិច្ចណា ម្នាក់ចុះបង្ក្រាបឡើយ៕
